پاک-امریکہ شراکت داری ذریعے ہونڑ آلے کماں دے نتیجے ویکھنڑاں چوہندے او؟

[لقمان پنجابی]

امدادی کماں وچ پاک-امریکہ اشتراک دے حقیقی نتیجے​

امریکہ تے پاکستان ہر روز توانائی،معاشی ترقی،سماجی بہتری، تعلیم تے صحت دے منصوبیاں تے رل کے کم کررہے نے۔ کی تسی ایدے پیڈے نتیجے ویکھنڑاں چوہندے او؟ اے نکا جیا خبرنامہ اوناں کماں تے چانڑ پوندا وے جناں دے ذریعے امریکہ تے پاکستان رل کے پاکستانی عوام لئی اک روشن کل بناونڑ لئی مارچ دے مہینے وچ اکٹھیاں کم کیتا:​

​

توانائی​

تربیلا بجلی گھر دی بحالی مکمل: امریکی سفیر رچرڈ اولسن نے مارچ دے شروع وچ تربیلا ڈیم تے بجلی گھر دے دورے ویلے واپڈا دے چیئرمین راغب شاہ دے نال رل کے یو ایس ایڈ دی مالی ٹیک نال مکمل ہونڑ آلے بجلی گھر دا معائنہ کیتا۔ اک کروڑ پینٹھہ لکھہ ڈالر نال یو ایس ایڈ نےتین جنریٹر یونٹاں نو جدید خطوط تے استوار کیتا جیدی وجہ نال 128 میگاواٹ بجلی دی پیداواری صلاحیت بحال ہوئی جیڑی کے تین لکھہ گھراں نو بجلی دینڑ لئی کافی ہووے گی۔​

معاشی ترقی تے کھیتی​

سوات وچ فشریز تے ہوٹلاں دی آمدنڑ وچ اٹھہ گنڑاں وادھا:یوایس ایڈ، خیبر پختونخوا حکومت تے خیبر پختونخوا دے محکمہ سیاحت دی ٹیک نال لڑائی تے سیلاب نال تباہ ہوئے 251 ہوٹلاں تے فشریز دی آمدنڑ2010 دے مقابلے وچ 454000 ڈالر تو ودھ کے 2012 وچ 42 لکھہ ڈالر ہوگئی وے، تے 2000 نوکریاں دے موقعے پیدا کیتے گئے۔ یو ایس ایڈ نے 54 لکھہ ڈالر دی گرانٹ دے ذریعے کاروباراں نو تکنیکی معاونت تے دوجی کئی طرح دی امداد دیتی۔​

کسٹم ویلے پیش اونڑ آلی دیری وچ کمی: افغانستان، پاکستان راہداری معاہدے2010 دی معاونت لئی یو ایس ایڈ نے طورخم، بلالئی، خیر آباد، چمن تے پورٹ قاسم دے علاوہ کسٹمز ہاؤس، تے ایسٹ ویسٹ وہارفز کراچی نو کمپیوٹراں، پاور سپلائی تے انٹر نیٹ دےے ذریعے گنڈیا وے ۔ اناں آلیاں دے لگنڑنال، چیزاں دی کلیئرنس وچ دیری وچ گھٹا ہووے گا ، غیر قانونی تجارت دی حوصلہ شکنی تے افغان راہداری معاہدے دے تحت ہونڑ آلی تجارت دے خرچے وچ کمی ہووے گی۔​

​

عوامی ترقی​

پشاور وچ آبادیاں دی صفائی ستھرائی:​

یو ایس ایڈ دے میونسپل سروس پروگرام دے تحت پشاور دے میونسپل ادارے نو دو ٹریکٹرجناں نال مکینیکل سویپرتے تین روڑی کمپیکٹردیتے گئے نے تا او شہر دی چوکھی آبادي آلے علاقے ٹاؤن ون وچ گندگی نوں مکا سکنڑ ۔ایس منصوبے دے تحت ۳۰ کلو میٹر دے علاقے وچ نالیاں نوں وی صاف کیتا گیا۔ ​

تعلیم​

جامعات (یونیورسٹیاں) دے کیمپس وچ جدید تعلیمی اداریاں دیاں عمارتاں: ​

یو ایس ایڈ نےپنجاب تے سندھ دے ممتاز جامعات وچ ماحول دوست تے باکفایت توانائی دے نظام نال آراستہ پنج عمارتاں دی بنڑوائی چالو کیتی وے جیناں وچ تعلیم دے نئے شعبے قائم کیتے جانڑ گے۔ اے نويں شعبے ڈیجیٹل لائبریراں، سائنسی تجربہ گاہواں تے اک ذرائع ابلاغ دے مرکز نال لدے ہوئے ہونڑ گے تے ہرعمارت وچ وائرلیس انٹرنیٹ دی سہولت وی دستیاب ہووے گی۔ اے شعبے بنڑ توں بعد ہزاراں نويں استاداں دی تربیت دی صلاحیت ودھے گی تے نويں ڈگری پروگراماں ، بھرتی دی نویں حکمت عملی تے جامعات وچ قابل استاداں دے ذریعے تعلیم دے معیار نوں چنگا کرنڑ دے امریکی تے پاکستانی مشترکہ خیال نوں طاقت ملے گی۔ سندھ وچ جامعہ کراچی، جامعہ سندھ تے شاہ عبداللطیف یونیورسٹی تے تعمیر دا کم شروع ہوچکیا وے ۔پنجاب وچ جامعہ پنجاب تے یونیورسٹی آف ایجوکیشن لاہور وچ وی کم چالو ہوگیا وے۔​

​

صحت عامہ​

گھٹ آمدنڑ آلی آبادیاں وچ تولیدی صحت دیاں خدمات:​

یو ایس ایڈ تے میری سکوپس سوسائٹی نے صحت نال متعلق 40 تربیت لینڑ آلیاں نوں تریبت دیتی جنہاں نے پنجاب تے سندھ وچ گھٹ آمدنڑ آلی آبادیاں وچ مرداں تے زنانیاں نوں صحت دے مسئلیاں وارے جان کاری دیتی تے زنانیاں نوں قریبی صحت دے مرکزاں نال رجوع کرنڑ دی ترغیب دیتی۔ یو ایس ایڈ ضرورت مند لوکاں دا خرچ خود برادشت کردا وے۔ ایس منصوبے دے تحت دورپار دے علاقے دیاں 274 زنانیاں جیڑیاں صحت دے مرکزاں تائیں دوری کرکے پہنچ نہی سکدیاں نوں اوناں دے گھر پہنچ کے صحت دیاں سہولتاں پہچایاں۔​

اناں کماں وارے ہور جان کاری لینڑی ہووے تے تسی تھلے دیتے ہوئے لنک توں لے سکدے او:​

http://transition.usaid.gov/pk​

لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ​

digitaloutreach@state.gov​

www.state.gov​

http://www.facebook.com/USDOTPunjabi

 

[عسکری]

نئیں ویکھڑاں چاؤندے تہاڈی مہربانی