آج کا شعر

[سیما علی]

آج کچھ اور دنوں سے ہے سوا استغراق
عزم تسخیر پھر اے شیخ زمن کس کا ہے
مولانا الطاف حسین حالی

 

[سیما علی]

مَیں شریکِ رونقِ ہر انجمن تھا، کل تلک
آج میرے شہر میں کوئی نہ پہچانا مجھے
نظر امروہوی

 

[سیما علی]

بات پر واں زبان کٹتی ہے
وہ کہیں اور سنا کرے کوئی
مرزا اسد اللہ خان غالب

 

[سیما علی]

دل کی کیا پوچھے ہے اک قطرۂ خوں تھا ہمدم
سو غم عشق نے آتے ہی اسے نوش کیا
جرات قلندر بخش

 

[سیما علی]

داد و تحسین کا یہ شور ہے کیوں
ہم تو خود سے کلام کر رہے ہیں
جون ایلیا

 

[سیما علی]

کیوں منیر اپنی تباہی کا یہ کیسا شکوہ
جتنا تقدیر میں لکھا ہے ادا ہوتا ہے . . . !
منیر نیازی

 

[سیما علی]

یہ کافی ہے کہ ہم دشمن نہیں ہیں
وفاداری کا دعویٰ کیوں کریں ہم

 

[سیما علی]

گلی میں اس کی آمد شد حسن خالی نہیں غم سے
دلِ پر درد آتا ہوں سرِ پر شور جاتا ہوں
میر حسن

 

[سیما علی]

کوئی عرفان کو سمجھائے، یہ آشفتہ مزاج
جاں کا خطرہ ہو تو پہلے سے فزوں بولتا ہے
عرفان ستار