بدقسمتی سے ہمارے بزرگوں نے پاکستان سے انصاف نہیں کیا، وزیراعظم

جاسم محمد

محفلین
بدقسمتی سے ہمارے بزرگوں نے پاکستان سے انصاف نہیں کیا، وزیراعظم
ویب ڈیسک پير 28 جون 2021
2195404-imrankhan-1624868489-421-640x480.jpg

جو بھی قانون بنایا جائے اس پر سختی سےعمل کیاجائے، وزیراعظم فوٹو: فائل

ناران: وزیر اعظم عمران خان نے کہا ہے کہ بدقسمتی سے ہمارے بزرگوں نے پاکستان سے انصاف نہیں کیا.

ناران میں صحافیوں سے گفتگو کے دوران وزیراعظم نے کہا کہ سیاحت کا فروغ امن کے بغیر ممکن نہیں، بیرون ممالک کے سیاح خود کو محفوظ سمجھیں تو ہی پاکستان آئیں گے، سیاحت کے حوالے سے صوبائی حکومتوں کو قوانین کی تیاری کی ہدایت کی ہے، سیاحوں کو متوجہ کرنے کے لیے رافٹنگ نے سمیت کئی کھیل متعارف کرائے جا رہے ہیں، ملک میں مذہبی اور تاریحی سیاحت کی گنجائش موجود ہے، سوئٹزرلینڈ سیاحت سے سالانہ 80 ارب ڈالر کماتا ہے، نتھیا گلی جیسے 15 نئے سیاحتی مکانات بنائے جا سکتے ہیں۔

اس سے قبل تقریب سے خطاب کے دوران وزیر اعظم نے کہا کہ سیاحت کے فروغ کے لیے کیے گئے اقدامات پر خیبر پختونخوا حکومت کو تحسین پیش کرتاہوں، پہلے یہاں درخت کٹے ہوئے ہوتے تھے لیکن آج بڑے بڑے درخت دیکھ رہا ہوں۔ میں دنیا بھر میں گھوما پھرا ہوا ہوں لیکن پاکستان جیسی خوبصورتی کہیں نہیں، کاغان میں جو خوبصورتی ہے دنیا میں شائد ہی ہوگی۔

وزیر اعظم نے کہا کہ اللہ کی نعمتوں کا شکر ان کی حفاظت کرکے کیا جاتا ہے، ہمیں وہ پاکستان چھوڑ کر جانا ہے جس پر آنے والی نسلیں ہمارا شکریہ ادا کریں، بدقسمتی سے ہمارے بزرگوں نے پاکستان سے انصاف نہیں کیا، ہمارے درختوں اور جنگلات کو تباہ کیا، انہوں نے یہ نہیں سوچا کہ وہ بھی ایسا پاکستان چھوڑ کر جائیں جیسا انہیں ملا تھا۔

وزیر اعظم نے کہا کہ ہمیں اپنے سیاحتی مقامات کا خیال رکھنا ہے، سیاحت سے اتنا پیسہ ملے گا کہ لوگوں کو مالی فائدہ ہوگا، ہمارے سیاحتی علاقوں میں سیاحت سے نوکریاں ملیں گی، ہمارے دین میں پاکیزگی اور صفائی کی بہت اہمیت ہے، ہمیں اپنے ملک کو صاف کرنا ہے، کلین اینڈ گرین پاکستان کے وژن پرعمل پیرا ہیں، درختوں کی حفاظت کے لئے مقامی افراد کو بھرتی کیا جائے، کاغان میں دریاوَں میں جو ناقص مواد پھینکا جاتا ہے اس پر پابندی لگائی جائے۔ جو بھی قانون بنایا جائے اس پر سختی سےعمل کیاجائے۔
 
Top