محمد احسن سمیع راحلؔ
محفلین
معزز اراکین محفل، آداب!
میرے عمِ محترم جناب حنیفؔ شاہجہاں پوری مرحوم کے پہلے مجموعہ کلام ’’غمِ نیلگوں‘‘ سے دو غزلوں کے کچھ اشعار آپ سب کے ذوق کی نذر۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کے اجلے دامن میں اشکوں کے بھیگے پھول
صحنِ مسجد میں گرتے ہیں مولسری کے پھول
رنگِ طبیعت جان گئے ہیں گیندا، زرد گلاب!
میرا دکھ پہچان گئے ہیں پیلے پیلے پھول
جاڑوں کی رُت، پورن ماشی، نرمل کومل یاد
جیسے برسیں برف کے پیہم دھیرے دھیرے پھول
ساتھ چلیں خوشبوئیں ان کے، قدم قدم لہرائیں
لال، بسنتی، اوودے، چمپئی، نیلے نیلے پھول
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ مرے ساتھ کون چلتا ہے
ملگجی شام کیوں سہانی ہے؟
کیا مزا ہے بتا سلگنے میں؟
زندگی، توُ تو بس دوانی ہے
روشنی کے لئے جلیں گے ہم
یہ روایت بڑی پرانی ہے!
باعثِ وسعتِ نظر ہے یہ
اور بظاہر نمک کا پانی ہے!
شکریہ۔
میرے عمِ محترم جناب حنیفؔ شاہجہاں پوری مرحوم کے پہلے مجموعہ کلام ’’غمِ نیلگوں‘‘ سے دو غزلوں کے کچھ اشعار آپ سب کے ذوق کی نذر۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کے اجلے دامن میں اشکوں کے بھیگے پھول
صحنِ مسجد میں گرتے ہیں مولسری کے پھول
رنگِ طبیعت جان گئے ہیں گیندا، زرد گلاب!
میرا دکھ پہچان گئے ہیں پیلے پیلے پھول
جاڑوں کی رُت، پورن ماشی، نرمل کومل یاد
جیسے برسیں برف کے پیہم دھیرے دھیرے پھول
ساتھ چلیں خوشبوئیں ان کے، قدم قدم لہرائیں
لال، بسنتی، اوودے، چمپئی، نیلے نیلے پھول
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ مرے ساتھ کون چلتا ہے
ملگجی شام کیوں سہانی ہے؟
کیا مزا ہے بتا سلگنے میں؟
زندگی، توُ تو بس دوانی ہے
روشنی کے لئے جلیں گے ہم
یہ روایت بڑی پرانی ہے!
باعثِ وسعتِ نظر ہے یہ
اور بظاہر نمک کا پانی ہے!
شکریہ۔
آخری تدوین:
