اردو میں ہنوز اِس موضوع پر زیادہ کچھ نظر نہیں آیا ہے۔ نیٹ پر انگریزی میں ڈھونڈیں گے تو کئی چیزیں مل جائیں گی۔ دائرۃ المعارفِ ایرانیکا پر بھی صفوی دور کے بارے میں کئی دانشمندانہ مضامین ہیں، جن سے آپ کی علمی تشفّی ہو سکتی ہے۔ صفویوں اور عثمانیوں کو موضوع بنا کر لکھی جانے والی تقریباً تمام کتابوں میں اِن دونوں تُرک شاہی سلسلوں کی فرقہ وارانہ دشمنی کے بارے میں کچھ نہ کچھ لکھا ہوتا ہے۔