اردو لنک مسنجر

دوست

محفلین
اردو لنک مسنجر آخر کار سات ماہ کے طویل انتظار کے بعد منظر عام پر آہی گیا۔ اعجاز راجہ کہ ویب سائٹ سے پتہ چلتا ہے کہ انھوں‌نے اس مقصد کے لیے کیا کیا قربانی دی۔ قابل تحسین ہیں یہ سرپھرے جو اردو کی ترقی کے لیے مصروف عمل ہیں۔ اردو لنک کے علاوہ بھی اردو سافٹ وئیر موجود ہیں ۔
جیسے پہچان ڈاٹ کام والوں‌کا پہچان اردو مسنجر جسے www.pehchaan.com سے حاصل کر سکتے ہیں۔
میرا اردو مسنجر جو www.meraurdumessenger.comسے حاصل کیاجاسکتا ہے۔ یہ قیمتًا دستیاب ہے۔
تاہم اردو لنک ایک تو مفت ہے دوسرے اس کے پیکج میں‌کئی اور چیزیں بھی شامل ہیں۔
کٹ اینڈ پیسٹ چھوٹی سی اپیلیکیشن ایسی کسی زمانے میں اردو ورڈ پیڈ کے نام سے دستیاب تھی جس میں اردو لکھ کر انٹر دبانےسے وہ نیچے ورڈ پیڈ کی کھلی ہوئی فائل میں‌چلی جاتی تھی اس طرح‌اردو عبارتی فائل بنائی جاتی تھی۔ تاہم اسی کی تبدیل شدہ شکل جو کہ کثیرلمقاصد بھی ہے۔ آپ اسے ایم ایس این میں‌چیٹ کرتے ہوئے استعمال کرسکے ہیں‌کھلی چیٹ ونڈو کے اوپر اسے رکھیں‌اور اردو چیٹ کا مزہ لیں۔
یاہو مسنجر میں‌اب یونی کوڈ کی سپورٹ موجود ہے وہاں‌بھی یہی طریقہ اختیار کرسکتے ہیں‌تاہم اگر ونڈوز ایکس پی ہو تو بہتر رہے گا 98پر یاہو میں‌ڈبے آتے ہیں‌۔
اوپن آفس میں‌یونی کوڈ کی بڑی اچھی سپورٹ موجودہے کٹ پیسٹ استعمال کرکے اوپن آفس میں‌اردو کی عبارتی فائل بنا سکتے ہیں۔
اردو لنک ای میل جو کہ ساتھ میں‌اردو ورڈ پروسیسر کاکام بھی کر سکتی ہے گرچہ اس میں‌کچھ خامیاں‌ہیں‌مگر امید ہے دور کر دی جائی‌گی۔ ایمیل تصویری اردو کی شکل میں‌جاتی ہے مگر اگلی اپڈیٹ میں‌ جی میل سے کنکٹ کر کے یونی کوڈ ای میل کی سہولت بھی فراہم کر دی جائے گی۔
اردو لنک مسنجر جو ایم ایس این سے کنکٹ ہو کر اردو چیٹ کی سہولت ایم ایس این کے صارفین کو فراہم کرتا ہے اسکا تو کوئی بدل ہی نہیں‌ اگر چہ ایم‌ایس‌این کی بات ہی اور ہے مگر اردو کےلیے یہ پروگرام لاجواب ہے۔
کی بورڈ سیٹنگ ایک نئی چیز ہے اس بار جس سے آپ کی بورڈ کو اپنی مرضی کا بنا سکتے ہیں۔اگرچہ یہ بھی ابھی بہتری کے قابل ہے تاہم کچھ نہ ہونے سے کچھ ہونا بہتر ہے۔
اور اب جس چیز کے لیے سات ماہ کا جانگسل انتظار کرنا پڑا وہ اردو لنک چیٹ تھی۔ ایم‌ایس‌این چیٹ بند ہوجانے کے بعد پاکستانیوں‌کے لیے کوئی قابل ذکر پلیٹ فارم نہیں‌رہ گیا تھا۔ اسی وجہ سے دوستوں‌جن میں‌ناچیز بھی شامل ہے کے اصرار پر اردولنک چیٹ سافٹ وئیر بنایا گیا۔ایک مکمل اردو چیٹ سافٹ وئیر جو یونی کوڈ بیسڈ بھی ہے۔ اردو کی بلکہ شاید فارسی،عربی،پشتو،سندھی کی تاریخ میں‌پہلا سافٹ وئیر ہے۔
جی ہاں اردو لنک کے تمام سافٹ وئیرز میں‌اردو کے ساتھ ساتھ پاکستان کی تمام علاقائی زبانوں‌کی مکمل سپورٹ موجودہے۔ اسے استعمال کیجیے اور اپنوں‌کو اسے استعمال کرنےکی ترغیب دیجیے۔یہ مستقبل کاایم آئی‌آرسی ہوگا پاکستانیوں‌ اور اردو کے چاہنے والوں‌کے لیے۔
سافٹ ویر بن گیا ہے اب اسکی تشہیر ہماری ذمہ داری ہے کوئی اتنی بڑی بات بھی نہیں‌اس لیے اسے ضرور ضرور استعمال کریں‌اور دوستوں‌کو بھی بتائیں‌۔
اللہ ہماری کاوشیں‌قبول‌اور بارآورکرے۔
اردو لنک کا پتہwww.urdulink.com
 

نبیل

تکنیکی معاون
شاکر، بہت شکریہ۔ اعجاز راجہ صاحب اس سوفٹویر کا ربط ڈاؤنلوڈ کے سیکشن میں شامل کر چکے ہیں۔
 

دوست

محفلین
نبیل بھائی! ایک تجویز آئی ہے ذہن میں ہم اردو لنک چیٹ پر ہی اردو محفل کے لیے ایک کمرہ کیوں نہ بنا لیں بجائے کہ چیٹ کے لیے یہاں کام کیا جائے اس سے قیمتی وقت بچے گا جسے کسی اور کام میں استعمال کیا جاسکتاہے۔
اگر منتظمین جب تک آن لائن رہیں وہاں بھی موجود رہیں تو اراکین کو بھی عادت پڑ جائے گی ۔ اس سے ایک تو فورم کے مسائل جلد حل ہوجایا کریں گے اور دوسرے اردو لنک کی تشہیر بھی ہوگی۔
شاید دوسری جگہ فورم کے لیے آن لائن ہونا کچھ دوستوں کے لیے بارخاطر ہو۔ تاہم یہ صرف میری تجویز ہے۔عمل تو سب کی متفقہ رائے سے ہی ہوگا۔بلکہ میں رائے شماری کرادیتاہوں۔
 

نبیل

تکنیکی معاون
ٹھیک ہے شاکر، دیکھتے ہیں کہ رائے شماری کا نتیجہ کیا نکلتا ہے۔ میں نے اردو لنک کے صفحہ پر دیکھا تو پتا چلا کہ اعجاز راجہ نے دومہینے تک بغیر تنخواہ چھٹی لے کر کام کیا۔ مجھے اس بات کی حیرانی ہے کہ انہوں نے اسے اوپن سورس انداز میں کیوں نہیں کیا۔ اس طرح اور لوگ بھی ان کے کام میں شریک ہو سکتے تھے۔
 

دوست

محفلین
لو جی دیکھنے والے بڑے مگر ووٹ ایک نے بھی نہیں ڈالا۔
یہ تو ہمارے قومی انتخابات والا حال ہے یعنی ٹرن آؤٹ ہی نہیں۔
ہن کی کرییے۔
آپ کی بات صحیح ہے اردو لنک کواوپن سورس انداز میں ڈیولپ کیا جانا چاہیے تھا تاہم ان کی مرضی ہمیں آم کھانے سے غرض ہے۔
اگلی بار سے انھیں بِٹا ٹسٹنگ کے سلسلے میں مدد کی پیشکش کی ہے میں نے۔ اسے اوپن سورس کرنے پر بھی بات کروں گا اان سے۔
 
دلچسپی

یہ سوال پہلے بھی اٹھ چکا ہے کہ چیٹ کا آپشن ہو یا نہ ہو۔ اس کے ساتھ ساتھ افتخار صاحب بہت اچھی تجویز گوگل میسنجر کے حوالے سے بھی دے چکے ہیں اس پر بھی کوئی خاص رد عمل نہیں آیا تھا۔ سچ یہی ہے کہ لوگ چیٹ کے آپشن میں دلچسپی نہیں رکھتے۔
 

دوست

محفلین
چلیں جی اگر یہ بات ہے تو کوئی بات نہیں ۔
ایسے ہے تو ایسے ہی صحیح۔ افتخار صاحب کی تجویز میرے جیسے مساکین کے لیے موزوں نہیں تھی کہ گوگل کے سافٹ ویر ونڈوز 98 پر نہیں چلتے۔اس لیے میں چپ رہا تھا۔ تاہم اگر اردو لنک سے بھی کوئی دلچسپی نہیں تو نو پرابلم۔
 
Top