اللہ اللہ اللہ ہو لا الہ الا ہو۔۔

یوسف سلطان

محفلین
اللہ اللہ اللہ ہو لا الہ الا ہو
بارہ ربیع الاول کو وہ آیا دُر یتیم
ماہ نبوت مہر رسالت صاحب خلق عظیم
نبی جی اللہ اللہ اللہ ہو لا الہ الا ہو

آمنہ بی بی کے گلشن میں آئی ہے تازہ بہار
پڑھتے ہیں صلی اللہ علیہ و سلم آج در و دیوار
نبی جی اللہ اللہ اللہ ہو لا الہ الا ہو

پیاری صورت ہنستا چہرہ منہ سے جھڑتے پھول
نور کا پیکر چاند سا مکھڑا حق کا پیارا رسول
نبی جی اللہ اللہ اللہ ہو لا الہ الا ہو

کفر و شرک کی کالی گھٹائیں ہو گئیں ساری دور
مشرق و مغرب دنیا اندر ہو گیا نور ہی نور
نبی جی اللہ اللہ اللہ ہو لا الہ الا ہو

جبریل آئے جھولا جھولانے لوری دیں غلمان
سوجا سوجا رحمت عالم میں تیرے قربان
نبی جی اللہ اللہ اللہ ہو لا الہ الا ہو

شاعر: مولانا محمدشفیع اوکاڑوی



 
آخری تدوین:
Top