مدد درکار ہے! کتب اور کتب خانوں پر اشعار

[مہدی نقوی حجاز]

یہ علم کا سودا ، یہ رسالے ، یہ کتابیں
اک شخص کی یادوں کو بھلانے کے لیے ہیں

جزاک اللہ اگر شاعر مل جاتا تو لطف دوبالا ہوجاتا

 

[مہدی نقوی حجاز]

لیتا ہوں مکتبِ غمِ دل میں سبق ہنوز​

لیکن یہی کہ 'رفت' گیا اور 'بود' تھا​

ما شااللہ حضرت غالب کا ہے

 

[مہدی نقوی حجاز]

کہاں کہ مکتب وملا ، کہا ں کے درس و نصاب
بس اک کتاب ِمحبت رہی ہے بستے میں

اچھا انتخاب ہے لیکن معاشرے کی اس صنف کی بدگوئی بسا اوقات مضر ہوتی ہے
شاعر ؟

 

[مہدی نقوی حجاز]

لفظوں کے سینے شق ہیں، معنی عرق عرق ہیں
مَیں نے کتاب، ہستی کھولی جہاں جہاں سے

شکریہ ۔ حوالہ ؟

 

[مہدی نقوی حجاز]

کھلی کتاب کے صفحے اُلٹتے رہتے ہیں
ہوا چلے نہ چلے، دن پلٹتے رہتے ہیں

واہ جی مکرر
شاعر؟

 

[مہدی نقوی حجاز]

بس ایک چہرہ کتابی نظر میں ہے ناصر
کسی کتاب سے میں استفادہ کیا کرتا

سبحان اللہ

 

[مہدی نقوی حجاز]

اس شہر میں کتنے چہرے تھے ،کچھ یاد نہیں سب بھول گئے
اک شخص کتابوں جیسا تھا ،وہ شخص زبانی یاد ہوا

واہ جی "وہ شخص زبانی یاد ہوا" کیا بات ہے
حوالہ مل جائے تو آپ کی پتھر نوازی ہو گی۔

 

[مہدی نقوی حجاز]

جب کتابوں سے میری بات نہیں ہوتی ہے
تب میری رات میری رات نہیں ہوتی ہے

واہ جی
تھا جس کا انتظار وہ شاہکار آگیا
حوالہ ؟

 

[مہدی نقوی حجاز]

کتابوں سے دلیلیں دوں ، یا خود کو سامنے رکھ دوں
وہ مجھ سے پوچھ بیٹھے ہیں ، محبّت کس کو کہتے ہیں ...!!!

سبحان اللہ
با عرض معذرت حوالے کی طلب سے کسی کی توہین مقصود نہیں ۔ فقط کسی جگہ نقل کرنا مقصود ہے۔

 

[صائمہ شاہ]

شکریہ ۔ حوالہ ؟

احمد ندیم قاسمی

 

[صائمہ شاہ]

ما شااللہ حضرت غالب کا ہے

جی غالب ہی کا ہے

 

[صائمہ شاہ]

واہ جی مکرر
شاعر؟

گلزار

اچھا انتخاب ہے لیکن معاشرے کی اس صنف کی بدگوئی بسا اوقات مضر ہوتی ہے
شاعر ؟

فراز

 

[صائمہ شاہ]

سبحان اللہ

۔۔۔۔۔۔۔۔۔۔۔۔۔۔۔۔۔۔۔۔
ناصر کاظمی

 

[صائمہ شاہ]

سبحان اللہ
با عرض معذرت حوالے کی طلب سے کسی کی توہین مقصود نہیں ۔ فقط کسی جگہ نقل کرنا مقصود ہے۔

۔۔۔۔۔۔۔۔۔۔۔۔۔۔۔۔۔۔
نا معلوم

 

[صائمہ شاہ]

واہ جی "وہ شخص زبانی یاد ہوا" کیا بات ہے
حوالہ مل جائے تو آپ کی پتھر نوازی ہو گی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔
نوشی گیلانی

 

[صائمہ شاہ]

واہ جی
تھا جس کا انتظار وہ شاہکار آگیا
حوالہ ؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب کتابوں سے میری بات نہیں ہوتی ہے
تب میری رات میری رات نہیں ہوتی ہے
تم ہو ناراض کہ ملنے نہیں آتا تم سے
میری تو خود سے ملاقات نہیں ہوتی ہے

اعتبار ساجد

 

[مہدی نقوی حجاز]

واہ جی صائمہ شاہ صاحبہ تمام زحمات کا یک مشت شکریہ ۔

 

[صائمہ شاہ]

واہ جی صائمہ شاہ صاحبہ تمام زحمات کا یک مشت شکریہ ۔

۔۔۔۔۔۔۔۔۔۔۔۔۔۔۔۔۔۔۔

 

[محمد بلال اعظم]

ایک تازہ شعر بحر متقارب مثمن سالم میں پیشِ خدمت ہے

کتابیں، کتابیں، کتابیں، کتابیں
پڑھائی، پڑھائی، پڑھائی، پڑھائی

 

[محمد بلال اعظم]

حُبِّ احمدؐ سے ہو مزین تو
’’دل سے بہتر کوئی کتاب نہیں‘‘
(فصیح ربانی صاحب)