عمار ابن ضیا
محفلین
اس موضوع پر مختلف جگہ پہلے بھی گفتگو کی جاتی رہی ہے کہ کمپیوٹر پر اردو کی تنصیب کا کام آسان سے آسان تر بنادیا جائے اور صارف کو اس کے لیے زیادہ کام نہ کرنا پڑے۔ اس امکان پر بھی غور ہوچکا ہے کہ ایک ایسا انسٹالر تخلیق کیا جائے جس کا سیٹ۔اپ چلانے سے ساری سیٹنگ خود بخود ہوجائے اور کمپیوٹر پر اردو کی تنصیب بمع فونٹس ممکن ہوسکے۔
اگرچہ یہ ایک حقیقت ہے کہ اگر کسی کو اردو سے واقعی دلچسپی ہوگی تو اسے کمپیوٹر پر نصب کرنے کی خاطر وہ کافی کچھ کرنے کو تیار ہو بھی جائے گا لیکن جتنا زیادہ کام ہوگا، اسے اتنی زیادہ مشکلات کا سامنا کرنے پڑے گا۔ اس کے علاوہ یہ بھی کہ اگر کوئی عام شخص اردو یونیکوڈ ویب سائٹ یا فورم دیکھے اور اسے صحیح نظر نہ آئے تو وہ اردو کی تنصیب کے لئے عموما زیادہ کوشش نہیں کرے گا اور ویب سائٹ بند کردے گا۔ حالانکہ اگر یہ تنصیب آسان بنادی جائے تو امکان ہے کہ ایسے کافی لوگ اردو یونیکوڈ کی طرف آجائیں گے۔
اس پر سنجیدگی سے سوچنے کی ضرورت ہے۔ افسوس ہے کہ مجھے ایسے انسٹالر کی تخلیق کے بارے میں خاطر خواہ معلومات نہیں، ورنہ میں اس کام کا بیڑہ بخوشی اٹھالیتا۔
(آپ سب کا شکریہ کہ آپ نے اتنی تحریر پڑھی لیکن ابھی مزید باقی ہے، برداشت کیجئے!)
میں اردو انسٹالر کی تخلیق کے حوالہ سے کچھ باتیں عرض کرنا چاہتا ہوں۔ گزشتہ دنوں ونڈوز ایکس۔پی کا ایک ایسا پائریٹڈ ورژن میرے ہاتھ لگا جس میں کافی تبدیلیاں کی گئی تھیں۔ وہ یہاں Windows Crystal XP کے نام سے سی۔ڈی پر دستیاب ہے۔ اس کی انسٹالیشن میں کچھ خاص باتیں ہیں۔ اول یہ کہ انسٹالیشن کے دوران وہ آپ سے کچھ نہیں پوچھتا، نہ ہی نیٹ ورک کے بارے میں، نہ اوقات کے بارے میں، نہ ہی رجسٹریشن نمبر اور نہ ہی زبانوں کی تنصیب۔ بلکہ وہ خود سے مکمل انسٹال ہوجاتا ہے اور جب آپ انسٹالیشن کے بعد ونڈوز ایکس۔پی چلاتے ہیں تو کچھ واضح تبدیلیاں آپ کو دیکھنے میں ملتی ہیں۔
اس میں، کافی ساری بہت خوبصورت خوبصورت تھیمز ہیں۔ اس میں "ریجنل لینگویجز" میں سے "رائٹ ٹو لیفٹ لینگویجز" کو خود سے منتخب کیا ہوا ہوتا ہے۔ میرا گمان ہے کہ اسے تخلیق کرنے والا ملک "مصر" سے تعلق رکھتا ہے۔ یہ سوچنے کی وجہ یہ ہے کہ ونڈوز میں انگریزی کی۔بورڈ کے ساتھ ساتھ عربک (مصری) کی۔بورڈ کی تنصیب بھی از خود ہوئی ہوتی ہے اور مقام کا انتخاب بھی "مصر" ہی ہے۔ مجھے ایک خیال یہ بھی آیا کہ کہیں یہ گھوسٹ۔ونڈوز کا چکر تو نہیں کہ ایک کمپیوٹر پر انسٹال کرکے اس کی امیج بنالی ہو۔ لیکن یہ ایسا بھی نہیں ہے۔ ایک اور اضافی بات یہ کہ ونڈوز کی تنصیب کے بعد جب کمپیوٹر پہلی بار ونڈوز کھولتا ہے تو ایک اسکرین آتی ہے جس پر مختلف سافٹ۔ویئرز کی فہرست ہوتی ہے۔ اس میں اوپن آفس، فائر فاکس اور دیگر مفید سافٹ۔ویئرز شامل ہیں۔ آپ جو سافٹ۔ویئرز منتخب کریں گے، وہ انسٹالر ان کی تنصیب بھی کردیتا ہے۔ ونڈوز کی رجسٹریشن "پیپسی لیبب" کے نام پر ہوئی ہے جس کا برقی پتہ "پیپسی لیبب ایٹ م۔س۔ن ڈاٹ کام" ظاہر کیا گیا ہے۔
اس طویل تحریر کی وجہ یہ کہ جس طرح انہوں نے ونڈوز کے انسٹالر میں ایسی تبدیلیاں کیں کہ وہ انسٹالر از خود یہ سب کر رہا ہے تو کیا اسی بنیاد پر کوئی ایسا انسٹالر بنایا جاسکتا ہے جو صرف اردو زبان کی تنصیب اور فونٹس کے کاپی کرنے کا عمل سر انجام دے۔
اگر اس ونڈوز کی سی۔ڈی کسی کے لئے کارآمد ثابت ہوسکے تو وہ اپنی کسی قریبی دکان سے Windows Crystal XP کے نام سے معلوم کرسکتا ہے۔ اگر دستیاب نہ ہو تو پھر کسی دوسری طرح مہیا کرنے کا سوچوں گا۔ یہ بھی ممکن ہے کہ اسے WinRAR میں دبا کر چند حصوں میں توڑ دوں اور وہ حصے کسی جگہ اپ۔لوڈ کرکے وہاں کا ربط دیدوں۔
بہرحال! یہ ایک اہم موضوع ہے جس پر سنجیدگی سے سوچنے کی اہم ضرورت ہے۔
اگرچہ یہ ایک حقیقت ہے کہ اگر کسی کو اردو سے واقعی دلچسپی ہوگی تو اسے کمپیوٹر پر نصب کرنے کی خاطر وہ کافی کچھ کرنے کو تیار ہو بھی جائے گا لیکن جتنا زیادہ کام ہوگا، اسے اتنی زیادہ مشکلات کا سامنا کرنے پڑے گا۔ اس کے علاوہ یہ بھی کہ اگر کوئی عام شخص اردو یونیکوڈ ویب سائٹ یا فورم دیکھے اور اسے صحیح نظر نہ آئے تو وہ اردو کی تنصیب کے لئے عموما زیادہ کوشش نہیں کرے گا اور ویب سائٹ بند کردے گا۔ حالانکہ اگر یہ تنصیب آسان بنادی جائے تو امکان ہے کہ ایسے کافی لوگ اردو یونیکوڈ کی طرف آجائیں گے۔
اس پر سنجیدگی سے سوچنے کی ضرورت ہے۔ افسوس ہے کہ مجھے ایسے انسٹالر کی تخلیق کے بارے میں خاطر خواہ معلومات نہیں، ورنہ میں اس کام کا بیڑہ بخوشی اٹھالیتا۔
(آپ سب کا شکریہ کہ آپ نے اتنی تحریر پڑھی لیکن ابھی مزید باقی ہے، برداشت کیجئے!)
میں اردو انسٹالر کی تخلیق کے حوالہ سے کچھ باتیں عرض کرنا چاہتا ہوں۔ گزشتہ دنوں ونڈوز ایکس۔پی کا ایک ایسا پائریٹڈ ورژن میرے ہاتھ لگا جس میں کافی تبدیلیاں کی گئی تھیں۔ وہ یہاں Windows Crystal XP کے نام سے سی۔ڈی پر دستیاب ہے۔ اس کی انسٹالیشن میں کچھ خاص باتیں ہیں۔ اول یہ کہ انسٹالیشن کے دوران وہ آپ سے کچھ نہیں پوچھتا، نہ ہی نیٹ ورک کے بارے میں، نہ اوقات کے بارے میں، نہ ہی رجسٹریشن نمبر اور نہ ہی زبانوں کی تنصیب۔ بلکہ وہ خود سے مکمل انسٹال ہوجاتا ہے اور جب آپ انسٹالیشن کے بعد ونڈوز ایکس۔پی چلاتے ہیں تو کچھ واضح تبدیلیاں آپ کو دیکھنے میں ملتی ہیں۔
اس میں، کافی ساری بہت خوبصورت خوبصورت تھیمز ہیں۔ اس میں "ریجنل لینگویجز" میں سے "رائٹ ٹو لیفٹ لینگویجز" کو خود سے منتخب کیا ہوا ہوتا ہے۔ میرا گمان ہے کہ اسے تخلیق کرنے والا ملک "مصر" سے تعلق رکھتا ہے۔ یہ سوچنے کی وجہ یہ ہے کہ ونڈوز میں انگریزی کی۔بورڈ کے ساتھ ساتھ عربک (مصری) کی۔بورڈ کی تنصیب بھی از خود ہوئی ہوتی ہے اور مقام کا انتخاب بھی "مصر" ہی ہے۔ مجھے ایک خیال یہ بھی آیا کہ کہیں یہ گھوسٹ۔ونڈوز کا چکر تو نہیں کہ ایک کمپیوٹر پر انسٹال کرکے اس کی امیج بنالی ہو۔ لیکن یہ ایسا بھی نہیں ہے۔ ایک اور اضافی بات یہ کہ ونڈوز کی تنصیب کے بعد جب کمپیوٹر پہلی بار ونڈوز کھولتا ہے تو ایک اسکرین آتی ہے جس پر مختلف سافٹ۔ویئرز کی فہرست ہوتی ہے۔ اس میں اوپن آفس، فائر فاکس اور دیگر مفید سافٹ۔ویئرز شامل ہیں۔ آپ جو سافٹ۔ویئرز منتخب کریں گے، وہ انسٹالر ان کی تنصیب بھی کردیتا ہے۔ ونڈوز کی رجسٹریشن "پیپسی لیبب" کے نام پر ہوئی ہے جس کا برقی پتہ "پیپسی لیبب ایٹ م۔س۔ن ڈاٹ کام" ظاہر کیا گیا ہے۔
اس طویل تحریر کی وجہ یہ کہ جس طرح انہوں نے ونڈوز کے انسٹالر میں ایسی تبدیلیاں کیں کہ وہ انسٹالر از خود یہ سب کر رہا ہے تو کیا اسی بنیاد پر کوئی ایسا انسٹالر بنایا جاسکتا ہے جو صرف اردو زبان کی تنصیب اور فونٹس کے کاپی کرنے کا عمل سر انجام دے۔
اگر اس ونڈوز کی سی۔ڈی کسی کے لئے کارآمد ثابت ہوسکے تو وہ اپنی کسی قریبی دکان سے Windows Crystal XP کے نام سے معلوم کرسکتا ہے۔ اگر دستیاب نہ ہو تو پھر کسی دوسری طرح مہیا کرنے کا سوچوں گا۔ یہ بھی ممکن ہے کہ اسے WinRAR میں دبا کر چند حصوں میں توڑ دوں اور وہ حصے کسی جگہ اپ۔لوڈ کرکے وہاں کا ربط دیدوں۔
بہرحال! یہ ایک اہم موضوع ہے جس پر سنجیدگی سے سوچنے کی اہم ضرورت ہے۔
اب تک کی تمام اپ ڈیٹس اور دیگر ضروری سافٹ ویئر مثلا ان پیج اور انٹر نیٹ ایکسپلورر7 موزیلا فائر فاکس اور دیگر ضروری یوٹیلٹیز شامل کی ہیں اور اس کا نام ایکس پی سروس پیک 3 رکھا ہے ان کا کہنا ہے کہ اس ونڈوز کو انسٹال کرنے کے بعد یہ تمام سہولتیں آپ کو انسٹال شدہ صورت میں ملیں گی