بلوچستان لبریشن آرمی دہشتگرد تنظيم قرار

[Fawad -]

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

بلوچستان لبریشن آرمی دہشتگرد تنظيم قرار

بی ايل اے ايک مسلح عليحدگی پسند گروہ ہے جو عمومی طور پر پاکستان کے بلوچ علاقوں ميں عام شہريوں اور سيکورٹی فورسز کو نشانہ بناتا ہے۔ بی ايل اے نے گزشتہ برس کے دوران دہشت گردی کی کئ کاروائياں کی ہيں جن ميں اگست 2018 ميں خود کش حملہ بھی شامل تھا جس ميں بلوچستان ميں چينی انجينيرز کو نشانہ بنايا گيا۔ علاوہ ازيں نومبر 2018 ميں کراچی ميں چينی قونصل خانے پر حملہ کيا گيا اور مئ 2019 ميں گوادر ميں ايک نجی ہوٹل پر حملہ اس گروہ کی کاروائيوں ميں شامل ہے۔

دہشت گرد قرار ديے جانے کے فيصلے سے افراد اور تنظيموں کو تنہا کرنا اور ان کے اصل روپ کو دنيا کے سامنے عياں کرنا مقصود ہوتا ہے۔ علاوہ ازيں دہشت گرد قرار ديے جانے والے عناصر کی امريکی معاشی نظام تک رسائ کو روک ديا جاتا ہے۔ علاوہ ازيں يہ فيصلہ امريکی قانون نافذ کرنے والے اداروں اور ديگر حکومتوں کی کاروائيوں ميں بھی مددگار ثابت ہوتا ہے۔

امريکی وزارت خارجہ کی جانب سے دہشت گرد قرار ديے جانے والے افراد اور تنظيموں کی مکمل لسٹ اس لنک پر ديکھی جا سکتی ہے۔

Terrorist Designations and State Sponsors of Terrorism - United States Department of State.

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

 

[الف نظامی]

امریکہ کو سمجھ آگئی ہے تو اچھی بات ہے۔
ایک بیک گراونڈ انفارمیشن بھی ساتھ ساتھ مہیا کرنا ضروری ہے۔

جنرل پرویز مشرف نے کہا تھا امریکہ کشمیر پر ہماری مدد کرے گا ، انڈیا کو افغانستان سے دور رکھے گا اور کوئی امریکی فوجی افغانستان نہیں آئے گا۔ چند دنوں بعد امریکی فوجی پسنی میں اترے اور وہاں سے قندھار چلے گئے۔ ہم نے امریکہ کو ہوائی اڈے دئیے ، چھ سو آدمی حوالے کیے۔
جواب میں امریکہ نے افغانستان میں انڈیا کو بٹھا دیا۔ حربیار مری اور براہمداغ بگٹی کے ٹریننگ کیمپس کھلوائے اور بلوچستان میں علیحدگی کی تحریک شروع کر دی۔