نعتیہ دوہے ( از خاور چودھری)

[خاورچودھری]

من موہن دل دار وہ ، مورے سر کا تاج
کالی کملی شاہ کی ، جس کا ہر سو راج

پورب پچھم رحمتیں ، یگ یگ چمکے نام
اے مدنی*سرکار جی ، تم پر لاکھ سلام

توری بانی شہد ہے ، توری ورتا بھور
رِمتا آوے باٹ پر ، پاوے سب جگ ٹھور

دھوپ کڑی تھی آد سے ، جلتا تھا سنسار
توری میٹھی چھاوں سے چار دشا اُپکار

شیتل کومل شبد ہے ، جھرنوں جیسی بات
ہردے اپنا سالنا ، دینا سب کا سات

خاور بالم جاپتا ، دیکھو صبح و شام
نامِ محمد ورد ہے ، اور نہ کوئے کام​

*مدنی جانتے ہوئے باندھا ہے

 

[فرخ منظور]

واہ! کیا خوبصورت نعتیہ دوہے ہیں۔ بہت شکریہ خاور صاحب!

 

[الف نظامی]

جزاک اللہ۔

 

[خاورچودھری]

قابل قدر الف عین, الف نظامی, سخنور, محمد وارث صاحبان
میں آپ کا شکر گزار ہوں

 

[ایس فصیح ربانی]

ماشاءاللہ! بہت ہی خوبصورت دوہے ہیں۔ داد قبول کیجیے

 

[خاورچودھری]

شاہین بھائی شکر گزار ہوں‘ کرم‘ محبت آپ کی