مومن اگر غفلت سے باز آیا ، جفا کی

[نمرہ]

اگر غفلت سے باز آیا ، جفا کی​

تلافی کی بھی ظالم نے تو کیا کی​

کبھی انصاف ہی دیکھا نہ دیدار​

قیامت اکثر اس کُو میں رہا کی​

فلک کے ہاتھ سے میں جا چھپوں گر​

خبر لا دے کوئی تحت الثریٰ کی​

چمن میں کوئی اس کُو سے نہ آیا​

گئی برباد سب محنت صبا کی​

کیا جب التفات اس نے ذرا سا​

پڑی ہم کو حصولِ مدعا کی​

کہا ہے غیر نے تم سے مرا حال​

کہے دیتی ہے بے باکی ادا کی​

تمھیں شورو فغاں سے میرے کیا کام​

خبر لو اپنی چشمِ سرمہ سا کی​

دیا علم و ہنر حسرت کشی کو​

فلک نے مجھ سے یہ کیسی دغا کی​

غمِ مقصد رسی تا نزع اور ہم​

اب آئی موت بختِ نارسا کی​

مجھے اے دل تری جلدی نے مارا​

نہیں تقصیر اس دیر آشنا کی​

جفا سے تھک گئے تو بھی نہ پوچھا​

کہ تو نے کس توقع پر وفا کی​

کہا اس بت سے، 'مرتا ہوں'، تو مومن​

کہا، 'میں کیا کروں، مرضی خدا کی'​

 

[طارق شاہ]

اگر غفلت سے باز آیا ، جفا کی​

تلافی کی بھی ظالم نے تو، کیا کی​

​

کبھی انصاف ہی دیکھا، نہ دِیدار​

قیامت اکثر اس کُو میں رہا کی​

​

فلک کے ہاتھ سے، میں جا چھپُوں گر​

خبر لا دے کوئی تحْت الثریٰ کی​

​

چمن میں کوئی اُس کُو سے نہ آیا !​

گئی برباد سب محنت صَبا کی​

​

کِیا جب اِلتفات اُس نے ذرا سا !​

پڑی ہم کو حصُولِ مُدّعا کی​

​

کہا ہے غیر نے، تم سے مِرا حال​

کہے دیتی ہے بے باکی ادا کی​

​

تمھیں شورو فُغاں سے میرے کیا کام​

خبر لو اپنی چشمِ سُرمہ سا کی​

​

دیا علم و ہنر حسرت کُشی کو​

فلک نے مجھ سے یہ کیسی دغا کی​

​

غمِ مقصد رسی تا نزع اور ہم!​

اب آئی موت بخْتِ نارَسا کی​

​

مجھے اے دل تِری جلدی نے مارا​

نہیں تقصِیر اُس دیر آشنا کی​

​

جفا سے تھک گئے، تو بھی نہ پُوچھا !​

کہ تُو نے، کس توَقّع پر وفا کی​

​

کہا اُس بُت سے، مرتا ہُوں، تو مومِن!​

کہا، 'میں کیا کرُوں، مرضی خُدا کی'​

​

مومن خان مومن​

​

کِیا جب اِلتفات اُس نے ذرا سا !​

پڑی ہم کو حصُولِ مُدّعا کی​

مجھے اے دل تِری جلدی نے مارا​

نہیں تقصِیر اُس دیر آشنا کی​

کیا کہنے

​

بہت خُوب غزل مُنتخب کی صاحبہ !
تشکّر شیئر کرنے پر
اور بہت خوش رہیں

 

[عمر سیف]

بہت خوب۔