تاسف اشفاق احمد صاحب کی سالگرہ

[ناعمہ عزیز]

اشفاق احمد صاحب اردو ادب کا ایک نمایاں نام جو کہ مجھے امید ہے کسی بھی تعارف کے محتاج نہیں آپ سب ان کے نام سے واقف ہیں اردو ادب میں ان کا ایک نمایاں مقام ہے ، کچھ لوگوں کی شخصیت ایسی ہوتی ہے کہ وہ بہت زیادہ انسپائر کرتی ہے ،اور اشفاق صاحب ان لوگوں میں ہے جن سے میں حد درجہ متاثر ہوں ، یہ حقیقت ہے کہ ان سے انسپائریشن ان کے دنیا سے چلے جانے کے بعد ہوئی کیونکہ میں نے ہوش ہی تب سنبھالا تھا ، اور میری ذاتی رائے کے مطابق تو ان کو مترادف کوئی نہیں ہے ، بلاشبہ وہ ایک عظیم انسان ہے اور انہوں نے اردو ادب میں جو کچھ اپنے لفظوں کی شکل میں چھوڑا ہے بلاشبہ وہ کسی بھی انسان کے مشعل راہ ہے ، میں ان کے بارے میں بہت زیادہ نہیں جانتی ہوں ابھی تو ان پر ریسریچ جاری ہے ، آپ لوگ یہ مت سمجھیں یہ میری کوئی اسائنمٹ ہے ، بس ان کی زندگی پر مکمل ریسریچ کرنے کو میرا دل کر تا ہے اور جو میرا دل کرتا ہے وہ کرنے سے میں باز نہیں آتی ہوں ،
آج دراصل اشفاق احمد صاحب کی سالگرہ ہے ، مرحوم 22 اگست 1925 میں پیدا ہوئے اور انہوں نے 7 ستمبر 2004 کو وفات پائی ، ان کی اردو میں نمایاں کاوشوں میں جو مجھے پسند ہے وہ ہے زاویہ ، جس پر انہوں نے پروگرام بھی کیے اور وہ تحریری شکل میں بھی موجود ہے، اس کے علاوہ تصوف پر لکھا گیا ان کا ڈرامہ من چلے کا سودا میرا سب سے فیورٹ ہے ،
ایک محبت سو افسانے
بند گلی
گڈریا
حیرت کدہ
کھیل تماشا
سفر مینا
صبحانے افسانے
شاہلا کوٹ
وداع جنگ
اُچے برج لاہور دے

اس کے علاوہ اور بہت سارے ڈرامے ، کہانیاں اور ناول جو انہوں نے لکھے ، لیکن میرے علم میں یہی تھے ، ہاں جب میری ان کے بارے میں ریسریچ پوری ہو جائے گی تب میں ضرور لکھوں گی ، ابھی اس دعا کے ساتھ اجازت کہ اللہ سائیں ان کے درجات کو بلند کرے ۔ آمین

 

[ناعمہ عزیز]

 

[نایاب]

حق مغفرت فرمائے ۔ آمین
بلا شبہ ایسے انسان کہیں صدیوں میں جنم لیتے ہیں ۔

 

[عاطف بٹ]

اشفاق صاحب واقعی ایک بہت شاندار آدمی تھے۔ گورنمنٹ کالج (یونیورسٹی) لاہور کے سالانہ مجلہ راوی کا ایک شمارہ ان کے حوالے سے ترتیب دیا گیا تھا، میں کوشش کروں گا کہ اس شمارے کے تمام مضامین یہاں شئیر کروں۔ آپ کو ان مضامین میں اشفاق صاحب کی زندگی کے حوالے سے بہت کچھ ملے گا۔

 

[ناعمہ عزیز]

رئیلی ؟ مجھے بہت اچھا لگا عاطف لالہ آپ کو جب ٹائم ملے ضرور شیئر کرئیے گا ۔

 

[عاطف بٹ]

رئیلی ؟ مجھے بہت اچھا لگا عاطف لالہ آپ کو جب ٹائم ملے ضرور شیئر کرئیے گا ۔

جی رئیلی۔ اور اشفاق صاحب یا بانو آپا کے حوالے سے جو بھی معلومات آپ کو درکار ہوں، وہ میں انشاءاللہ بآسانی فراہم کرسکتا ہوں۔ میں کوشش کروں گا کہ وقتا فوقتا یہاں ان سے متعلق چیزیں شئیر کرتا رہوں۔

 

[ناعمہ عزیز]

جی رئیلی۔ اور اشفاق صاحب یا بانو آپا کے حوالے سے جو بھی معلومات آپ کو درکار ہوں، وہ میں انشاءاللہ بآسانی فراہم کرسکتا ہوں۔ میں کوشش کروں گا کہ وقتا فوقتا یہاں ان سے متعلق چیزیں شئیر کرتا رہوں۔

آئی وش میں بانو آپا سے مل سکوں میری زندگی کی سب سے قیمتی خواہش ہیں ۔ لیکن مجھے بہت خوشی ہو گی آپ ضرور شیئر کرئیے گا، میں بھی اپنا مواد یہاں منتقل کرتی رہی ہوں گی ۔

 

[عاطف بٹ]

آئی وش میں بانو آپا سے مل سکوں میری زندگی کی سب سے قیمتی خواہش ہیں ۔ لیکن مجھے بہت خوشی ہو گی آپ ضرور شیئر کرئیے گا، میں بھی اپنا مواد یہاں منتقل کرتی رہی ہوں گی ۔

جی ضرور۔ آپ جب بھی ان سے ملنے کے لئے لاہور آنا چاہیں تو بتائیے گا، انشاءاللہ آپ کی ملاقات کا انتظام ہوجائے گا۔

 

[ناعمہ عزیز]

جی ضرور۔ آپ جب بھی ان سے ملنے کے لئے لاہور آنا چاہیں تو بتائیے گا، انشاءاللہ آپ کی ملاقات کا انتظام ہوجائے گا۔

سچی میں ؟

 

[عاطف بٹ]

سچی میں ؟

جی بالکل سچی میں۔

 

[ناعمہ عزیز]

جی بالکل سچی میں۔

پھر تو میری عید ہو جائے گی

 

[عاطف بٹ]

پھر تو میری عید ہو جائے گی

تو بس پھر آپ جب بھی عید منانا چاہیں مجھے بتادیجئے گا، آپ کے لالہ جی حاضر!

 

[ناعمہ عزیز]

تو بس پھر آپ جب بھی عید منانا چاہیں مجھے بتادیجئے گا، آپ کے لالہ جی حاضر!

شیور شیور

 

[نایاب]

سہیل کی سالگرہ(افسانہ)۔ ۔ ۔ ۔ اشفاق احمد
سہیل کی سالگرہ
بڑی مارکیٹ کے سامنے، سڑک کے دونوں طرف بیٹھے ہوئے سینکڑوں لوگوں میں سے وہ یوسف کے سامنے آ کر رکا اور بولا ” بارہ چودہ کے کمرے پر ایملشن کروانا ہے ۔ گراؤنڈ تیار ہے، مال موجود ہے، شام تک کر لو گے ؟”
یو سف نے مسکرا کر جواب دیا ” کیوں نہیں سر، پندرہ برس سے یہی کام کر رہا ہوں، میرا باپ مشہور سفیدی والا تھا، ہمارا خاندانی پیشہ ہے، کروں گا کیوں نہیں ۔”
ابرار صاحب نے کہا ” چالیس روپے ملیں گے ۔”
یو سف نے کہا ” آپ چالیس بھی نہ دیں، کام ملنا چاہئے اور ہاتھ کی صفائی دیکھنی چاہئے، باقی اس دنیا میں کیا رکھا ہے سر جی ___ !”
سر جی جب اس کو اپنی کار میں سوار کرانے لگے تو یوسف کا کلیجہ کانپ گیا۔ ایسی نئی اور خوبصورت کار اس نے نہ تو کبھی سڑک پر دیکھی تھی اور نہ ہی اس کو خواب میں نظر آئی تھی، حالانکہ یوسف جب بھی دیکھتا تھا، کار ہی کے خواب دیکھتا تھا۔ اور یہ شاید اس کے ماموں کی وجہ سے تھا جو کافی مشہور ڈینٹر تھا اور جس کے پاس بہت سی کاریں آتی تھیں ۔
ابرار صاحب کی کار میں بیٹھتے ہو ئے یوسف نے اپنا ڈبہ بچے کی طرح سینے سے چمٹا لیا اور اس کے اندر کے دونوں برش با لوں کے رخ کھڑے کر دئیے ۔ موٹر میں احتیاط کے ساتھ بیٹھنا تو بڑے بڑوں کو نہیں آتا، یوسف بے چارے کا تو یہ صرف چوتھا موقع تھا کہ وہ کار کی اگلی سیٹ پر بیٹھ کر اپنا آپ سنبھال کے رکھے اور اپنے گندے ڈول کو سوائے اپنے کپڑوں کے یا اپنے وجود کے اور کسی شے سے لگنے نہ دے ۔
گاڑی سٹارٹ کر کے جب ابرار صاحب نے بٹن دبا کر شیشے اوپر چڑھائے تو انہوں نے مسکرا کر پو چھا ” پہلے بھی کبھی اتنی بڑی گاڑی میں بیٹھے ہو ؟”
یوسف نے کہا ” نہیں سر جی ۔” اور پھر شر مندہ سا ہو گیا ۔
کمرہ بارہ چودہ سے ذرا بڑا تھا اوراس کی گراؤنڈ اتنی تیار نہ تھی جتنی یوسف کو بتائی گئی تھی ۔ برش کی کھینچ سے دیواروں پر کہیں کہیں لس آتی تھی اور یوسف کو ریگ مال لگا کر وہ جگہ پھر سے تیار کرنی پڑی تھی ۔
سورج غروب ہونے کے بعد جب یو سف نے کمرہ تیار کر دیا تو بیگم صاحب اس کے کام کو دیکھ کر بہت خوش ہوئیں۔ ابرار صاحب کو بھی اس کی آرٹسٹک صلاحیتوں پر کچھ فخر سا ہوا ۔ انہوں نے چالیس روپے یوسف کو تھما کر بڑے خوشگوار انداز میں ” تھینک یو ” کہا اور اس کا کندھا تھپک کر بو لے ” اسی جگہ بیٹھتے ہو ناں ہر روز آ کر ؟” یو سف نے کہا …….. ” بیٹھتا تو اسی جگہ ہوں سر جی، مگر مجھے واپس چھوڑنے کا کوئی بند و بست کرا دیجئے ۔ میرا گھر اس جگہ سے بہت ہی دور ہے ۔”
ابرار صاحب نے کہا ” اگر تم تیز تیز قدم اٹھا تے نہر کا پل کراس کر کے دائیں بائیں دیکھے بغیر بڑے ٹاور تک پہنچ جاؤ تو تمہیں آدھ گھنٹے میں بس سٹاپ مل جائے گا ” ۔
یوسف نے کہا ” آج میرے بیٹے کی سالگرہ ہے سر جی اور اس نے گھر پر اپنے دوستوں کو بلایا ہوا ہے ۔ اگر میں وقت پر نہ پہنچا تو اس کا فنکشن رہ جائے گا ۔ مجھے ابھی راستے میں کیک بھی خریدنا ہے ۔”
بیگم ابرار نے انگریزی میں اپنے شوہر سے کہا ” ہمارا کلچرل پیٹرن کتنی تیزی سے بدل رہا ہے ابرار ! اب مزدور لوگ بھی کیک کاٹ کر اپنے بچوں کی سا لگرہیں منانے لگے ہیں ۔ کس قدر خوشی کی بات ہے کہ وہ بھی ہمارے ساتھ ساتھ ترقی کر رہے ہیں ____ ! “
ابرار نے کہا ” اس وقت نہ تو کوئی ڈرائیور ہے اور نہ ہی چھو ٹے صاحب گھر پر ہیں اور نہ ہی میں شام کے بعد گاڑی چلا سکتا ہوں ۔ اس لئے تم کو ایسے ہی جانا پڑے گا ۔”
بیگم ابرار نے پھر انگریزی میں کہا کہ ” ابرار ! واپس چھو ڑ کے آنا تو ہماری ذمہ داری نہیں ہے ناں ” تو ابرار نے جوابا ً کہا ” سویٹ ہارٹ ! دراصل ہماری کوئی ذمہ داری نہیں ہے ۔ اس کو ہینڈسم معاوضہ ادا کر دیا گیا ہے، پسینہ سوکھنے سے پہلے ۔ “
جب یوسف گھر پہنچا تو رات کے ساڑھے آٹھ بج چکے تھے۔ بازار میں ابھی کچھ لو گ دوکانوں کے سامنے بیٹھے تھے، لیکن اس کے گھر کی گلی بالکل سنسان ہو چکی تھی _____ جب یو سف نے ڈرتے ڈرتے دروازے پر دستک دی تو اس نے کیک کا ڈبہ آگے کر لیا تا کہ سہیل ڈبہ دیکھ کر اسے کچھ کہے نا ۔ رضیہ نے دروازہ کھولتے ہی کہا ” ابھی روتے روتے سویا ہے ۔”
یوسف نے کہا ۔” میں تو سارا راستہ بھاگتا آیا ہوں ۔نہ کوئی بس نہ لاری ۔ کام ہی اتنی دور ملا۔ رکشے کے میرے پاس پیسے نہیں تھے۔ کیک تو بہت ہی مہنگا ہوتا ہے رضیہ ! “
رضیہ نے کہا ” اب یہ کیک کس کام کا ! سہیل بے چارے کی جو بے عزتی ہونی تھی، وہ تو ہو گئی ۔”
” اس کے دوست آئے تھے ؟ ” یوسف نے پوچھا ۔
” کیوں نہیں آئے تھے ۔ سارے ہی تھے ۔ نو دس __اور جب انہوں نے تالیاں بجائیں تو سہیل میرے ساتھ چمٹ کر زور زور سے رونے لگا ۔ میں نے کہا ، ہائے ہائے ! کوئی اپنی سالگرہ کے دن بھی روتا ہے ۔ وہ مجھے دھکا دے کر اندر کوٹھڑی میں بھا گ گیا اور اندرسے دروازہ بند کر لیا ۔”
” اگر مجھے دیر ہو گئی تھی تو تو ہی کچھ کر لیتی رضیہ ۔”
” لو میرے پاس کون سے پونڈ رکھے تھے جو میں کوئی بند و بست کر لیتی ! “
” کسی سے ادھار سدھار ہی لے لیتی ۔”
” اسی طرح سے تو کیا میں نے ۔” رضیہ نے فخر سے کہا ” جب سارے لڑکے تپائی کے گرد کھڑے ہو گئے تو اللہ نے میرے دماغ میں اپنے فضل سے ایک بات ڈال دی ۔ میں کمے کاندروں کی دوکان سے ایک ڈبل روٹی ادھار لے آئی ۔ چھری تو سہیل صبح سے دھو کے، صا ف کر کے، چمکا کے بیٹھا تھا ۔ “
” بڑی ڈبل روٹی لانی تھی ۔ ” یوسف نے بات کاٹ کر کہا ۔
” ہا ! تو میں کوئی بو وقوف ہوں جو چھوٹی لاتی ، بڑی لائی تھی ۔ سا ڑھے چار روپے والی ____ پر اس کو پتہ نہیں کیا ہوا ۔ جب میں نے ڈبل روٹی تپائی پر رکھ کر اسے کاٹنے کو کہا تو دھاڑیں مار مار کر رونے لگا ۔ اس کے دوست اللہ رکھے تالیاں بجائی جائیں اور یہ روئے جائے ۔ الو کہیں کا ! “
” تو پھر کس نے کاٹی ڈبل روٹی ؟”
” میں نے کاٹی ، اور کس نے کاٹنی تھی ۔ سب نے دو دو سلائس کھائے بڑے شوق سے …… اور …….. “
” اور سہیل نے ؟”
” یہ تو بھاگ کر اندر گھس گیا کوٹھڑی میں ۔ اور اندر سے دروازہ بند کر لیا ____ میں مامے رفیق کو بلا کر لا ئی تو انہوں نے آ کر دروازہ کھلوایا _____ سچی بڑا ہی رویا ساری شام ____ ٹھہر میں تیرے لئے لاون گرم کر دوں ۔”
” رہنے دے ! دفع کر ! ” یو سف نے چڑ کر کہا ” میری بھوک ہی ماری گئی ہے ۔”
” ہا ____ تیری بھوک کیوں ماری گئی یوسف ! صبح اٹھ کر جب کیک دیکھے گا تو آپی سب کچھ بھول جائے گا ۔”
یوسف اسی طرح منہ تھتھائے دروازہ کھول کر چپ چاپ باہر گلی میں نکل گیا اور تین سوئے ہوئے کتوں کے آگے کیک رکھکر بولا ” لو کتو کھاؤ ۔ موج اڑاؤ ۔”
پھر اس نے ہر کتے کی طرف اشارہ کر کے تین مرتبہ زور زور سے کہا ۔:
” کتا ! کتا !! کتا !!!”
۔اور صبح پھر کام پر جانے کے لئے گھر واپس آ کر سو گیا

 

[حسیب نذیر گِل]

اشفاق صاحب واقعی ایک بہت شاندار آدمی تھے۔ گورنمنٹ کالج (یونیورسٹی) لاہور کے سالانہ مجلہ راوی کا ایک شمارہ ان کے حوالے سے ترتیب دیا گیا تھا، میں کوشش کروں گا کہ اس شمارے کے تمام مضامین یہاں شئیر کروں۔ آپ کو ان مضامین میں اشفاق صاحب کی زندگی کے حوالے سے بہت کچھ ملے گا۔

آپکی بہت مہربانی ہوگی اگر آپ وہ مضامین یہاں شئیر کر سکیں اور مجھے ٹیگ کرنا مت بھولئے گا

 

[حسیب نذیر گِل]

یہاں پر زحال مرزا بھائی کی ضرورت محسوس ہو رہی ہے

 

[عاطف بٹ]

سہیل کی سالگرہ(افسانہ)۔ ۔ ۔ ۔ اشفاق احمد
سہیل کی سالگرہ
بڑی مارکیٹ کے سامنے، سڑک کے دونوں طرف بیٹھے ہوئے سینکڑوں لوگوں میں سے وہ یوسف کے سامنے آ کر رکا اور بولا ” بارہ چودہ کے کمرے پر ایملشن کروانا ہے ۔ گراؤنڈ تیار ہے، مال موجود ہے، شام تک کر لو گے ؟”
یو سف نے مسکرا کر جواب دیا ” کیوں نہیں سر، پندرہ برس سے یہی کام کر رہا ہوں، میرا باپ مشہور سفیدی والا تھا، ہمارا خاندانی پیشہ ہے، کروں گا کیوں نہیں ۔”
ابرار صاحب نے کہا ” چالیس روپے ملیں گے ۔”
یو سف نے کہا ” آپ چالیس بھی نہ دیں، کام ملنا چاہئے اور ہاتھ کی صفائی دیکھنی چاہئے، باقی اس دنیا میں کیا رکھا ہے سر جی ___ !”
سر جی جب اس کو اپنی کار میں سوار کرانے لگے تو یوسف کا کلیجہ کانپ گیا۔ ایسی نئی اور خوبصورت کار اس نے نہ تو کبھی سڑک پر دیکھی تھی اور نہ ہی اس کو خواب میں نظر آئی تھی، حالانکہ یوسف جب بھی دیکھتا تھا، کار ہی کے خواب دیکھتا تھا۔ اور یہ شاید اس کے ماموں کی وجہ سے تھا جو کافی مشہور ڈینٹر تھا اور جس کے پاس بہت سی کاریں آتی تھیں ۔
ابرار صاحب کی کار میں بیٹھتے ہو ئے یوسف نے اپنا ڈبہ بچے کی طرح سینے سے چمٹا لیا اور اس کے اندر کے دونوں برش با لوں کے رخ کھڑے کر دئیے ۔ موٹر میں احتیاط کے ساتھ بیٹھنا تو بڑے بڑوں کو نہیں آتا، یوسف بے چارے کا تو یہ صرف چوتھا موقع تھا کہ وہ کار کی اگلی سیٹ پر بیٹھ کر اپنا آپ سنبھال کے رکھے اور اپنے گندے ڈول کو سوائے اپنے کپڑوں کے یا اپنے وجود کے اور کسی شے سے لگنے نہ دے ۔
گاڑی سٹارٹ کر کے جب ابرار صاحب نے بٹن دبا کر شیشے اوپر چڑھائے تو انہوں نے مسکرا کر پو چھا ” پہلے بھی کبھی اتنی بڑی گاڑی میں بیٹھے ہو ؟”
یوسف نے کہا ” نہیں سر جی ۔” اور پھر شر مندہ سا ہو گیا ۔
کمرہ بارہ چودہ سے ذرا بڑا تھا اوراس کی گراؤنڈ اتنی تیار نہ تھی جتنی یوسف کو بتائی گئی تھی ۔ برش کی کھینچ سے دیواروں پر کہیں کہیں لس آتی تھی اور یوسف کو ریگ مال لگا کر وہ جگہ پھر سے تیار کرنی پڑی تھی ۔
سورج غروب ہونے کے بعد جب یو سف نے کمرہ تیار کر دیا تو بیگم صاحب اس کے کام کو دیکھ کر بہت خوش ہوئیں۔ ابرار صاحب کو بھی اس کی آرٹسٹک صلاحیتوں پر کچھ فخر سا ہوا ۔ انہوں نے چالیس روپے یوسف کو تھما کر بڑے خوشگوار انداز میں ” تھینک یو ” کہا اور اس کا کندھا تھپک کر بو لے ” اسی جگہ بیٹھتے ہو ناں ہر روز آ کر ؟” یو سف نے کہا …….. ” بیٹھتا تو اسی جگہ ہوں سر جی، مگر مجھے واپس چھوڑنے کا کوئی بند و بست کرا دیجئے ۔ میرا گھر اس جگہ سے بہت ہی دور ہے ۔”
ابرار صاحب نے کہا ” اگر تم تیز تیز قدم اٹھا تے نہر کا پل کراس کر کے دائیں بائیں دیکھے بغیر بڑے ٹاور تک پہنچ جاؤ تو تمہیں آدھ گھنٹے میں بس سٹاپ مل جائے گا ” ۔
یوسف نے کہا ” آج میرے بیٹے کی سالگرہ ہے سر جی اور اس نے گھر پر اپنے دوستوں کو بلایا ہوا ہے ۔ اگر میں وقت پر نہ پہنچا تو اس کا فنکشن رہ جائے گا ۔ مجھے ابھی راستے میں کیک بھی خریدنا ہے ۔”
بیگم ابرار نے انگریزی میں اپنے شوہر سے کہا ” ہمارا کلچرل پیٹرن کتنی تیزی سے بدل رہا ہے ابرار ! اب مزدور لوگ بھی کیک کاٹ کر اپنے بچوں کی سا لگرہیں منانے لگے ہیں ۔ کس قدر خوشی کی بات ہے کہ وہ بھی ہمارے ساتھ ساتھ ترقی کر رہے ہیں ____ ! “
ابرار نے کہا ” اس وقت نہ تو کوئی ڈرائیور ہے اور نہ ہی چھو ٹے صاحب گھر پر ہیں اور نہ ہی میں شام کے بعد گاڑی چلا سکتا ہوں ۔ اس لئے تم کو ایسے ہی جانا پڑے گا ۔”
بیگم ابرار نے پھر انگریزی میں کہا کہ ” ابرار ! واپس چھو ڑ کے آنا تو ہماری ذمہ داری نہیں ہے ناں ” تو ابرار نے جوابا ً کہا ” سویٹ ہارٹ ! دراصل ہماری کوئی ذمہ داری نہیں ہے ۔ اس کو ہینڈسم معاوضہ ادا کر دیا گیا ہے، پسینہ سوکھنے سے پہلے ۔ “
جب یوسف گھر پہنچا تو رات کے ساڑھے آٹھ بج چکے تھے۔ بازار میں ابھی کچھ لو گ دوکانوں کے سامنے بیٹھے تھے، لیکن اس کے گھر کی گلی بالکل سنسان ہو چکی تھی _____ جب یو سف نے ڈرتے ڈرتے دروازے پر دستک دی تو اس نے کیک کا ڈبہ آگے کر لیا تا کہ سہیل ڈبہ دیکھ کر اسے کچھ کہے نا ۔ رضیہ نے دروازہ کھولتے ہی کہا ” ابھی روتے روتے سویا ہے ۔”
یوسف نے کہا ۔” میں تو سارا راستہ بھاگتا آیا ہوں ۔نہ کوئی بس نہ لاری ۔ کام ہی اتنی دور ملا۔ رکشے کے میرے پاس پیسے نہیں تھے۔ کیک تو بہت ہی مہنگا ہوتا ہے رضیہ ! “
رضیہ نے کہا ” اب یہ کیک کس کام کا ! سہیل بے چارے کی جو بے عزتی ہونی تھی، وہ تو ہو گئی ۔”
” اس کے دوست آئے تھے ؟ ” یوسف نے پوچھا ۔
” کیوں نہیں آئے تھے ۔ سارے ہی تھے ۔ نو دس __اور جب انہوں نے تالیاں بجائیں تو سہیل میرے ساتھ چمٹ کر زور زور سے رونے لگا ۔ میں نے کہا ، ہائے ہائے ! کوئی اپنی سالگرہ کے دن بھی روتا ہے ۔ وہ مجھے دھکا دے کر اندر کوٹھڑی میں بھا گ گیا اور اندرسے دروازہ بند کر لیا ۔”
” اگر مجھے دیر ہو گئی تھی تو تو ہی کچھ کر لیتی رضیہ ۔”
” لو میرے پاس کون سے پونڈ رکھے تھے جو میں کوئی بند و بست کر لیتی ! “
” کسی سے ادھار سدھار ہی لے لیتی ۔”
” اسی طرح سے تو کیا میں نے ۔” رضیہ نے فخر سے کہا ” جب سارے لڑکے تپائی کے گرد کھڑے ہو گئے تو اللہ نے میرے دماغ میں اپنے فضل سے ایک بات ڈال دی ۔ میں کمے کاندروں کی دوکان سے ایک ڈبل روٹی ادھار لے آئی ۔ چھری تو سہیل صبح سے دھو کے، صا ف کر کے، چمکا کے بیٹھا تھا ۔ “
” بڑی ڈبل روٹی لانی تھی ۔ ” یوسف نے بات کاٹ کر کہا ۔
” ہا ! تو میں کوئی بو وقوف ہوں جو چھوٹی لاتی ، بڑی لائی تھی ۔ سا ڑھے چار روپے والی ____ پر اس کو پتہ نہیں کیا ہوا ۔ جب میں نے ڈبل روٹی تپائی پر رکھ کر اسے کاٹنے کو کہا تو دھاڑیں مار مار کر رونے لگا ۔ اس کے دوست اللہ رکھے تالیاں بجائی جائیں اور یہ روئے جائے ۔ الو کہیں کا ! “
” تو پھر کس نے کاٹی ڈبل روٹی ؟”
” میں نے کاٹی ، اور کس نے کاٹنی تھی ۔ سب نے دو دو سلائس کھائے بڑے شوق سے …… اور …….. “
” اور سہیل نے ؟”
” یہ تو بھاگ کر اندر گھس گیا کوٹھڑی میں ۔ اور اندر سے دروازہ بند کر لیا ____ میں مامے رفیق کو بلا کر لا ئی تو انہوں نے آ کر دروازہ کھلوایا _____ سچی بڑا ہی رویا ساری شام ____ ٹھہر میں تیرے لئے لاون گرم کر دوں ۔”
” رہنے دے ! دفع کر ! ” یو سف نے چڑ کر کہا ” میری بھوک ہی ماری گئی ہے ۔”
” ہا ____ تیری بھوک کیوں ماری گئی یوسف ! صبح اٹھ کر جب کیک دیکھے گا تو آپی سب کچھ بھول جائے گا ۔”
یوسف اسی طرح منہ تھتھائے دروازہ کھول کر چپ چاپ باہر گلی میں نکل گیا اور تین سوئے ہوئے کتوں کے آگے کیک رکھکر بولا ” لو کتو کھاؤ ۔ موج اڑاؤ ۔”
پھر اس نے ہر کتے کی طرف اشارہ کر کے تین مرتبہ زور زور سے کہا ۔:
” کتا ! کتا !! کتا !!!”
۔اور صبح پھر کام پر جانے کے لئے گھر واپس آ کر سو گیا

نایاب بھائی، بہت ہی عمدہ افسانہ ہے! شئیر کرنے کے لئے شکریہ۔

 

[عاطف بٹ]

آپکی بہت مہربانی ہوگی اگر آپ وہ مضامین یہاں شئیر کر سکیں اور مجھے ٹیگ کرنا مت بھولئے گا

گِل صاحب، آپ حکم کیجئے میں ڈاک کے ذریعے آپ کو وہ مجلہ ارسال کردوں گا۔
مضامین انشاءاللہ جلد شئیر کروں گا۔

 

[حسیب نذیر گِل]

گِل صاحب، آپ حکم کیجئے میں ڈاک کے ذریعے آپ کو وہ مجلہ ارسال کردوں گا۔
مضامین انشاءاللہ جلد شئیر کروں گا۔

جی ڈاک کے ذریعے ارسال کرنیکی کیا ضرورت ہے ہم تو لاہور کے گردو نوح میں ہی رہتے ہیں ۔
بس آپکے مضآمین شئیر کرنیکا انتظار رہیگا

 

[زبیر مرزا]

یہاں پر زحال مرزا بھائی کی ضرورت محسوس ہو رہی ہے

شکریہ دھاگہ دیکھ چکا تھا لیکن تفصلی جواب دینا چاہتا تھا تو سوچا ذراآرام سے جواب دوں گا
( اگرچہ آرام تو رمضان کے ساتھ رخصت ہوا)

بابا کی سالگرہ اس خوبصورت دھاگہ میرے لیے بھلا اورکون سا ہوگا ​

بابا کی سوچ اُن کی تحریریں آج بھی ہمارے اردگرد روشنی کی مانند پھیلی ہیں - بابا نے اُردو ادب کو مقصدیت عطا کی-​

میری نظر میں ڈپٹی نظیراحمد اوربابا نے اپنے پڑھنے والوں کی تربیت اوررہنمائی کا فرض بھی سرانجام دیا​

اس گڈریے نے تلقین شاہ بن ایک محبت کے سوافسانے سنائے اورکھیل تماشا کہہ کر قارئین کو شالا کوٹ کی سیرکرائی کبھی ٹاہلی دے تھلے توتا کہانی​

سنانے لگے اورطلسم ہوش افزا کا سفردرسفر ایک ہی بولی میں بیان کرڈالا ننگے پاؤں من چلے کا سوادا کیا اورایک منفرد زاویہ عطا کرکے​

اپنے چاہنے والوں کا دل موہ لیا - اشفاق احمد نے قدسیہ چٹھہ کو بانو بنا کر اُردوناول اورافسانے کو مالا مال کردیا​