نتائج تلاش

یہ ترے خیال کے لوگ ہیں یہ بڑے کمال کے لوگ ہیں ابھی پاؤں رکھنے کی جا نہ تھی ابھی خوابِ خوش میں سما گئے سرِ راہ روک کے پوچھنا شرفاء کا شیوہ نہیں میاں کبھی فرصتوں میں بتاؤں گا جو معاملے مجھے کھا گئے

اس لیے جل کے کبھی راکھ نہیں ہوتا دل یہ کبھی آگ میں ہوتا ہے کبھی پانی میں

یہ محبت تو بہت بعد کا قصہ ہے میاں میں نے اُس ہاتھ کو پکڑا تھا پریشانی میں

محبت ایک دم دکھ کا مداوا نہیں کرتی یہ تتلی بیٹھتی ہے زخم پر آہستہ آہستہ

پھر کوئی لے کے آ گیا دامن کی دھجیاں لگتا تھا مجھ پہ ہو چکا دیوانہ پن تمام

چاند نے جھک کر پوچھا ہو گا شہرِ برباد ترا کیا ہو گا دور ایسا ہے کہ لحظہ لحظہ سوچنا پڑتا ہے اب کیا ہو گا بوجھ وہ آن پڑا ہے دل پر شعر کہہ کر بھی نہ ہلکا ہو گا میں جہاں ڈوب رہا ہوں لوگو کل یہاں ایک جزیرہ ہو گا سب کو ہجرت کی پڑی ہے تابش اس گھڑی کون کسی کا ہو گا

اے رنجِ بے دلی! ترے رہنے کے واسطے دیوار و در کی شرط ہے دیوار و در کہاں یہ جاننے کو ان کا تعاقب کروں گا میں یہ لوگ جا رہے ہیں مجھے چھوڑ کر کہاں

دل میں ہوتا تو یہ ممکن تھا نکل بھی جاتا اب تو وہ شخص بہت دور تلک ہے مجھ میں

خلوتِ خاص میں بلوانے سے پہلے تابش عام لوگوں میں بہت دیر تک بٹھایا گیا میں

بادباں کب کھولتا ہوں پار کب جاتا ہوں میں روز رستے کی طرح دریا سے لوٹ آتا ہوں میں صبح دم میں کھولتا ہون رسی اپنے پاؤں کی دن ڈھلے خود کو کہیں سے ہانک کر لاتا ہوں ایک بچے کی طرح خود کو بٹھا کر سامنے خوب خود کو کوستا ہوں خوب سمجھاتا ہوں میں یہ وہی تنہائی ہے جس سے بہل جاتا تھا دل یہ وہی تنہائی ہے...

ہمارے دل میں ہے آسیبِ آرزو ایسا کبھی کبھی تو ہمیں خود سے خو ف آنے لگے جہان چھوڑتے جاتے ہیں کس سہولت سے یہ رفتگاں تو مرا حوصلہ بڑھانے لگے

کھینچ لاتی ہے ہمیں تیری محبت ورنہ آخری بار کئی بار ملے ہیں تجھ سے

تجھ کو اپنے آپ سے فرصت نہیں ہے اور یاں اے نگاہِ یار میرا وقت گزرا جائے ہے

اے اپنے عشق کی باتیں سنانے والے شخص اسی طرح کی کہانی ہمارے پاس بھی ہے خفا ہوا بھی تو رسوا نہیں کرے گا تجھے کہ زود رنج ترا مصلحت شناس بھی ہے تجھے پسند بہت ہے گلاب کا کھلنا اور اتفاق سے تو آئینے کے پاس بھی ہے

دوست! سب سے کہاں کھنچتا ہے غزل کا چلہ حجرہ میر میں ہوتا ہے سدا ایک ہی شخص

کشیدہ کارِ ازل تجھ کو اعتراض تو نئیں کہیں کہیں سے اگر زندگی رفو کی جائے

اب میری جان جاتی ہے مجنوں کے نام سے پہلے پہل یہ لگتا تھا ایسا تو میں بھی ہوں

پھر اس کے بعد یہ بازارِ دل نہیں لگنا خرید لیجیے صاحب! غلام آخری ہے

یہ بھی ممکن ہے کوئی روکنے والا ہی نہ ہو یہ بھی ممکن ہے یہاں مجھ کو زمانے لگ جائیں دیکھ اے حسنِ فراواں یہ بہت ممکن ہے میرا دل تک نہ لگے تیرے خزانے لگ جائیں

دشت میں پیاس بجھاتے ہوئے مرجاتے ہیں ہم پرندے کہیں جاتے ہوئے مر جاتے ہیں ہم ہیں سوکھے ہوئے تالاب پہ بیٹھے ہوئے ہنس جو تعلق کو نبھاتے ہوئے مر جاتے ہیں گھر پہنچتا ہے کوئی اور ہمارے جیسا ہم ترے شہر سے جاتے ہوئے مر جاتے ہیں کس طرح لوگ چلے جاتے ہیں اُٹھ کر چپ چاپ ہم تو یہ دھیان میں لاتے ہوئے مر...