22 دسمبر

[عمر سیف]

22 دسمبر​

​

یاد ہے مجھ کو سال کا سب سے چھوٹا دن تھا​

دھوپ کی چادر پر کُہرے نے یخ بستہ گُلکاری کی تھی​

یاد ہے مجھ کو!​

اُس دن تم کو آنے میں تاخیر ہوئی تھی​

اِتنی سی تاخیر کے جس میں صدیوں جتنے لمبے پل تھے​

میں ہر پل میں جیتا مرتا سوچ رہا تھا​

تم آؤگی؟​

تم آئیں تھیں!​

یاد ہے مجھ کو تم آئیں تھیں​

سال کا سب سے چھوٹا دن تھا​

دھوپ کی چادر اُوڑھے تم نے مجھ سے ڈھیروں باتیں کیں تھیں​

بےمعنی سی ایسی باتیں!​

ایسے قصّے! جن کو یاد کیا توہنستے ہنستے آنکھیں بھیگ گئیں تھیں​

تم نے اپنی آنکھوں کے بہتے کاجل سے​

سورج کو پیغام دیا تھا​

سورج پل میں ڈوب گیا تھا​

یاد ہے مجھ کو سال کے سب سے چھوٹے دن کی ڈھلتی شام کے گہرے سائے​

جب تم نے میری جانب جی بھر دیکھا تھا​

جانے سے کچھ پہلے تم نے خاموشی سے​

میرے ہاتھ پہ کچھ پل اپنا ہاتھ رکھا تھا​

اور تمھارے لمس کی خوشبو آج بھی ویسے تازہ ہی ہے​

یاد ہے مجھ کو!​

سال کے سب سے چھوٹے دن نے​

مجھ کو تم سے چھین لیا تھا​

​

عاطف سعید​

​

 

[ناعمہ عزیز]

 

[عمر سیف]

اتنی بھی اداس نظم نہیں۔

 

[ناعمہ عزیز]

اتنی بھی اداس نظم نہیں۔

نہیں اداس تونہیں ہے لالہ بس اس کو پڑھ کے میں اداس ہو گئی ہوں ۔

 

[عمر سیف]

نہیں اداس تونہیں ہے لالہ بس اس کو پڑھ کے میں اداس ہو گئی ہوں ۔

او اچھا۔