میر باندھے کمر سحر گہ آیا ہے میرے کیں پر

[سید شہزاد ناصر]

باندھے کمر سحر گہ آیا ہے میرے کیں پر​

جو حادثہ فلک سے نازل ہوا زمیں پر​

​

اقرار میں کہاں ہے انکار کی سی خوبی​

ہوتا ہے شوق غالب اس کی نہیں نہیں پر​

​

کنجِ قفس میں جوں توں کاٹیں گے ہم اسیراں​

سیرِ چمن کے شایاں اپنے رہے نہیں پر​

​

جوں آب گیری کردہ شمشیر کی جراحت​

ہے ہر خراشِ ناخن رخسارہ و جبیں پر​

​

آخر کو ہے خدا بھی تو اے میاں جہاں میں​

بندے کے کام کچھ کیا موقوف ہیں تمھیں پر​

​

غصے میں عالم اس کا کیا کیا نظر پڑا ہے​

تلوار کھینچنا تھی اس کی جبیں کی چیں پر​

​

تھے چشمِ خوں فشاں پر شاید کہ دست و دامن​

ہیں میرؔ داغ خوں کے پیراہن آستیں پر​

 

[طارق شاہ]

باندھے کمر سحر گہ ، آیا ہے میرے کیں پر​

جو حادثہ فلک سے، نازل ہُوا زمیں پر​

​

​

اقرار میں کہاں ہے انکار کی سی خُوبی​

ہوتا ہے شوق غالب، اُس کی نہیں نہیں پر​

​

​

کنُجِ قفس میں جُوں تُوں کاٹیں گے ہم اسیراں​

سیرِ چمن کے شایاں اپنے رہے نہیں پر​

​

​

جُوں آب گیری کردہ شمشِیر کی جراحت​

ہے ہر خراشِ ناخُن رُخسارہ و جبِیں پر​

​

​

آخر کو ہے خُدا بھی تو، اے میاں جہاں میں​

بندے کے کام کچھ کیا موقوُف ہیں تُمِھیں پر​

​

​

غصّے میں عالم اُس کا، کیا کیا نظر پڑا ہے​

تلوار کھینچنا تھی اُس کی جبِیں کی چِیں پر​

​

​

تھے چشمِ خُوں فشاں پر شاید کہ دست و دامن​

ہیں میرؔ داغ خُوں کے پیراہن آستیں پر​

​

میر تقی میر ​

بہت لاجواب، بہت ہی اعلٰی
تشکّر شریک لطف کرنے پر

بہت خوش رہیں

 

[سید شہزاد ناصر]

بہت لاجواب، بہت ہی اعلٰی
تشکّر شریک لطف کرنے پر

بہت خوش رہیں

پسند کرنے کا شکریہ
شاد و آباد رہیں

 

[محمد اسامہ سَرسَری]

بہت عمدہ انتخاب۔۔۔ بہت شکریہ جناب
جزاکم اللہ خیرا۔

 

[سید شہزاد ناصر]

بہت عمدہ انتخاب۔۔۔ بہت شکریہ جناب
جزاکم اللہ خیرا۔

پسند کرنے کا شکریہ
شاد و آباد رہیں