استقبال کیلئے بہت شکریہ محترم۔میں اِس فارم سے تو بہت پہلے سے واقف تھا ۔ اور گاہے گاہے شاعری پڑھنے کی غرض سے یہاں آتا تھا۔ پھر اپنی پسند کی شاعری بھی قارئین تک پہنچانے کا دل کیا تو محفل میں اپنا کھاتا کھول لیا۔
کُوئے قاتل کی بڑی دھوم ہے، چل کر دیکھیں
کیا خبر ! کُوچہء دلدار سے پیارا ہی نہ ہو
زندگی اک خلش دے کے نہ رہ جا مجھ کو
درد وہ دے، جو کسی صورت گوارہ ہی نہ ہو
- جان نثار اختر
سڑکوں پہ گھومنے کو نکلتے ہیں شام سے
آسیب اپنے کام سے ، ہم اپنے کام سے
مجھ بے عمل سے ربط بڑھانے کو آئے ہو ؟
یہ بات ہے اگر ، تو گئے تم بھی کام سے
-رئیس فروغ
سوچا تھا تیرے غم میں یہ دنیا بھی روئے گی
کچھ بھی اُداس دل کے علاوہ نہیں ہوا۔
سب کچھ ہمارے پاس ہے، حتّٰی کہ تُو بھی ہے
آخر وہ کیا تھا ؟ جس کا مداوا نہیں ہوا۔
-میثم عباس
سرکتی جائے ہے نقاب آہستہ آہستہ
نکلتا آرہا ہے آفتاب آہستہ آہستہ
وہ بے دردی سے سر کاٹیں امیر، اور میں کہوں ان سے
حضور آہستہ آہستہ، جناب آہستہ آہستہ
امیر مینائی