بُلبُل

[عبدالمغیث]

اے نغمہ سرا بُلبُل کبھی خاموش نہ ہونا
زخموں بھری دنیا میں تری آواز ہے مرہم
گھنگور اندھیروں سے نہیں لڑنا ترے بس میں
کرتا ہے اے جگنو ذرا اندھیرے کو تُو مدھم
ظلموں سے نہ باز آئیں ہیں فطرت میں جو ظالم
بس میں ہے مرے جتنا بانٹوں میں خوشی ہر دم
عبدالمغیث​

 

[نور وجدان]

آپ کی بحر ہے

مفعول۔۔۔۔۔۔۔مفاعیلن۔۔۔۔مفعول۔۔۔۔۔۔۔مفاعیلن

مفعول: 122
مفاعیلن: 2221

اے نغمہ سرا بلبل کبھی خاموش نہ ہونا

اے ، نغ، م۔۔۔۔۔۔۔۔س۔را، بل۔بل۔۔۔۔۔۔۔۔۔۔۔۔۔ خاموش۔۔۔۔۔۔۔۔۔۔ نہ ہونا
122 ۔۔۔۔۔۔۔۔۔۔۔۔۔۔2221۔۔۔۔۔۔۔۔۔۔۔۔۔۔122۔۔۔۔۔۔۔۔۔۔۔۔۔۔221۔یہاں آخر میں ایک سہ حرفی رکن چاہیے۔۔۔۔

اے نغمہ سرا بلبل خاموش نہ اب ہونا ۔۔۔اب کی جگہ کچھ بھی مناسب لگے وہ آپ خود لگادیں۔۔۔
زخموں بھری دنیا میں آواز تری مرہم۔۔۔۔۔۔یہاں پر آواز اور تری کی جگہ بدلنا آپ کی مصرعہ بحر مین آرہا ہے
گھنگھور اندھیروں سے بس میں نہ رہا لڑنا۔۔۔۔
باقی دو بھی اسی طرح بحر میں کرلیں زیادہ محنت کرنی نہیں پڑی گی ۔۔آخری مصرعہ بحر میں ہے

 

[عبدالمغیث]

باقی دو بھی اسی طرح بحر میں کرلیں زیادہ محنت کرنی نہیں پڑی گی

بے ربط باتوں کی طرح اس کا عنوان بھی بے وزن شاعری ہونا چاہیے تھا۔ یہ وزن اور بحر میرے بس کی بات ہے ہی نہیں۔ کوششِ اصلاح کا شکریہ مگر کچھ لوگ قابلِ اصلاح نہیں ہوتے۔

 

[نور وجدان]

بے ربط باتوں کی طرح اس کا عنوان بھی بے وزن شاعری ہونا چاہیے تھا۔ یہ وزن اور بحر میرے بس کی بات ہے ہی نہیں۔ کوششِ اصلاح کا شکریہ مگر کچھ لوگ قابلِ اصلاح نہیں ہوتے۔

ا

آپ کی شاعری وزن میں تھی ۔۔کچھ بس کمی تھی جس کا اشارہ کیا تھا

اے نغمہ سرا بُلبُل کبھی خاموش نہ ہونا​

اے نغمہ سرا بلبل خاموش نہیں ہونا
اے نغمہ سرا بلبل خاموش نہ تم ہونا

زخموں بھری دنیا میں تری آواز ہے مرہم​

زخموں بھری دنیا میں نغمہ ہے بنا مرہم۔۔۔۔۔۔۔۔
زخموں بھری دنیا میں آواز تری ہے مرہم
زخموں بھری دنیا میں نغمہ ترا ہے مرہم

گھنگور اندھیروں سے نہیں لڑنا ترے بس میں​

گھنگھور اندھیروں سے بس میں نہ رہا لڑنا

کرتا ہے اے جگنو ذرا اندھیرے کو تُو مدھم​

تیرہ شبی کو جگنو نے کرنا ہے اب مدھم

ظلموں سے نہ باز آئیں ہیں فطرت میں جو ظالم​

فرعوں کی حکومت ہے بھرپور مظالم سے​

بس میں ہے مرے جتنا بانٹوں میں خوشی ہر دم
​