اُٹھائیں اگر آپ منہ سے نقاب - عابد لاہوری

[کاشفی]

غزل​

(عابد لاہوری)​

​

اُٹھائیں اگر آپ منہ سے نقاب​

تو پھیکا پڑے چہرہء آفتاب​

​

بہت آستانوں پہ سجدے کیئے​

بہت کردیا میں نے رسوا شباب​

​

نہ کر ان سے ملنے کی اے دل ہوس​

کہاں خس ، کہاں شعلہء برق تاب​

​

وہ بہکی ہوئی چالِ بیباک و مست​

وہ مہکے ہوئے گیسوئے مشک ناب​

​

اُنہیں جب سے دیکھا ہے عابد نے یوں​

نہ آرام دن کو، نہ ہے شب کو خواب​

 

[محمد وارث]

بہت شکریہ کاشفی صاحب شیئر کرنے کیلیے۔