اے صاحبِ لولاک ﷺ

الف نظامی

لائبریرین
ذروں کو کیا ہمسرِ خورشیدِ جہاں تاب
ہر سنگِ سرِ رہ کو کیا گوہرِ نایاب
چمکے ہیں ترے نور سے کیا کیا خس وخاشاک
اے صاحبِ لولاک

ہے فخر تجھے فقر پہ اے شاہِ دوعالم
اے ختمِ رسل ، ہادی دیں ، خلقِ مجسم
سرمہ ہے مری آنکھ کا طیبا کی حسیں خاک
اے صاحبِ لولاک

ہے نقشِ کفِ پا ترا تاروں کی جبیں پر
احسان تری ذات کا ہے ماہِ مبیں پر
تابندہ ترے نور سے ہے دامنِ افلاک
اے صاحبِ لولاک


(ثنائے خواجہ از حافظ لدھیانوی)​
 
Top