اخبار کی کارٹون پر معافی

[جاسم محمد]

اخبار کی کارٹون پر معافی
پاکستان میں نوائے وقت گروپ کے انگریزی زبان میں شائع ہونے والے اخبار دی نیشن نے جمعرات کو شائع کیے گئے کارٹون پر معافی مانگ لی ہے۔

اخبار کے ادارتی صفحے پر چھاپے گئے کارٹون میں عمران خان کو تانگے میں گھوڑے کی جگہ جوتا گیا دکھایا ہے جس کی لگام امریکی صدر ٹرمپ کے ہاتھ میں ہے اور اس کے ساتھ انڈین وزیراعظم نریندر مودی تانگے میں بیٹھے ہیں۔

کارٹون میں دکھایا گیا ہے کہ عمران خان کے آگے ”ثالثی“ کا چارہ صدر ٹرمپ نے لٹکایا ہوا ہے جس کے پیچھے وہ سرپٹ بھاگ رہے ہیں۔

اخبار نے بعد ازاں آن لائن ایڈیشن میں اس پر اپنے قارئین سے معافی مانگتے ہوئے کہا ہے کہ یہ کارٹون ہماری صحافت کے معیار سے کافی پست تھا۔

 

[محمد وارث]

کلاسرا صاحب کےمطابق اخبار نے کارٹونسٹ خالد حسین کو نوکری سے فارغ کر دیا ہے۔

 

[محمداحمد]

کلاسرا صاحب کےمطابق اخبار نے کارٹونسٹ خالد حسین کو نوکری سے فارغ کر دیا ہے۔

حالانکہ فارغ ایڈیٹر کو کرنا چاہیے تھا کہ جس کی منظوری سے کارٹون پبلش ہوا ہوگا۔

 

[جاسم محمد]

کلاسرا صاحب کےمطابق اخبار نے کارٹونسٹ خالد حسین کو نوکری سے فارغ کر دیا ہے۔

حالانکہ کارٹونسٹ خود انصافین ہیں یا رہ چکے ہیں۔

 

[محمد خلیل الرحمٰن]

حالانکہ کارٹونسٹ خود انصافین ہیں یا رہ چکے ہیں۔

لمحہ فکریہ

 

[آورکزئی]

ہاہاہاہا۔ مزے کا ہے ویسے

 

[محمداحمد]

اخبار نے خود ہی معافی تلافی کی ہے یا اُن کی توجہ اس طرف مبذول کروائی گئی ہے؟

 

[محمد وارث]

حالانکہ کارٹونسٹ خود انصافین ہیں یا رہ چکے ہیں۔

اس سے کوئی فرق نہیں پڑتا اور اس سے بھی کوئی فرق نہیں پڑتا کہ کارٹون کیسا ہے۔ لیکن سیاسی اظہار رائے کی آزادی پر قدغن لگانے سے ضرور پڑتا ہے۔

 

[محمداحمد]

لیکن سیاسی اظہار رائے کی آزادی پر قدغن لگانے سے ضرور پڑتا ہے۔

بجا ارشاد!

لیکن اظہار رائے کی آزادی کی بھی کچھ حدود تو ہونی چاہیے۔

 

[محمد خلیل الرحمٰن]

پاتے نہیں جب راہ تو چڑھ جاتے ہیں نالے

اظہارِ رائے کی آزادی کی حدود و قیود کون طے کرے گا؟

 

[محمد خلیل الرحمٰن]

ابھی ابھی ہم نے پڑھا کہ پی ٹی اے نے نو لاکھ ویب سائیٹس بلاک کیں

 

[محمد وارث]

بجا ارشاد!

لیکن اظہار رائے کی آزادی کی بھی کچھ حدود تو ہونی چاہیے۔

آپ کی بات درست ہے لیکن سیاسی اظہار رائے ایک وسیع موضوع ہے اور اس طرح کا جذباتی بھی نہیں ہے جیسی مذہبی اظہار رائے کی آزادی کے نام پر دل آزاری کی جاتی ہے۔ سیاست میں بہت کچھ کہا سنا جا سکتا ہے۔

اور اگر دیکھا جائے تو اس کارٹون میں کچھ ایسا خلافِ واقعہ معاملہ بھی نہیں ہے۔ مودی اور ٹرمپ کی یاری سب کے سامنے ہے، ہمارے وزیر اعظم بھی ثالثی کے پیچھے ہلکان ہوئے جا رہے ہیں، ہاں شاید تانگے میں جوتے جانے پر "کچھ اعتراض" ہو لیکن اپنے ہی ملک کے لوگوں سے پوچھ لیں، آدھے سے زیادہ کہیں گے کہ بالکل صحیح ہے۔

اخبار نے خواہ مخواہ اس معاملے پر موم جیسی لچک دکھائی ہے۔ کوئی عقلمند اور خود دار ایڈیٹر ہوتا تو ایک بار اگر اس نے اس کارٹون کو چھپنے کے لیے منظور کر لیا تھا تو پھر اپنے فیصلے پر اسٹینڈ لیتا، کارٹونسٹ بیچارے کو نکالنے کی بجائے خود مستغفی ہو جاتا۔

 

[جاسم محمد]

اخبار نے خواہ مخواہ اس معاملے پر موم جیسی لچک دکھائی ہے۔ کوئی عقلمند اور خود دار ایڈیٹر ہوتا تو ایک بار اگر اس نے اس کارٹون کو چھپنے کے لیے منظور کر لیا تھا تو پھر اپنے فیصلے پر اسٹینڈ لیتا، کارٹونسٹ بیچارے کو نکالنے کی بجائے خود مستغفی ہو جاتا۔

90 کی دہائی میں واپسی مبارک ہو جب زرداری اور نواز شریف صحافیوں اور اخبار مالکان کو ڈرا دھمکا کر اپنی مرضی کے خلاف رپورٹنگ بند کروا دیا کرتے تھے