ایک شعر برائے اصلاح

[عینی خیال]

کتنا بدل دیا ہے تیرے ہجر نے مجھ کو
اے کاش کھبی تم نہ مجھے چھوڑ کے جاتے!

 

[الف عین]

مبتدی اس بحر میں بہت کنفیوز ہوتے ہیں۔ یہ دو بحریں ہیں۔
مفعول فاعلات مفاعیل فاعلات
مثال
ہر چند اس میں ہاتھ ہمارے قلم ہوئے

اور
مفعول مفاعیل مفاعیل فعولن
مثال
کہتے ہیں کہ غالب کا ہے اندازِ بیاں اور
یہاں عینی کا یہ شتر گربہ ہے کہ پہلا مصرع پہلی بحر میں ہے، اور دوسرا مصرع دوسری بحر میں۔ اس کی اصلاح اس وقت تک نہیں دی جا سکتی جب تک یہ علم نہ ہو کہ غزل کس بحر میں ہے!!