آؤ ۔۔۔۔۔۔۔۔۔

آؤ جِیبھاں بنئیے
چُپ دی جیل بھنن لئی
کھنگھورا نہیں
للکارچاہی دی اے

آؤ سورج بنئیے
کوٹھی لگے قیدیاں وانگ
کنبدے ہوئے دِیویَاں دی لو
رات دا غرور نہیں توڑ سکدی

آؤ بدل بنئیے
تریل وانگوں
ترِپ ترِپ چوندے ہنجواں نال
تھیائی دھرتی دی تس نہیں بجھنی

آؤ پگاں بنئیے
کیوں جے ویلا
لک تے لمکدے والاں نال گُت بنھ دیندا ہے

آؤ کَڑے بنئیے
نہیں تے ایہہ جگ
ساڈیاں کُولیاں باھواں وچ
چوڑیاں پوا دے گا۔


۔۔۔۔

از طارق گجر