کبھی ساحل تو کبھی سیل ِ خطر ٹھہرے گی : از سیدہ سارا غزل ہاشمی

[سیدہ سارا غزل]

کبھی ساحل تو کبھی سیل ِ خطر ٹھہرے گی
بحر ِ ہستی میں اگر موج ِ سفر ٹھہرے گی

ورطہء شب سے نکل آئی اگر کشتیء صبح
ساحل ِ نور پہ ٹھہرے گی اگر ٹھہرے گی

سینہء حسن میں پوشیدہ ہے جو آگ ابھی
تیشہء عشق سے گلرنگ سحر ٹھہرے گی

کشتیء جاں کو سلامت نہ اگر لے کے گئی
بیکلی دل کے سمندر کا بھنور ٹھہرے گی

ہم سر ِ شام چراغوں میں تجھے دیکھیں گے
اب کسی گل پہ نہ تارے پہ نظر ٹھہرے گی

دل کی فریاد کو لازم ہے خموشی ہی غزل
ورنہ اس دہر میں یہ کار ِ ہنر ٹھہرے گی

سیدہ سارا غزل ہاشمی

 

[زبیر مرزا]

واہ لاجواب ، بے حد عمدہ کلام

 

[مہ جبین]

بہت خوب سارہ

 

[ابن سعید]

بہت عرصہ بعد بٹیا رانی کا کلام پڑھنے کو ملا۔ بہت خوب!

 

[شمشاد]

بہت خوبصورت شعر ہے یہ۔

ہم سر ِ شام چراغوں میں تجھے دیکھیں گے
اب کسی گل پہ نہ تارے پہ نظر ٹھہرے گی

 

[سید ذیشان]

بہت خوب! داد قبول کیجئے۔

 

[الف نظامی]

بہت خوب!

 

[الف عین]

یہ غزل وہ ہے جہاں سب کی نظر ٹھہرے گی۔ بہت خوب سارا۔

 

[زلفی شاہ]

ورطہ شب سے اگر نکل آئی اگر کشتی صبح
ساحل نور پہ ٹھہرے گی اگر ٹھہرے گی
بہت ہی خوبصورت غزل کا لاجواب شعر۔ سیدہ بہنا ! بہت ساری داد قبول فرمائیے۔

 

[محمد خلیل الرحمٰن]

واہ وا۔ واہ وا۔ بہت عمدہ۔
بقول استادِ محترم
یہ غزل وہ ہے جہاں سب کی نظر ٹھہرے گی
بہت داد قبول ہو محترمہ غزل۔

 

[صبیح الدین شعیبی]

زبردست غزل۔۔۔

 

[سیدہ سارا غزل]

یہ غزل وہ ہے جہاں سب کی نظر ٹھہرے گی۔ بہت خوب سارا۔

سلام و آداب بابا جانی سر عبید صاحب۔ آپکی شفقت اورحوصلہ افزائی کے لئے بیحد شکرگزار ہوں، اللہ پاک آپکو صحت تندرستی اور آسودگیاں عطا فرمائیں، آمین

 

[سیدہ سارا غزل]

غزل پسند کرنے کے لئے سر خلیل الرحمن، سر صبیح الدین شعیبی، بھیا سید زلفی، سر شمشاد صاحب، بھیا الف نظامی کا بیحد شکریہ

 

[سیدہ سارا غزل]

غزل پر پسندیدگی کے کومنٹس پربھیا جانی سعود جی، بھیا زحال مرزا اور بہنا مہ جبین کی بھی شکرگزار ہوں