برائے اصلاح

فیضان قیصر نے 'اِصلاحِ سخن' کی ذیل میں اس موضوع کا آغاز کیا، ‏فروری 8, 2020

  1. فیضان قیصر

    فیضان قیصر محفلین

    مراسلے:
    293
    جھنڈا:
    Pakistan
    موڈ:
    Angelic
    بن ترے جو بھی زندگی ہوگی

    مستقل اس میں اک کمی ہوگی

    تیرے دم سے ہے روشنی گھر میں

    تو نہیں ہو تو تیرگی ہوگی

    اس لیے سب ترے مخالف تھے

    تو نے انکی نہیں سنی ہوگی

    تم جو گم سم اداس رہتے ہو

    اس طرح کیسے نوکری ہوگی

    ایک ہی موڈ ہوگا بن تیرے

    مستقل دل کو بے کلی ہوگی

    ٹیس جس کی نہیں گئی اب تک

    بات دل سے کہی گئی ہوگی

    خاتمہ داستاں کا یوں ہوگا

    وہ مرے دل میں مر چکی ہوگی

    غم زدوں کو ہے جس نے مارا وہ

    غم نہیں غم کی آگہی ہوگی

    دل نہ بہلے گا اس تسلی سے

    صبر کر اس میں بہتری ہوگی

    مجھ کو فیضان خوش گمانی ہے

    وہ مری راہ دیکھتی ہوگی
     
    • پسندیدہ پسندیدہ × 1
  2. فیضان قیصر

    فیضان قیصر محفلین

    مراسلے:
    293
    جھنڈا:
    Pakistan
    موڈ:
    Angelic
  3. محمّد احسن سمیع :راحل:

    محمّد احسن سمیع :راحل: محفلین

    مراسلے:
    550
    جھنڈا:
    Pakistan
    موڈ:
    Confused
    برادرم فیضان، آداب!

    ماشاء اللہ اچھی غزل ہے اور میری استطاعت کے مطابق شاید زیادہ اصلاح کی ضرورت بھی نہ ہو، استاد محترم ہی بہتر بتا سکتے ہیں۔ دو ایک نکات جو ذہن میں آئے وہ بیان کئے دیتا ہوں۔

    مکرمی ظہیر بھائی نے کچھ عرصہ قبل بیان کیا تھا کہ کلمہ نہی کے لئے شعر میں نہ کا استعمال زیادہ مستحسن ہوتا ہے بہ نسبت نہیں کے۔ مزید برآں شعر کا اسلوب اس طرح کا ہے کہ دوسرا مصرعہ صیغہ مستقبل کا متقاضی ہے۔ اس کو یوں سوچ کر دیکھیں۔
    تو نہ ہوگا تو تیرگی ہوگی۔
    ویسے تو اور تیرگی کے مابین تنافر اب بھی برقرار ہے مگر مجھے یہ اتنا ناگوار محسوس نہیں ہوا۔

    "دل کو" کی بجائے "دل میں بے کلی ہوگی" کہنا شاید زیادہ مناسب ہوگا۔

    "ہے مارا" کے بجائے "تھا مارا" شعر کے اسلوب سے زیادہ مطابقت رکھتا ہے۔

    ٹیس کے بارے میں تو ہمیشہ یہی پڑھا سنا ہے کہ یہ اٹھتی ہے، سو اس کی ضد "دبنا" نہیں ہونی چاہیئے؟؟؟
    ٹیس جس کی نہیں دبی اب تک
    یا
    درد جس کا نہیں گیا اب تک؟

    دوسرے مصرعے کو واوین میں لکھیں، کیونکہ یہاں حکایت نقل کی جارہی ہے۔

    دعاگو،
    راحل۔
     
    • متفق متفق × 2
  4. فیضان قیصر

    فیضان قیصر محفلین

    مراسلے:
    293
    جھنڈا:
    Pakistan
    موڈ:
    Angelic
    اپنا قیمتی وقت دینے کا بہت شکریہ راحل بھائی۔ آپ نے جن خامیوں کی طرف رہنمائی فرمائی آپ کے بتائے متبادل سے ان کو بدل دیا ہے۔
     
    • دوستانہ دوستانہ × 1

اس صفحے کی تشہیر