انتخاب : دوھڑے - صوفی تبسّم

دوھڑے
----------------
نہ اوہ پاک نگاہواں باقی نہ اوہ پاک ضمیری
جگ وچ خالی صُوفی رہ گئے رخصت ہوئی فقیری
اللہ کولوں مَنّک او بنّدیا قلب نظر دی بَھکھیا
دُنیا دے وچ مِل نہیں سکدی ، باجھوں فقیر امیری
----------------
وقت دی گردش دا کِیہ پُچھنا ایں ، مُکدے نہیں زمانے
اک حقیقت ذات ہے تیری ، باقی سبھ افسانے
کل جو لنّگھیا ، کل جو آؤنا ایں ، دوویں فقط بہانے
اصلی جیونا اوسدا جیہڑا ، آج دی قدر پچھانے
----------------
عشق عقاب ،شہباز ، شاہین نُوں خاطر وچ نہ لیاوے
جے چاہوے تے چک چکوراں بازاں نال لڑاوے
دل بے چارا لُک لُک جاوے ، آپنا آپ بچاوے
عشق ایس دل دیاں کُھونجاں وچوں اُٹھ اُٹھ جھاتیاں پاوے
----------------
ایڈا گرم بازار سی زندگی دا ایتھے جو آئے مری جان وِک گئے
وِک گئے ایتھے جوبن یوسفاں دے ، ایتھے بڑے فرعوناں دے مان وِک گئے
ایتھے نازوِ کے مُل عاجری دے ، ایتھے کفر دے بھا ایمان وِک گئے
اینا زور پیا آن گاہگاں دا ، مالگ آپ وی سنے دکان وِک گئے
----------------
صوفی تبسّم
 
آخری تدوین:
Top