زیک
مسافر
گودام
پیرو کے پہاڑ، کھنڈر، دریا اور جنگل
- صاحب لڑی زیک
- تاریخ ابتداء
زیک
مسافر
چونکہ انکا ٹریل (Inca trail) پر آپ خود ہائک نہیں کر سکتے بلکہ حکومت کی منظورشدہ کمپنیوں کے ساتھ ہی جا سکتے ہیں لہذا شام کو ہماری گائیڈ کمپنی کے ساتھ میٹنگ تھی۔ وہاں اپنے گرو کے باقی پانچ لوگوں سے بھی ملاقات ہوئی۔ ایک جرمن جوڑا تھا، دو ہالینڈ سے سہیلیاں اور ایک امریکی جو جنوبی امریکہ میں رہ رہا تھا۔ کمپنی نے ہمیں بیگ دیئے جس میں ہم وہ سامان پیک کریں گے جو پورٹر کیمپ سائٹ سے کیمپ سائٹ لے جائے گا۔
صبح 4 بجے اٹھے اور اپنا سامان ہوٹل کی سٹوریج میں رکھوایا۔ خود تیار ہوئے۔ ہمارے ڈفل بیگ جن میں رات کا سامان اور سلیپنگ بیگ تھے۔ یہ پورٹر اٹھائیں گے۔ ہمارے بیک پیک مں رین جیکٹ، گرم جیکٹ، کیمرہ، پانی، سنیکس، فرسٹ ایڈ کٹ وغیرہ تھی۔ دھوپ اور بارش سے بچنے کے لئے واٹر پوف ہیٹ اور چڑھائی اور اترائی پر ہائکنگ کے لئے ٹریکنگ پولز (trekking poles)۔
ساڑھے چار بجے گائیڈ نے ہوٹل کے دروازے پر دستک دی۔ چونکہ ہمارا ہوٹل ایک تنگ گلی میں تھا جہاں بس نہیں آ سکتی تھی لہذا ہم سیڑھیاں اترتے نیچے بڑی سڑک تک گئے۔ بس نے تمام ہائکرز کو پک کیا اور پھر اولانتیتامبو کو روانہ ہو گئی۔ وہاں پورٹرز انتظار کر رہے تھے۔
انکا ٹریل کا ٹریل ہیڈ پسکاکوچو (Piskacucho) کے پاس ہے جہاں تک پکی سڑک نہیں ہے۔ وہاں پہنچ کر ہم نے ناشتہ کیا اور ریسٹ روم وغیرہ استعمال کیا۔ پیرو میں ریسٹ روم اکثر ایک سولز چارج ہوتا ہے ۔
انکا ٹریل کل 28 میل (45 کلومیٹر) لمبا ہے۔ اس کا آغاز 2720 میٹر (8924 فٹ) کی اونچائی پر ہے۔ سب سے زیادہ اونچائی 4215 میٹر (13829 فٹ) کی بلندی ہے اور اختتام 2400 میٹر (7874 فٹ) پر۔
لاریب مرزا
محفلین
زبردست تصاویر ہیں۔ ہم تصاویر دیکھ کر ہی مسحور ہو رہے ہیں، اصل میں دیکھنے کا تو لطف ہی کچھ اور ہو گا۔
