دلہن کا سفر میکے سے سسرال تک

[بنت آدم]

السلام علیکم ورحمتہ اللہ وبرکاتہ

یہ ٹاپک پہلے خواتیں کارنر میں لگانے لگی تھی مگر اس میں کچھ پوائینٹس مرد حضرات کے لیے بھی تھے تو ادھر موو کیا

دلہن کا سفر میکے سے

سسرال تک

شادی چار لفظوں کا مجموعہ بظاہر چھوٹا سا لفظ مگر بڑا معنی خیز جاندار اپنے اندر ایک عجب طلسم و اسرار چھپائے ہوئے کشش کا ایک ہالہ جو ہر جوان لڑکے اور لڑکی کو اپنے دائرے میں گھسیٹ لیتا ہے

یہ ہی وجہ ہے کہ اکثر دیکھنے میں آیا ہے سنجیدہ سے سنجیدہ طبع افراد بھی شادی کا نام آتے ہی مسکرا دیتے ہیں یا شرما جاتے ہیں ہر جوان لڑکا اور لڑکی اس لفظ کے سہارے سپنوں کی حسین دنیا میں کھو
جاتے

ہیں یہ انہیں تحفظ کا احساس دلاتا ایک ایسا رشتہ ہے جس میں سب سے زیادہ اپنائیت کا احساس جاگتا ہے

مختصر کہوں تو بیٹی کو کبھی یہ مت کہیں

دیکھا گیا ہے کہ گھر میں کی جانے والی بے جا روک ٹوک کی کرواہٹ کو یہ کہہ کر شیرے میں لپیٹ دیا جاتا ہے کہ بھئی سسرال جا کے جو دل چاہے کرتی رہنا یا شوہر کے گھر تمہیں پوری آزادی ہو گی اور لڑکی حقیقتا سمجھتی بھی یہی ہے جو کہ اس کے حق میں غلط ہے

​

 

[بنت آدم]

شادی لفظ ایک لڑکی کو بڑا سیدھا سا تصور دیتا ہے جس کے بارے میں لڑکی صرف یہ ہی سوچ سکتی ہے کہ شادی کا مطلب ہے خوب تیار ہو کر بن سنور کر دلہن بننا.شادی کا مطلب یہ ہی سمجھا جاتا ہے کہ شادی والے دن لڑکی خوب سج سنور کے زیور سے لدی پھندی جہیز سے بھرے ٹرک کے ساتھ سسرال میں قدم رکھتی ہے اور سمجھتی ہے کہ اپنی آزاد زندگی میںبھی قدم رکھ رہی ہے

میکے کی پابندیوں سے آزاد!

کچے ذہہنوں کی لڑکیاں اس کو ذہہن میں بسا کر سسرال میں قدم رکھتی ہیں اور شوہر پر اس کی کمائی پر اس کی محبت پر اپنا حق سمجھتی ہیں

وہ صرف اپنے حقوق کے بارے میں ہی جانتی ہے کہ فرائض کیا ہیں اس سے نا آشنا ہوتی ہے ذہہن میں تو مکمل خمار ہوتا ہے مکمل آزادی کا

لڑکی سب رشتوں کو بھلا کر صرف شوہر سے مطلب رکھنا چاہتی ہے یہیں سے گلے شکوے اور رنجشیں جنم لیتی ہیں اور آہستہ آہستہ پورے گھر کے ماحول پر اثر انداز

ہو کر اسے خراب کرتی ہیں

اس کے نتیجے میں وہ عوامل جنم لیتے ہیں ایک تو یہ کہ اگر شوہر سادہ مزاج ہوگا تو بیوی اثر انداز ہو کر الگ گھر لے کر رہنے مجبور کر دے گی اور اگر شوہر سخت مزاج کا اور تھوڑا وکھڑی ٹائپ ہو گا تو بیوی میکے میں بیٹھی ہو گی زیادہ بات بگڑ گئی تو نوبت طلاق تک بھی پہنچ سکتی ہے سو لڑکی کی پرورش بہت دھیان سے کرنی چاہیے ورنہ لڑکی لڑکے کے ساتھ دو خاندان بھی ڈسٹرب ہونگے

 

[بنت آدم]

بری سوچ ساری برائی کی جڑ ہے اور ان خوبصورت رشتوں میں دراڑیں ڈال دیتی ہے ساس بہو کی ہر بات میں مین میخ نکالنا اپنا فرض سمجھتیں ہیں

خاص طور پر بیٹے کے سامنے بہو کی برائیاں کی جاتی ہیں تاکہ بہو بیٹے کے دل میں گھر نہ کر لے اور مجھ سے میرا بیٹا چھین نہ لے

بہو کے گھر آتے نندیں کام کاج سے ہاتھ اٹھا لیتی ہیں

جیسے بھابی نہیں نوکرانی گھر لائی ہوں لڑکی کے گھر والوں کی برملا برائی لڑکی کے سامنے کی جاتی ہے اور جہیز میں لائی گئی چیزوں کو کم قیمت اور سستا بتایا جاتا ہے یہ ہی چھوٹی چھوٹی باتیں آخر کار لڑائیوں کا موجب بنتی ہیں اگر لڑکے کے گھر والے شروع دن سے یہ بات سمجھ لیں کہ آنے والی بھی ان کی اپنی بیٹی ہے تو مسائل جنم ہی نہ لیں


ہر ساس یہ سوچ لے کہ بہو اس کے لئے ایسے ہی ہے جیسے اس کی بیٹی اور وہ اپنی بہو کی تکلیف کو ایسے ہی محسوس کرے جیسے کہ اپنی سگی بیٹی کی تکلیف پڑ تڑپ محسوس ہوتی ہے


اور بہو بھی ساس کو شوہر کی ماں اپنی دشمن شوہر کو اپنی جانب کھینچنے والی سمجھنے کے بجائے ساس کو ماں سمجھے اور شوہرکو جو کہ پہلے ان کا بیٹا ہے انہیں وقت دینے کے لئے کہے بےشک وہ دونوں کے لئے جنت ہیں


اگر یہ سب ہو تو کسی گھر میں ساس بہو کا وجود نہ ہو بلکہ ہر ساس ماں ہو اور ہر بہو بیٹی! انصاف کے ساتھ گھر کے تمام رشتوں میں توازن رکھے تو کسی کو شکایت نہ ہو گی

​

 

[بنت آدم]

اب سب سے اہم شخصیت شوہر کی بات کی جائے جس کے سہارے ایک لڑکی اپنے باپ کا گھر چھوڑ کر انجان لوگوں میں آکر رہتی ہے

نئے طور طریقوں کو اپناتی ہے شوہر کے سرد گرم رویوں کو برداشت کرتی ہیں لیکن اگر وہ بیوی کو عزت و احترام نہ دے اس کا مذاق اڑائے طنز سے


کام لے کر اس کو نیچا دکھانے کی کوشش کرے تو یہ سب سے قریبی رشتہ بہت دور ہو جاتا ہے

شوہر صرف شوہر ہی نہیں ہوتا


بلکہ ایک بیٹا


اور بھائی بھی ہوتا ہے


اس لئے اس کے کندھوں پر بڑا بوجھ ہوتا ہے اب یہ اسکی صلاحیتوں پر مخصر ہے کہ وہ سارے رشتوں کے درمیان کیسے توازن رکھتا ہے جہاں بیوی سے گھر والوں کی عزت کروانی چاہیے وہیں ماں باپ بہن بھائیوں اور بیوی کے درمیان انصاف اور رشتوں کو اس کے تناسب کے ساتھ رکھنا چاہیے.

بیوی کے گھر والوں کی عزت ایسے ہی کریں جیسے کہ اپنے گھر والوں کی تاکہ بیوی کے دل میں شوہر کی محبت اور اس کے گھر والوں کی عزت دوچند ہو جائے


بہرحال! یہ ایک بہت بڑی معاشرتی مذہبی اور سماجی دمہ داری ہے جو شادی شدہ لوگوں پر عائد ہوتی ہے کیونکہ اس تجربہ سے سب کو گزرنا پڑتا ہے لیکن شادی کوئی قید کا نام نہیں نہ ہی یہ ایسی آزادی ہے جو ہر چیز سے ناآشنا کر دے بلکہ یہ ایک مقدس فریضہ ہے جو اپنے اندر

حقوق و فرائص کی لمبی فہرست رکھتا ہے
​

 

[بنت آدم]

کچھ ٹپس اب نیکسٹ شیئرنگ میں صرف لڑکیوں کے لئے

 

[ناعمہ عزیز]

بہت خوب بنت آدم آپ کا یوں گھل مل جانا اور محفل کی رونق بڑھانا مجھے بہت اچھا لگا

 

[بنت آدم]

خوشگوار زندگي گزارنے کے سنہري اصول

شادي ايک حسين لفظ تو ہے ہي ليکن ايک امتحان بھي ہے اور يہ آپ پر منحصر ہے کہ آپ اسے کس قابليت اور سمجھ داري سے اسے پاس کرتي ہيں آئيے ہم آپ کو ايسے گر بتاتے ہيں کہ شوہر کے ساتھ آپ سب کے دلوں پر حکمراني کر سکيں



مشترکہ خاندان! آج کل يہ سسٹم بہت کم ديکھنے ميں آ رہا ہے ليکن اگر آپ جوائنٹ فيملي ميں رہتي ہيں تو کچھ باتوں کا خيال رکھيں چھوٹي چھوٹي باتوں کو نطر انداز کريں اور ايک دوسرے کي اچھي عادات کو سراہيں "ميں" اور "تم" کي بجائے "ہم لوگ" جيسے لفظ استعمال کيجيے جس سے اپنائيت کا احساس ہو کسي کي اچھائي بيان کرنے ميں کنجوسي مت کريں ذاتيات پر گفتگو سے پرہيز کريں بھول جاؤ اور معاف کردو اس اصول پر کاربند رہيں

فضول قسم کي نوک جھوک کي وجہ سے شوہر کا تعلق آپ سے بھي بیزار کن ہوگا ساس سسر اور ہر رشتے کا احترام کريں




شوہر کے ساتھ ذہني رابطہ رکھيں ذہني ہم آہنگي ايک کامياب ازدواجي زندگي کے لئے ضروري ہے پرسکون اور نرم لہجے ميں تبادلہ خيال کريں ہميشہ شوہر سے سچ بوليں اپنے احساسات اور مفادات کے سلسلے ميں راست بازي سے کام ليں


اپنے آپ ميں تبديل ہونے کي خصوصيت پيدا کريں حالات کے مطابق اپنے آپ ميں لچک پيدا کريں کوئي بھي تلخي پيدا کيے بغير اپنے پروگرام تبديل کرنے کي صلاحيت آپ ميں ہوني چاہيے ايمرجنسي کي صورت ميں اپنا تھوڑا بہت آرام قربان کر دينا چاہيے

اپنا خيال رکھيں! اپني ذات سے غافل ہرگز مت رہيے يہ صحيح ہے کہ ہر وقت بناؤسنگھار کے ساتھ رہنا مشکل ہوتا ہے ليکن يہ بھي نہيں کہ شوہر کے گھر آتے آپ انہيں لہسن پياز کي بوري لگيں تھوڑي سي توجہ اپنے آپ پر صرف کرنے ميںکوئي حرج نہيں

لیکن صرف شوہر کے لیے کیوں کہ اسلام بھی سنگھار کی اجازت صرف شوہر کے لیے دیتا



روزانہ غسل ليں صاف ستھرے کپڑے پہنيں بالوں کو سميٹ کر رکھيں ہلکي سي لپ اسٹک لگانے ميں کوئي حرج نہيں شوہر کا استقبال ہنستے مسکراتے ہوئے کريں


شوہر تبھي باہر متوجہ ہوتا ہے جب اس کي بيوي گھر ميں لہسن پياز کي ناگوار مہک ميں سمائي اس کا الجھے بالوں کے ساتھ استقبال کرتي ہے اور آتي ساتھ گھريلو الجھنوں کا ذکر کرتي ہے


ياد رکھيں مرد باہر بھي مسلئے مسائل ميں گھرا ہوتا ہے گھر وہ سکون کي خاطر آتا ہے اس کا ہلکا پھلکا تيار ہوکر لبوں پر مسکان بکھير کر ويلکم کريں
​

 

[بنت آدم]

شوہر کے سامنے اگر کسی مسلئے کا ذکر کرنا ضروری ہے تو کھانا کھانے کے بعد ڈسکس کریں پلس موڈ دیکھ کر کریں اور سیانے کہتے ہیں کہ مرد کا پیٹ خالی ہو اسے بھوک شدت کی لگی ہو تو کوئی بات مت کریں بلکہ کھانے کا اہتمام کریں


نکتہ چيني سے پرہيز کريں! شوہر پر نکتہ چيني ہر گز مت کريں سليقے سے اپني بات منوائيے ذاتي مسائل کو بار بار زير بحث لانے سے اجتناب کريں اس طرح کرنے سے حالات بگڑ جاتے ہيں اس طرح کرنے سے حالات بگڑ جاتے ہيں اپنے شوہر کي اچھائيوں کي تعريف کرتي رہا کريں

مشرقيت اپنائيں شرم و حيا سے کام ليں اپنے اندر نسوانيت پيدا کريں‎ لبرل بننے کي کوشش ميں کہيں حد سے نہ گزريں مشرکيت اپنائيں

عورت کا کردار اور مشرقي عورت کا کردار ادا کرتے ہوئے اپنے آپ پر فخر کريں


خوش و خرم رہيں حسن سلوک سے پيش آئيے خوش گفتار بنيے ہلکي پھلکي باتوں اور ہنسي مزاق سے محفوظ ہوا کريں صبر اور بردباري سے کام ليں ہر کام متوازن طريقے سے سرانجام ديں کوشش کريں کہ شوہر کو شکايت کا موقع کم سے کم ملے يہ درست ہے کہ شوہروں کو بھي اس طرح کے فرائض انجام دينے چاہيں ليکن اگر وہ ايسا نہيں کرتے تو يقين کيجيے آپ کے حسن سلوک سے وہ ايسا کرنے پر مجبور ہو جائيں گے

اگر کبھی شوہر نامدار غصے میں 2،4 سنا دیں تو پلٹ کر جواب دینے کی قطی ضرورت نہیں ہاں دل میں بول لیں بھراس ہی نکالنی ہے تو ایسے میں دل بھی ہلکا رہے گا برا بھی نہیں لگے گا یا خاموش رہیں اور جب ان کا غصہ ٹھنڈا ہو تو بتا دیں مجھے بہت برا لگا تھا خاموشی بہتریں ہے

​

 

[بنت آدم]

ايک دوسرے پر بھروسہ رکھيں عزت و تکريم کے معاملات ميں آپ اپنے رفيق زندگي کےساتھ ويسا ہي برتاؤ کريں جيسا آپ اپنے ليےان سے توقع کرتے ہوں


آپ کي ذہني سوچ يہ ہونا چاہيے کہ آپ اپنے شوہر کو کس طرح خوش رکھ سکتي ہيں يہ نہيں کہ وہ آپ کو کس طرح خوش رکھ سکتے ہيں

ياد رکھيں کہ مکمل شخصيت کسي کي بھي نہيں ہوتي ہر شخص کے اندر خوبيوں کے ساتھ خامياں بھي ہوتي ہيں لہذا آپ لوگوں کو اسي حالت ميں قبول کريں جيسے کہ وہ ہيں
اسکا يہ مطلب بھي نہيں کہ آپ اپنے رفيق زندگي کے اندر پائي جانے والي بري عادتوں کو تبديل کرنے کي کوشش نہ کريں ليکن يہ تبديلي فورا ہي پيدا کرنے کي کوشش نہ کريں اور اس کے لئے غير پسنديدہ رويہ بھي مت اپنائيں

دنيا کے کسي بھي شخص سے اپنے شوہر کا ايسے لہجے ميں موازنہ ہرگز مت کريں جس سے اس کي انا کو ٹھيس پہنچے يا اس کي تذليل ہوتي ہو

اگر آپ کے شوہر نے کوئي ايسا کام کر ڈالا جس کا نتيجہ خراب نکلا معاملہ سنگين ہے کہ اسے نظر انداز نہيں کيا جا سکتا اور آپ کيلئے ناراضي اور غصہ کا اظہار ضروري ہو گيا ہے تو صرف ايک بار ہي سب کچھ کہہ ڈاليں اور پھر معاملے کو اسي وقت ہميشہ کے ليے ختم کرديں اسے بار بار ہرگز مت دہرائيں مختصرا يہ کہ بار بار طنز کرنے سے اجتناب کريں اس عمل سے بہت سے خاندان اجڑ چکے ہيں اور بات طلاق تک جا پہنچتي ہے


اپنے شوہر کي ضروريات اور پسند کا خيال رکھيں اور اس کے کہنے سے پہلے ہي انہيں پورا کر ديا کريں شوہر کو جس چيز يا خوشي کي ضرورت ہے اگر وہ طلب کيے بغير رضاکارانہ طور پر مہيا کر دي جائے تو اس کے نتائج بہت خوشگوار ہوتے ہيں جبکہ مانگنے کے بعد اگر وہ چيز دي جائے تو اسکي خوشي بہت کم ہو جاتي ہے

ازدواجي زندگي گزارنے کے دوران بہت سے مواقع پر آپس ميں غلط فہمياں بھي جنم ليں گي ايسے مواقع پر بہتر ہے شوہر کے ساتھ کھل کے بات کريں اور اپنے پريشان کن خيالات کا برملا اظہار کريں ايسے بہت سے خاندانوں کو پريشانيوں کا سامنا کرنا پڑا ہے جہاں ايک دوسرے کو صفائي دئيے بغير خود ہي يک طرفہ فيصلہ کر ليا اور بعد ميں احساس ہوا کہ وہ غلط فہمي غلط اطلاعات پر منبي تھي ليکن اس وقت بہت دير ہو چکي ہوتي ہے



آپ کو چاہيے شوہر کے کم کمائے ہوئے اور حلال پر اکتفا کريں اپنے شوہر کے ساتھ وي آئي پي جيسا سلوک کيا کريں ہر وقت تو کبھي کبھي سہي شوہر کي پسند نا پسند کا دھيان رکھيں

شوہر کو کبھي عصہ مت دلائيں سيانے کہتے ہيں مرد کا غصہ جب تک اندر ہے تب تک عورت سکھي ہے مرد کا غصہ تو بسا گھر تک اجاڑ دے تبھي تو طلاق جيسا برا فيل کر بيٹھتا ہے اميد ہے يہ چند پوائنٹس سمجھ آچکے ہونگے

اللہ سبحان و تعالي ہر بہن بيٹي ہر لڑکي کو اپنے سسرال ميں سکھي سہاگن و آباد رکھے آمين

​

 

[بنت آدم]

سب سے اہم اور خاص


ساس بہو کا رشتہ

شادي ايک ايسا لفظ ہے جو اپنے اندر بے پناہ خوشيوں کو سميٹ کر لاتا ہے.بڑي ہي دھوم دھام سے ڈھول باجے بجا کر يہ دن يادگار بنايا جاتا ہے کچھ دن تو لاڈ پيار ميں گزرتے ہيں.

پھر ساس بہو کي کچ کچ\' نند بھابھي کي چخ چخ.

ضروري نہيں کہ ايسا ہر گھر ميں ہو.

ساس بہو کا جھگڑا بھي عجيب ہوتا ہے. پل ميں لڑتي پل ميں مان جاتي ہيں

ليکن ان سب ميں جو چيز سب سے قابل رحم ٹھرتي ہے

وہ ہے اس کي شخصيت

جس کو بڑے ارمانوں سے دولہا بنايا گيا تھا

کہا کبھي آپ نے غور کيا ہے کہ ان جھگڑوں کي بنياد کيا ہے.

کبھي ساس کا بيٹا اور بہو کا شوہر اور شوہر ايسے حالات ميں کم اپنے ماں باپ کا ساتھ ديتے ہيں


يہاں صرف چند باتيں ميں شئير کروں گي جس سے آپ کے گھر کا ماحول بھي پر سکون ہو سکتا ہے

بہو کو چاہیے کہ ساس کو عزت دے کر کہیں پر بھی آنے جانے کے بارے میں بتائے

ساس کو چاہیے کہ گھر کی الجھنوں کو شادی شدہ بیٹیوں کو بتانے کے بجائے بہو سے شئیر کرے

بہو کو چاہئے کہ ساس کی الجھنوں کو اپنی الجھنیں سمجھ کر سنے اور اسے حل کرنے کی کوشش کرے اور ساس کی الجھنیں اپنے میکہ میں نشر کرنے کی کوئی ضرورت نہیں.

بہو کو چاہئے کہ اسے جو بھی مشکل پیش آئے اسے اپنے میکے والوں کو بتانے کے بجائے اپنی ساس سے ڈسکس
کرے

ساس کو چاہیے کہ وہ اس مشکل کو اپنی بیٹی کی مشکل سمجھ کر حل کرے

ساس کو چاہیے کہ بہو جو کام کرے جو پکائے جو سئے اس کی تعریف کرے

بہو کو چاہیے کہ چھوٹی چھوٹی باتوں میں ساس کو اہمیت دے.ان سے کھانے کی ترکیبیں سلائی کڑھائی کے ہنر سیکھے چاہے آپکوآتے بھی ہوں پر بڑی عمر کی خواتین اس بات سے خوش ہوتی ہیں

ساس اگر وسیع نظر رکھے گی تو اسے زندگی مطمئن نظر آئے گی اور بہو کا بھی حق سمجھے

بہو کو اس معاملے میں زیادہ جذباتی نہیں ہونا چاہیے کہ اس کا شوہر اسی کو وقت دیں بلکہ تھوڑا وقت ماں بہنوں کو دے تو اعتراض نہیں کرنا چاہیے.

ساس کو چاہیے کہ پوتے پوتیوں کو خود سے قریب رکھے اور ان کا پورا خیال رکھے

بہو کو چاہیے کہ اپنی اولاد کو دادی سے قریب کرے اگر ساس چڑتی بھی ہوں تب بھی بچوں کا کچھ وقت ان کے پاس گزرے. اور خود بھی بیٹھے.

شوہر کو بھی چاہئے کہ بیوی کے آتے والدہ کو مت بھولیں.کیونکہ جنم دینے والی ماں ہوتی ہے بیوی نہیں

شوہر کو چاہیے کہ والدین بہن بھائی کو بھرپور وقت دے اور یہ بھی سچ ہے کہ جنت ماں کی خدمت انہیں خوش کر کے حاصل ہو گی اور ہاں یہ بھی مت کریں کہ بیوی کو مکمل فراموش کر دیں.

اسکا بھی خیال رکھیں اور ہمیشہ سچ اور صحیح کا ساتھ دئجیے

اور اگر اہم قدم اٹھانا پڑے تو بیوی ماں کے بجائے دل کی نہیں اسلام کی سنے

امید کامل ہے سلسلہ پسند آیا ہو گا

شکریہ

دعاؤں کی طالب

بنت آدم

مس بھٹی

اللہ حافظ
​

 

[شمشاد]

واہ جی واہ۔ اللہ کرے کہ تمام ساسیں اور تمام بہوئیں ان باتوں پر عمل کریں۔

 

[بنت آدم]

آامین ثم آمین

 

[عسکری]

اتنے سارے مسائل اور اتنی چیزوں کا خیال رکھتے رکھتے تو آدمی ویسے ہی مر جائے گا ۔ شادی سے دور رہ کر ہی آدمی خوش اور پر سکون رہ سکتا ہے ۔ شادی فضول اک جھنجھٹ ہے جسے جتنا پالنا ہے پال لو فائدہ کچھ نہیں ہونا ہم ایسے ہی آزاد اپنی مرضی سے اچھے زندہ ہیں کسی کے لیے اتنا سب کچھ کیوں کریں؟

 

[شمشاد]

ایسے ہی نہیں کہتے شادی ایسا لڈو ہے جو کھائے پچھتائے اور جو نہ کھائے وہ بھی پچھتائے،

ویسے ایک بات ہے جب پچھتانا ہی ٹھہرا تو کیوں نہ لڈو کھا کے پچھتائے۔

 

[بنت آدم]

بری بات شادی سنت رسول صلی اللہ علیہ وسلم ہے بری ہوتی تو آپ صلی اللہ علیہ وسلم اسے میری سنت نا فرماتے نہ اس کی افادیت فرماتے سو ایسے نہیں کہنا چاہیے

 

[شمشاد]

اس موضوع کو آگے بھی بڑھائیں گی یا یہیں پر ختم ہو گیا۔

 

[ساجد تاج]

اتنے سارے مسائل اور اتنی چیزوں کا خیال رکھتے رکھتے تو آدمی ویسے ہی مر جائے گا ۔ شادی سے دور رہ کر ہی آدمی خوش اور پر سکون رہ سکتا ہے ۔ شادی فضول اک جھنجھٹ ہے جسے جتنا پالنا ہے پال لو فائدہ کچھ نہیں ہونا ہم ایسے ہی آزاد اپنی مرضی سے اچھے زندہ ہیں کسی کے لیے اتنا سب کچھ کیوں کریں؟

بھائی کچھ باتیں مذاق سے بھی نہیں کہنی چاہیے۔ شادی نہ کرنے کی کوئی وجہ ؟ خرچے سے ڈر رہے ہیں یا ذمے داری سے ؟ عورت فضول خرچی تبھی کرتی ہے جب مرد اُسے اس کی عادت ڈلواتا ہے۔ ہاں یہ ہو سکتا ہے کہ ذمے داری نہ اُٹھا سکتےہوں۔
شادی نہ کرنے کا نُقصانات کتنے ہیں یہ شاید آپ جانتے ہیں مگر انجان بن رہے ہیں بھائی۔ شادی نہ کرنے کے کتنی غلط راہیں اختیار کر لیتا ہے یہ بھی کبھی سوچیئے گا ان شاءاللہ اگلی بار آپ شادی نہ کرنے کی بات نہیں کریں گے۔

 

[بنت آدم]

بس اتنا ہی کہنا تھا

 

[عسکری]

بھائی کچھ باتیں مذاق سے بھی نہیں کہنی چاہیے۔ شادی نہ کرنے کی کوئی وجہ ؟ خرچے سے ڈر رہے ہیں یا ذمے داری سے ؟ عورت فضول خرچی تبھی کرتی ہے جب مرد اُسے اس کی عادت ڈلواتا ہے۔ ہاں یہ ہو سکتا ہے کہ ذمے داری نہ اُٹھا سکتےہوں۔
شادی نہ کرنے کا نُقصانات کتنے ہیں یہ شاید آپ جانتے ہیں مگر انجان بن رہے ہیں بھائی۔ شادی نہ کرنے کے کتنی غلط راہیں اختیار کر لیتا ہے یہ بھی کبھی سوچیئے گا ان شاءاللہ اگلی بار آپ شادی نہ کرنے کی بات نہیں کریں گے۔

فضول کی خرچی تو دور کی بات ہے آج کل کے پوشربا شادی اخراجات کہاں سے آتے ہیں؟ اور کہاں سے ایک لڑکی کو سنبھالیں کون لائے گا کھانا پینا رہنے کے لیے گھر بجلی گیس ٹیلیفون کے بل راشن دوائی اور ہزاروں اخراجات جب اللہ بھیج دے گے اوپر سے میں کر لوں گا شادی ہہہہہہہہہہ،


شادی نا کرنے کا کوئی نقصان نہیں اگر آدمی سمجھتا ہے کہ اسے کیا کرنا ہے ِ

 

[ام نور العين]

No GOD's Land والے بھی اللہ توكل پر جى رہے ہیں؟

ہزاروں اخراجات جب اللہ بھیج دے گے اوپر سے