اردو کے مٹتے الفاظ

[محمد امین]

روپہلی، طلائی، نقرئی۔

لگتا ہے محسن صاحب کے ذہن پر "زیورات" سوار تھے ؛)

 

[محمد امین]

سلفچی ہمارے گھر میں بولا جاتا ہے۔۔۔ استعمال میں بھی رہی ہے

 

[محمد امین]

ہماری ایک رشتے کی نانی بچپن میں "کوٹھے" (بمعنیٰ چھت) پر جانے کو منع کرتی تھیں۔۔ پھر یہ ہوا کہ اردو ادب پڑھنے لگے تو پتا لگا "کوٹھا" واقعی بچوں (اور شرفا) کے جانے کی جگہ نہیں

 

[شمشاد]

اُس کوٹھے اور اس کوٹھے میں زمین آسمان کا فرق ہے۔

ہمارے ہاں دیہاتوں میں جو کوٹھے ہوتے ہیں، عموماً ان کی دیواریں نہیں ہوتیں، تو نانیاں دادیاں اس لیے بھی منع کرتی ہیں کہ کوٹھے پر بے دھیانی میں گھومتے پھرتے کہیں نیچے نہ گر پڑیں۔ (اب نیچے گرنے کو بھی دوسرے الفاظ میں لے سکتے ہیں)۔

دیہات میں آپ ایک کوٹھے پر چڑھ جائیں تو جی چاہے تو اوپر ہی اوپر آدھا گاؤں گھوم آئیں۔

 

[محمد امین]

اُس کوٹھے اور اس کوٹھے میں زمین آسمان کا فرق ہے۔

ہمارے ہاں دیہاتوں میں جو کوٹھے ہوتے ہیں، عموماً ان کی دیواریں نہیں ہوتیں، تو نانیاں دادیاں اس لیے بھی منع کرتی ہیں کہ کوٹھے پر بے دھیانی میں گھومتے پھرتے کہیں نیچے نہ گر پڑیں۔ (اب نیچے گرنے کو بھی دوسرے الفاظ میں لے سکتے ہیں)۔

دیہات میں آپ ایک کوٹھے پر چڑھ جائیں تو جی چاہے تو اوپر ہی اوپر آدھا گاؤں گھوم آئیں۔

ہاہاہا۔۔۔ جی مجھے پتا ہے دونوں میں زمین و آسمان کا فرق ہے

ویسے دو تین گھروں تک تو ہم بھی گھوم چکے ہیں اپنے کوٹھے سے ؛) ۔۔

 

[پپو]

کوٹھا کوئی بھی ہو اس سے انسان کے نیچے گرنے کا احتمال تو رہتا ہے

 

[محمدکامران اختر]

مجھے باورچی سے متعلقہ دو چیزوں کے نام یاد آ رہے جن کے الفاظ تو کیا، اب ان چیزوں کا استعمال بھی تقریباً متروک ہو گیا ہے:
- نعمت خانہ
- چنگیر

السلام علیکم

بھائی نعمت خانہ کا کیا مطلب ہےِ َ؟؟؟؟

 

[محمد امین]

السلام علیکم

بھائی نعمت خانہ کا کیا مطلب ہےِ َ؟؟؟؟

وعلیکم السلام کامران بھائی۔ نیچے دیکھیے:

نعمت خانہ: ایک چھوٹی الماری ہوتی ہے جس میں کھانے کے سامان (عموماً پکائے ہوئے) رکھے جاتے ہیں۔ پر آج کل یہ کام ریفریجریٹر سے لے لیا جاتا ہے۔ ویسے نعمت خانے میں سرد کرنے کا کوئی انتظام نہیں ہوتا ہے۔ بس اشیاء خورد و نوش بلّی وغیرہ کے خرد برد سے محفوظ ہو جاتے ہیں۔

 

[شمشاد]

کوٹھا کوئی بھی ہو اس سے انسان کے نیچے گرنے کا احتمال تو رہتا ہے

اگر کوٹھے کے گردا گرد مناسب اونچائی کی دیواریں ہوں تو نیچے گرنے کا خطرہ نہیں رہتا۔
یہ دیواریں ذومعنی ہیں۔

 

[محمدکامران اختر]

وعلیکم السلام کامران بھائی۔ نیچے دیکھیے:

؁ٹھیک ہے جی

جزاک اللہ

 

[ابوشامل]

لگتا ہے محسن صاحب کے ذہن پر "زیورات" سوار تھے ؛)

جو میرے خیال میں اس وقت آپ کے ذہن پر سوار رہنے چاہئیں

 

[عثمان]

اگر کوٹھے کے گردا گرد مناسب اونچائی کی دیواریں ہوں تو نیچے گرنے کا خطرہ نہیں رہتا۔
یہ دیواریں ذومعنی ہیں۔

یوں کر لیجیے۔ کہ اگر دوسروں کے کوٹھے کے گرد اونچی دیواریں ہوں تو بندے کا نیچے گرنے کا احتمال باقی نہیں رہتا۔

 

[شمشاد]

دوسروں کے کوٹھے کے گرد اونچی دیواریں تحفظ بھی دوسروں کو ہی دیں گی ناں۔

 

[محمد امین]

یہ دھاگہ میں نے زندہ کیا تھا مگر نہ جانے کہاں سے کہاں چلا گیا

 

[عین عین]

قنات تو اب گم ہو گیا ہے کہیں، البتہ شامیانہ کبھی کبھی سننے کو مل جاتا ہے
اسی طرح بٹوا (پرس) بھی اب نہیں بولا جاتا یا لکھا جاتا۔
خاص دان بھی کوئی شے ہوا کرتی تھی۔
دھاتوں کے نام بھی اب انگریزی و دیگر زبانوں میں ادا کیے جاتے ہیں، مثلا تانبہ، پیتل، کانسی (سلور) ،
باغ یا باغیچہ
جب کہ " یہ پتا معلوم ہے" کی جگہ ’’ یہ ایڈریس معلوم ہے" اور کسی کو پتا سمجھاتے ہوئے اگر "مڑنے" اور "دائیں بائیں" کا بتانا ہو تو اب یوں سننے کو ملتا ہے کہ : فلاں جگہ سے آگے آیں گے تو ایک ٹرننگ ہے وہاں سے لیفٹ کو ٹرن ہوں گے تو۔۔۔۔۔۔۔۔۔۔۔

 

[شمشاد]

قنات کا لفظ تو اکثر بولنے اور سُننے میں آتا ہے بلکہ یہ تمبو قنات اکٹھا بولا جاتا ہے۔

 

[گمنام زندگی]

چھوڑیں جی اردو وردو ، ترقی کی تمام راہیں بند کردی اس نے
غیر متفق اور نا پسندیدہ تو ملنے ہی ہیں
دیکھنا یہ ہے کہ کتنے متفق ہیں