کی بن کے ہن ملاں میں اوہنوں عاشق دوست یاں بھائی
شعر دے وچ میں ایناں ڈُبیا بھُلیا کُل خُدائی
ہُن واپس میں کنج آواں ایہہ سوچاں عقل بھلائی
اک پاسے میں کلم کلا اودھر کُل خدائی
دوآں وچ انجان کھڑی اے ویہہ ورہیاں دی جُدائی
تیری کھوج وچ عقل دے کھنبھ جھڑ گئے
تیری بھال وچ تھوتھا خیال ہویا
لکھاں اُنگلاں گُنجھلاں کھول تھکیاں
تیری زُلف دا سِدھا نہ وال ہویا
گھگی بَجھ گئی سنکھاں دی رو رو کے
پِٹ پِٹ کے چُور گھڑیال ہویا
چِیک چِیک کے قلم دی جیبھ پاٹی
اجے حل نہ تیرا سوال ہویا
تیرے ہِجر وچ کسے نے کن پاڑے
اتے کسے نے جٹاں...
میں کوجی میرا دلبر سوہنا ، میں کیونکر اس نوں بھانواں ہُو
ویہڑے ساڈے وڑدا ناہیں پئی لکھ وسیلے پانواں ہُو
ناں میں سوہنی ناں دولت پلّے ، کیوں کر یار مناواں ہُو
ایہہ دکھ ہمیشاں رہسی باہو روندڑی ہی مر جاواں ہُو
بے بول دی وی تینوں سمجھ نا ہی
جیڑا نت تیرے وچ بولدا اے
اوبولے وچ تیرے تو ڈونڈے باہر اس نوں
وانگ مرغیاں دے کوڑاپھولدا ایں
بھلا بوجھ ہاں کون ہے وچ تیرے
شاید او ہوے جنوں تولدا ایں
بلےشاہ جدا نہں رب تےتھوں اپے آواز مارے اپے بولدا اے
"عشق حقیقی جنھاں پایا مونہوں نہیں الاون ہو.
دم دم دے وچ آکھن مولا دم نوں قید لگاؤن ہو.
خفی خفائی حق حقانی سری ذکر کماون ہو.
میں قربان تنھاں توں جیہڑے ہک نگاہ وچ آؤن ہو."
"عشق جنھاں دے ہڈیں رچیا رہن اوہ چپ چپاتے ہو.
لوں لوں دے وچ لکھ زباناں کرن اوہ گنگی باتے ہو.
کردے وضو اسم دا جیہڑے دریا وحدت نھاتے ہو.
تدوں قبول نمازاں باہو جد یاراں یار پچھاتے ہو."