اپنی نفرت کو جو زنجیر نہیں کر سکتے - ظہور السلام جاوید

[literature]

اپنی نفرت کو جو زنجیر نہیں کر سکتے
وہ کبھی خواب کو تعبیر نہیں کر سکتے​

فیصلے وقت ہی تحریرکیا کر تا ہے
آپ چاہیں بھی تو تحریر نہیں کر سکتے​

بس یہی بات بنی اپنی تباہی کا سبب
اپنے جذبات کو تصویر نہیں کر سکتے​

آپ سچے ہیں اگر آپ کا دعویٰ ہےتو کیوں
ایسی سچائی کی تشہیر نہیں کر سکتے​

فاتحِ شہرِ جنوں یاد رہے بات مری
حوصلوں کو کبھی زنجیر نہیں کر سکتے​

حکم آیا ہے مسیحائے محبت کا ظہور
زخم کھاتے رہو تدبیر نہیں کر سکتے​

ظہور الاسلام جاوید​

 

[عمران شناور]

فیصلے وقت ہی تحریرکیا کر تا ہے
آپ چاہیں بھی تو تحریر نہیں کر سکتے

بہت خوب!

 

[arifkarim]

ہم چاہیں بھی تو غزل تحریر نہیں کر سکتے