ابن سعید
خادم
ہم کئی دنوں سے اس بات پر سنجیدگی سے غور کر رہے ہیں کہ زین فورو کا آفیشیل میڈیا گیلری ایڈ آن خرید کر نصب کر دیں تا کہ محفل میں شریک کی جانے والی تصاویر اس میں ہوسٹ کی جا سکیں۔ اس طرح ہر نئے رکن کے ساتھ پیش آنے والا مسئلہ "تصاویر کیسے شامل کریں" بھی حل ہو جائے گا، جا بجا محذوف خارجی تصاویر کی وجہ سے لا یعنی ہو جانے والی لڑیوں کا مسئلہ بھی ختم ہو جائے گا، اور ساتھ ہی محفل کے فوٹوگرافی کے شائقین کو ایک گوشہ مل جائے گا۔ البتہ اس ایڈآن کی اچھی ادارت کے لیے دو تین مدیران شامل کرنے ہوں گے۔ البتہ ابھی اس معاملے پر نبیل بھائی کے ساتھ گفت و شنید نہیں کی ہے۔ اگر میڈیا ایڈ آن کو فعال کیا جاتا ہے تو ساتھ ہی ڈاؤن لوڈ سیکشن کے لیے بھی اسٹاف مقرر کر کے اس کو بھی فعال کیا جا سکتا ہے جس کا زین فورو کی جانب سے آفیشیل ایکس ایف ریسورس ایڈ آن ہمارے پاس سالوں سے موجود ہے۔ 
