ًمحمد ولی : مدح رسول ﷺ(غیر منقوط)

[سید زبیر]

مدح رسول ﷺ(غیر منقوط)​

​

مدح رسول ﷺ​

(در اردو معرا)​

محمد ولی​

ہر دم درود سرورؐ عالم کہا کروں​

ہر لمحہ محو روئے مکرم ؐرہا کروں​

اسم رسولؐ ہوگا ، مداوائے درد دل​

صل علیٰؐ سے دل کے دکھوں کی دوا کروں​

ہر سطر اس کی اسوہ ہادیؐ کی ہو گواہ​

اس طرح حال احمدؐ مرسل کہا کروں​

معمور اس کو کر کے معرا سطور سے​

ہر کلمہ اس کا دل کے لہو سے لکھا کروں​

گو مرحلہ گراں ہے ، مگر ہو رہے گا طے​

اسم رسولؐ سے ہی در دل کو وا کروں​

ہر دم رواں ہو دل سے درودوں کا سلسلہ​

طے اس طرح سے راہ کا ہر مر حلا کروں​

دے دوں اگر رسول مکرم ؐ کا واسطہ!​

دل کی ہر اک مراد ملے ، گر دعا کروں​

اس کے علاوہ سارے سہاروں سے ٹوٹ کر​

اللہ کے کرم کے سہارے رہا کروں​

ہو کر رہے گا سہل ، ہر اک مرحلہ کڑا​

اللہ کے کرم کا اگر آسرا کروں​

اردو کو اک رسالۂ الہام دوں ولی​

لوگوں کو دور ہادی عالم عطا کروں​

مدح رسول ﷺ مولانا ولی رازی کی سیرۃ النبی کی غیر منقوط کتاب " ہادی عالم" سے ماخوذ ہےl​

 

[فرحت کیانی]

سبحان اللہ۔ بہترین کلام۔
جزاک اللہ خیر زبیر انکل!

 

[حسان خان]

بہت خوب!

 

[کاشف اکرم وارثی]

سبحان اللہ۔ بہترین کلام۔
اللہ سبحان و تعالی آپ کی دراجات بلند فرماے آمین

 

[الف نظامی]

جزاک اللہ !

 

[سیدہ شگفتہ]

سبحان اللہ
بہت عمدہ

 

[سیدہ شگفتہ]

بہت ہی عمدہ!