پاکستان | نجی تعلیمی ادارے | تین کارٹون | ایک سوال

[محمداحمد]

اچھے مستقبل کے لئے اچھی تعلیم ضروری ہے۔

لیکن پرائیویٹ تعلیمی ادارے صرف دولت کمانے سے دلچسپی رکھتے ہیں۔

کیا جن کے پاس وسائل کی کمی ہے وہ تعلیم سے محروم ہی رہیں گے۔

کارٹون: طارق آفریدی - اے آر وائی

 

[فاروق احمد بھٹی]

"شہر نا پرساں"عنوان والا سب سے پسندیدہ ہے میرا اور یہی والا تازہ ترین بھی ہے۔

 

[محمداحمد]

"شہر نا پرساں"عنوان والا سب سے پسندیدہ ہے میرا اور یہی والا تازہ ترین بھی ہے۔

جی۔۔۔!

یہی المیہ ہے۔

 

[محمد خلیل الرحمٰن]

نجی شعبے میں تعلیم کو ایک صنعت کی شکل میں اپنایا گیا ہے۔ حکومت کی جانب سے کسی بھی قسم کی نگاہ نہ رکھنے کے سبب نجی تعلیمی اداروں میں بھی تعلیم کا معاملہ دگرگوں ہے۔ یہ نجی تعلیمی ادارے عوام میں ڈھیر سارے پیسوں کے عوض ڈگری تقسیم کرنے میں لگے ہیں اور انہیں اپنے طالب علموں کو پڑھانے اور ان کی تعلیمی قابلیت بڑھانے سے قطعاً کوئی دلچسپی نہیں ہے۔ اللہ پاکستان کے حال پر رحم فرمائے

 

[عبدالقیوم چوہدری]

اس مافیا سے ٹکر کون لے گا ؟

 

[محمد خلیل الرحمٰن]

فی الوقت یہ پاکستان کا سب سے زیادہ منفعت بخش کاروبار ہے

 

[فاروق احمد بھٹی]

جی۔۔۔!
یہی المیہ ہے۔

اجی یہ المیہ تو بہت معمولی سا لفظ رہ گیا ہے۔ پاکستان میں بلا مبالغہ 50 فیصد سے زیادہ لوگوں کی آمدن زیادہ سے زیادہ 25 سے 30 ہزار ہو گی یہ میرا اندازہ ہے۔ ویسے تفصیل ریفرنس کے ساتھ ڈھونڈنا بھی اتنا مشکل نہیں ہے۔
اور یہاں آپ کو 25 ہزار ہر ماہ میں فیس لینے والے سکول بھی مل جائیں گے۔

 

[فاروق احمد بھٹی]

اس مافیا سے ٹکر کون لے گا ؟

 

[محمداحمد]

نجی شعبے میں تعلیم کو ایک صنعت کی شکل میں اپنایا گیا ہے۔ حکومت کی جانب سے کسی بھی قسم کی نگاہ نہ رکھنے کے سبب نجی تعلیمی اداروں میں بھی تعلیم کا معاملہ دگرگوں ہے۔ یہ نجی تعلیمی ادارے عوام میں ڈھیر سارے پیسوں کے عوض ڈگری تقسیم کرنے میں لگے ہیں اور انہیں اپنے طالب علموں کو پڑھانے اور ان کی تعلیمی قابلیت بڑھانے سے قطعاً کوئی دلچسپی نہیں ہے۔ اللہ پاکستان کے حال پر رحم فرمائے

اس کے ذمہ دار بھی حکومتیں ہی ہیں کہ حکومتی تعلیمی اداروں کو نہ تو ڈھنگ سے ریگولیٹ کیا گیا اور نہ توسیعی منصوبوں پر کام ہوا۔ نتیجتاً تعلیم کے سیکٹر میں خلا پیدا ہوگیا جسے حرص کے ماروں نے پیسے کمانے کا موقع سمجھا اور لگے تعلیم کو فروخت کرنے۔

پیسہ ہے تو پڑھیے لکھیے اورمعاش کی لڑائی میں آگے آ جائیے۔ رہے غریب تو جیسے وہ غریب اور لاچار تھے ویسے ہی اُن کی اولاد بھی غریب و لاچار ہی رہے گی۔

 

[ادب دوست]

کیا جن کے پاس وسائل کی کمی ہے وہ تعلیم سے محروم ہی رہیں گے۔

یہ ایک اہم سوال ہے - اور بہت سنجیدہ بھی ۔
ع۔ علم کیا علم کی حقیقت کیا ۔۔۔۔۔۔۔۔۔

 

[ادب دوست]

میں ایک جملہ کہہ تو دوں مگر لوگ برا مان جائیں گے۔

 

[فاروق احمد بھٹی]

میں ایک جملہ کہہ تو دوں مگر لوگ برا مان جائیں گے۔

آپ دو جملے کہیں جناب ہم برا نہیں منائیں گے۔

 

[ادب دوست]

اللہ سے کرے دور تو تعلیم بھی فتنہ۔۔۔ علامہ اقبال کی اس بات سے تو شائد ہی کوئی اختلاف کرے
مگر یاس کہتے ہیں
علم کیا علم کی حقیقت کیا
جیسی جس کے گمان میں آئی۔۔

 

[ادب دوست]

کیا علم وہی ہے جیسے سرمایہ دار علم قرار دے ؟
یا اس پر بحث کی جا سکتی ہے کہ علم کیا ہے اور ہمارے تدریسی نظام میں ہماری نسلوں کو کیا دیا جا رہا ہے ؟

 

[ادب دوست]

یا یہ کہ دنیا بھر میں عالمگیریت کے زریعے کوئی مخصوص طرزِ فکر پروان چڑھانے کی کوشش تو نہیں کی جا رہی ؟

 

[فاروق احمد بھٹی]

اللہ سے کرے دور تو تعلیم بھی فتنہ۔۔۔ علامہ اقبال کی اس بات سے تو شائد ہی کوئی اختلاف کرے

اختلاف کرنے والوں کی بھیڑ لگی ہے یہاں پہ جناب
البتہ یہاں پر موضوع مہنگی تعلیم چل رہا ہے

 

[ادب دوست]

اختلاف کرنے والوں کی بھیڑ لگی ہے یہاں پہ جناب
البتہ یہاں پر موضوع مہنگی تعلیم چل رہا ہے

شکریہ فاروق بھائی آپ نے توجہ دلا دی

 

[فاروق احمد بھٹی]

کیا علم وہی ہے جیسے سرمایہ دار علم قرار دے ؟
یا اس پر بحث کی جا سکتی ہے کہ علم کیا ہے اور ہمارے تدریسی نظام میں ہماری نسلوں کو کیا دیا جا رہا ہے ؟

رقیبوں نے رپٹ لکھوائی ہے جا جا کے تھانے میں
کہ اکبر نام لیتا ہے خدا کا اس زمانے میں

یا یہ کہ دنیا بھر میں عالمگیریت کے زریعے کوئی مخصوص طرزِ فکر پروان چڑھانے کی کوشش تو نہیں کی جا رہی ؟

تہذیب کے مریض کو گولی سے فائدہ!

دفع مرض کے واسطے پل پیش کیجیے

تھے وہ بھی دن کہ خدمت استاد کے عوض

دل چاہتا تھا ہدیۂ دل پیش کیجیے

بدلا زمانہ ایسا کہ لڑکا پس از سبق

کہتا ہے ماسٹر سے کہ ''بل پیش کیجیے

 

[محمداحمد]

یہ ایک اہم سوال ہے - اور بہت سنجیدہ بھی ۔
ع۔ علم کیا علم کی حقیقت کیا ۔۔۔۔۔۔۔۔۔

میں ایک جملہ کہہ تو دوں مگر لوگ برا مان جائیں گے۔

اللہ سے کرے دور تو تعلیم بھی فتنہ۔۔۔ علامہ اقبال کی اس بات سے تو شائد ہی کوئی اختلاف کرے
مگر یاس کہتے ہیں
علم کیا علم کی حقیقت کیا
جیسی جس کے گمان میں آئی۔۔

کیا علم وہی ہے جیسے سرمایہ دار علم قرار دے ؟
یا اس پر بحث کی جا سکتی ہے کہ علم کیا ہے اور ہمارے تدریسی نظام میں ہماری نسلوں کو کیا دیا جا رہا ہے ؟

یا یہ کہ دنیا بھر میں عالمگیریت کے زریعے کوئی مخصوص طرزِ فکر پروان چڑھانے کی کوشش تو نہیں کی جا رہی ؟

یا یہ کہ دنیا بھر میں عالمگیریت کے زریعے کوئی مخصوص طرزِ فکر پروان چڑھانے کی کوشش تو نہیں کی جا رہی ؟

یہاں تو تعلیم کی کمی کے باعث معاشی میدان میں پیچھے رہ جانے والے غریبوں کا ذکر تھا۔

آپ نے تو فلسفیانہ بحث کا آغاز کردیا۔ آپ کا موضوع یقیناً گفتگو کا متقاضی ہے تاہم اس کا اس لڑی سے کوئی واسطہ نہیں ہے۔

 

[ادب دوست]

یہاں تو تعلیم کی کمی کے باعث معاشی میدان میں پیچھے رہ جانے والے غریبوں کا ذکر تھا۔

آپ نے تو فلسفیانہ بحث کا آغاز کردیا۔ آپ کا موضوع یقیناً گفتگو کا متقاضی ہے تاہم اس کا اس لڑی سے کوئی واسطہ نہیں ہے۔

جی مجھے اندازہ ہے ، میں خیال میں بھٹک گیا تھا فاروق احمد بھائی نے توجہ دلائی تھی۔ معذرت خواہ ہوں ۔ امید ہے آپ میری معافی کے بعد میری غلطی پر برہم نہیں ہونگے