بہت پہلے ان کی سائٹ کو اسکریپ کیا تھا نیز الفاظ و معانی سمیت دیگر تمام اجزا بھی علیحدہ کیے تھے۔ البتہ ان کی سائٹ میں کئی برسوں سے آج تک ہر لفظ کے نتیجے والے صفحے میں تقریباً ساڑھے پانچ سو سے زائد اسپیم خارجی روابط مخفی صورت میں موجود ہوتے ہیں جو نا شائستہ اینکر ٹیکسٹ کے حامل ہوتے ہیں۔ یہ غالباً ان کے سرور کوڈ میں کسی مالوئیر کی مدد سے کیے گئے کوڈ انجیکشن کا نتیجہ ہے۔
تو پھر آپکے انکے سائٹ ایڈمن کو مطلع کیوں نہیں کرتے اس بگ کے بارہ میں ؟
ہمیں کسی نے بتایا کہ وہ بہت پہلے ان کو اس نقص سے مطلع کر چکے ہیں لیکن کبھی اس پر دھرنے کو کان میسر نہیں آئے۔تو پھر آپکے انکے سائٹ ایڈمن کو مطلع کیوں نہیں کرتے اس بگ کے بارہ میں ؟
شاکر صاحب اُردو الفاظ ہی ہیں سرِدست۔ معانی کے لیے آپ آئیں ہمارے ساتھ میرا خیال ہے کہ ہم مل جُل کر یہ کام کر سکتے ہیں۔ محترمہ بُشریٰ جاوید صاحبہ کے اُردو کے سب سے بڑے کارپس کی ویکیبلری بھی اپنے اُردو سٹیمر کے لیے میرے پاس ہے۔ چراغ سے چراغ جلتے ہیں
بس یہ خیال رہے کہ چراغ جلاتے جلاتے گھر کو آگ نہ لگا لیں تا پروجیکٹ دیگر پراجیکٹس کی طرح بس ٹائم پاس ہی رہ جائے اور راستے میں رُک جائے
جناب میں نے عرض کی تھی کہ آپ کو کس فارمیٹ میں یہ چیز درکار ہوگی۔ سائٹ اسکریپنگ کی کچھ کوشش تو کی تھی لیکن معلوم نہیں تھا کہ ڈیٹا کو کس فارمیٹ میں حاصل کروں۔ (سائٹ اسکریپنگ سے میرا مطلب ویب سائٹ پر الفاظ و معنی کا ٹیکسٹ ہے )۔ اگر کوئی فارمیٹ آپ بیان کرسکیں تو ہوسکتا ہے کہ حاصل کردہ ڈیٹا کو کچھ قابل استعمال شکل دے سکوں.
آپ دُعا کریں باقی اُمید پر دُنیا قائم ہے اور ڈاکٹر یونس بٹ کا اصرار ہے کہ ہم سب اُمید سے ہیںبس یہ خیال رہے کہ چراغ جلاتے جلاتے گھر کو آگ نہ لگا لیں تا پروجیکٹ دیگر پراجیکٹس کی طرح بس ٹائم پاس ہی رہ جائے اور راستے میں رُک جائے
شاکر صاحب! پلیز"صاف چھُپتے بھی نہیں سامنے آتے بھی نہیں" والا کام جانے دیں ہم کم فہموں کو جو آپ جانتے ہیں کم از کم وہ تودِل کھول کرصاف صاف بیان کردیں- باقی ہمیشہ یہی سُنا ہے بلکہ کافی حد تک ثابت بھی ہوا ہے کہ جہاں چاہ وہاں راہ
سعود بھائی آپ تازہ کوششوں میں ہماری ممکنہ مدد اور رہنمائی فرمائیں۔ میری معلومات کےمطابق ڈاکٹر سرمد حُسین صاحب نے اُردو آن لائن ڈکشنری کا کام کیا ہے اور وہ اپنے ریسورسز کو پبلک کرنے میں بہت زیادہ دلچسپی نہیں رکھتے اور یہیں سے ایک طالب علم کے لیے چیلنج شروع ہوتا ہےبہت پہلے ان کی سائٹ کو اسکریپ کیا تھا نیز الفاظ و معانی سمیت دیگر تمام اجزا بھی علیحدہ کیے تھے۔ البتہ ان کی سائٹ میں کئی برسوں سے آج تک ہر لفظ کے نتیجے والے صفحے میں تقریباً ساڑھے پانچ سو سے زائد اسپیم خارجی روابط مخفی صورت میں موجود ہوتے ہیں جو نا شائستہ اینکر ٹیکسٹ کے حامل ہوتے ہیں۔ یہ غالباً ان کے سرور کوڈ میں کسی مالوئیر کی مدد سے کیے گئے کوڈ انجیکشن کا نتیجہ ہے۔
یہیں سے ہمارے لیے بھی مسئلہ شروع ہوتا ہے۔ ہم ڈیٹا جمع کر سکتے ہیں، اس سے استفادہ بھی کر سکتے ہیں، جب تک یہ "فئیر یوز" کی ذیل میں آئے۔ براہ راست پیج اسکریپنگ کرنا جرم نہیں (الا یہ کہ مالکان نے سائٹ کی پالیسی میں اس کی ممانعت کی ہو)، لیکن اسکریپنگ سے حاصل شدہ ڈیٹا کو استعمال کیسے کیا جاتا ہے وہ غیر قانونی ہو سکتا ہے۔ مثلاً اگر ہم اس ڈیٹا کو اسکریپ کر کے سرچنگ، انڈیکسنگ، یا کسی قسم کی ایگریگیٹیڈ اسٹڈی کرنا چاہیں تو مسئلہ نہیں، ذخیرہ الفاظ تیار کرنا بھی مسئلہ نہیں، البتہ اگر اسے ایک لغت کی شکل میں شائع کر دیں جو کہ کم و بیش وہی کام کر رہا ہو جو ان کی سائٹ کر رہی ہے تو یہ دیانت داری نہ ہوگی، الا یہ کہ اس کی اجازت دی گئی ہو۔ رہی بات ڈاکٹر سرمد حسین صاحب اور ان کے ادارے کی، تو یقیناً انھوں نے اردو کے لیے کچھ بہت ہی عمدہ کام کیے ہیں۔ البتہ اس کام کے لیے اگر انھیں سرکاری بجٹ سے رقم ملی ہو تو عموماً اس کام کے نتائج اور ڈیٹا وغیرہ پبلک ڈومین میں ہونے چاہئیں، کہ وہ سارا کام ٹیکس ادا کرنے والوں کی جیب پر تکیہ رہا ہے۔ اس پروجیکٹ کے پروپوزل کو ملاحظہ فرمائیں، جس کی نقل ادارے کو جاری کرنی چاہیے یا طلب کرنے پر فراہم کرائی جانی چاہیے، پھر اس میں دیکھیں کہ ما حصل کے اجرا کی کیا شرائط رکھی گئی تھیں۔ بصورت دیگر اگر یہ کام ادارے کا اپنا ہے اور اس میں کوئی سرکاری مال صرف نہیں کیا گیا تو تمام تر اختیارات اور فیصلے ادارے کے اپنے ہوں گے۔سعود بھائی آپ تازہ کوششوں میں ہماری ممکنہ مدد اور رہنمائی فرمائیں۔ میری معلومات کےمطابق ڈاکٹر سرمد حُسین صاحب نے اُردو آن لائن ڈکشنری کا کام کیا ہے اور وہ اپنے ریسورسز کو پبلک کرنے میں بہت زیادہ دلچسپی نہیں رکھتے اور یہیں سے ایک طالب علم کے لیے چیلنج شروع ہوتا ہے
کیا اردو سائنس بورڈ سرکاری ادارہ ہے؟ کیا یہ لغت اسکین صفحات کی شکل میں کہیں دستیاب ہے یا ایسا کیا جا سکتا ہے؟ اگر اس کو اسکین کر کے استعمال کرنے میں کوئی قانونی مسئلہ نہ ہو تو اس لغت کی تمام جلدوں کو خریدا کا سکتا ہے اور پھر ان کی جلد اکھیڑ کر تمام صفحات علیحدہ کر کے کسی ڈاکیومنٹ اسکینر کی مدد سے عمدہ اسکین حاصل کیا جا سکتا ہے۔ بعد ازاں ان کی اسپارس یا فل انڈیکسنگ کر کے ہماری ڈکشنری ایکسپلورر کی مدد سے استعمال کیا جا سکتا ہے۔
اس کو ڈیجیٹائز کرنے کا غیر مکمل کام کس نے کیا تھا اور وہ ڈیجیٹائزائشن کس نوعیت کی تھی، اسکیننگ یا ٹائپنگ؟ نیز یہ کہ اس کا پرنٹ ایڈیشن کیا ہاتھ سی کی گئی کتابت پر مشتمل ہے یا ان پیج وغیرہ کا استعمال کیا گیا ہے؟وقتی طور پر ان کا اؤٹ آف اسٹاک ہونا مسئلہ نہیں کیونکہ ایک سے زائد کتب خانوں سے رابطہ کیا جا سکتا ہے یا چند ماہ انتظار کیا جا سکتا ہے۔ ویسے ان کی مجموعی قیمت کیا ہوگی؟ کیا متعلقہ ادارے سے رابطے کی کوئی صورت ہے تا کہ کاپی رائٹ وغیرہ کے مسائل پر گفتگو کی جا سکے۔
اس ربط پر بائیس جلدوں کی فہرت موجود ہے لیکن اس فہرست میں ایک تیئیسواں اندراج بھی موجود ہے "تکمیل لغت" کے نام سے۔ کیا اس سے مراد مکمل لغت ہے یا پھر یہ اختتامیہ پر مشتمل ہے؟ اور ہاں ذرا مکمل سیٹ کی قیمت بھی معلوم کروائیں۔