غالب اس کتابِ طرب نصاب نے جب (قطعۂ تاریخ) - مرزا غالب

[حسان خان]

اس کتابِ طرب نصاب نے جب​

آب و تاب انطباع کی پائی​

​

فکرِ تاریخِ سال میں، مجھ کو​

ایک صورت نئی نظر آئی​

​

ہندسے پہلے سات سات کے دو​

دیے ناگاہ مجھ کو دکھلائی​

​

اور پھر ہندسہ تھا بارہ کا​

با ہزاراں ہزار زیبائی​

​

سالِ ہجری تو ہو گیا معلوم ×​

بے شمولِ عبارت آرائی​

​

مگر اب ذوقِ بذلہ سنجی کو​

ہے جداگانہ کار فرمائی​

​

سات اور سات ہوتے ہیں چودہ​

بہ امیدِ سعادت افزائی​

​

غرض اس سے ہیں چاردہ معصوم​

جس سے ہے چشمِ جاں کو زیبائی​

​

اور بارہ امام ہیں بارہ​

جس سے ایماں کو ہے توانائی​

​

اُن کو غالب یہ سال اچھا ہے​

جو ائمّہ کے ہیں تولّائی​

​

(مرزا غالب)​

​

× ۱۲۷۷ ہجری​

 

[محمد وارث]

شکریہ جناب ارسال فرمانے کیلیے

 

[نایاب]

بہت شکریہ شراکت پر محترم حسان بھائی