پھول، بہار اور گلستان پر اشعار

[رباب واسطی]

میں نے ہر پھول کی آنکھوں میں نمی دیکھی ہے
کیسے کہہ دوں کہ گلستاں میں بہار آئی ہے

 

[رباب واسطی]

بتاوٗں کیا کہ تیرے بغیر کیسی گذری
کھلے جو پھول تو ڈسنے لگی بہار مجھے

 

[رباب واسطی]

خزاں کی دھوپ سے شکوہ فضول ہے محسنؔ
میں یوں بھی پھول تھا، آخر مجھے بکھرنا تھا

 

[رباب واسطی]

ہر پھول کی قسمت میں کہاں نازِ عروساں
کچھ پھول تو کھلتے ہیں مزاروں کے لیئے ہی

 

[رباب واسطی]

توڑا تو احتیاط سے پھولوں کو تھا مگر
شاخوں کا احتجاج بڑا درد ناک تھا

 

[فہد اشرف]

آمد بہار کی ہے جو بلبل ہے نغمہ سنج
اڑتی سی اک خبر ہے زبانی طیور کی
غالب

 

[رباب واسطی]

ٹہنی سے ایک پھول کی پتی بھی جب گری
ان کے قدم کی چاپ کا دھوکا ہوا مجھے

 

[محمد عدنان اکبری نقیبی]

آج بھی شاید کوئی پھولوں کا تحفہ بھیج دے
تتلیاں منڈلا رہی ہیں کانچ کے گلدان پر

 

[رباب واسطی]

اُسی مقام پہ کل مجھ کو دیکھ کر تنہا
بہت اداس ہوئے پھول بیچنے والے

 

[محمد عدنان اکبری نقیبی]

غم عمر مختصر سے ابھی بے خبر ہیں کلیاں
نہ چمن میں پھینک دینا کسی پھول کو مسل کر

 

[محمد عدنان اکبری نقیبی]

کانٹوں سے دل لگاؤ جو تا عمر ساتھ دیں
پھولوں کا کیا جو سانس کی گرمی نہ سہ سکیں

 

[محمد عدنان اکبری نقیبی]

کچھ ایسے پھول بھی گزرے ہیں میری نظروں سے
جو کھل کے بھی نہ سمجھ پائے زندگی کیا ہے

 

[محمد عدنان اکبری نقیبی]

شبنم کے آنسو پھول پر یہ تو وہی قصہ ہوا
آنکھیں مری بھیگی ہوئی چہرہ ترا اترا ہوا

 

[رباب واسطی]

ہم رودیئے تو لگ گئی ساون کی اک جھڑی
تم ہنس پڑے تو پھولوں کی برسات ہو گئی

 

[محمد عدنان اکبری نقیبی]

سینہ تابوت نہ بن جائے کسی بلبل کا
خوشبوئیں باغ کی کافور نہ ہو جائیں کہیں

 

[رباب واسطی]

گلدان میں سجا تو لیئے شوق سے اداؔ
پھولوں سے بے طرح مجھے شرمندگی ہوئی

 

[محمد عدنان اکبری نقیبی]

کبھی رخُسار پہ چھا جاتی اگر قُوس قزح
صدقہ پھولوں کا میں تجھ پر سے اتارا کرتا

 

[رباب واسطی]

میں نے تمہاری یاد کے پھولوں کو اے ندیمؔ
گُلدانِ دل میں رکھا ہے سوغات کی طرح

 

[زیرک]

کوئی تو سمجھے محبت کی بے زبانی کو
کوئی تو ہاتھ پہ چپکے سے پھول دھر جائے

 

[زیرک]

دل کے ویرانے میں کس یاد کا جھونکا گزرا ؟
کس نے اس ریت میں یہ پھول سے مہکائے ہیں