فیض نظم - کتُے از فیض احمد فیض (کتاب::نقشِ فریادی)

[Haya khan]

یہ گلیوں کے آوارہ بےکار کتے
کہ بخشا گیا جن کو ذوقِ گدائی
زمانے کی پھٹکار سرمایہ اُن کا
جہاں بھر کی دھتکار ان کی کمائی

نہ آرام شب کو ، نہ راحت سویرے
غلاظت میں گھر ، نالیوں میں بسیرے
جو بگڑیں تو ایک دوسرے سے لڑا دو
ذرا ایک روٹی کا ٹکڑا دکھا دو

ہر ایک کی ٹھوکر کھانے والے
یہ فاقوں سے اکتا کر مر جانے والے

یہ مظلوم مخلوق گر سر اٹھائے
تو انسان سب سرکشی بھول جائے
یہ چاہیں تو دنیا کو اپنا بنا لیں
یہ آقاؤں کی ہڈیاں تک چبا لیں

کوئی ان کو احساسِ ذلت دلا دے
کوئی ان کی سوئی ہوئی دُم ہلا دے

فیض احمد فیض
(مجموعہ کلام ) لفظ لفظ

کسی کو اگر اس پوری نظم کی تشریح سمجھ میں ارہی ہیں پلیز میری ساتھ شیر کریں امتحان میں لکھنے کیلے یاد کرنی ہے،

 

[سید ذیشان]

کسی کو اگر اس پوری نظم کی تشریح سمجھ میں ارہی ہیں پلیز میری ساتھ شیر کریں امتحان میں لکھنے کیلے یاد کرنی ہے،

کتا یہاں غریب عوام کیلئے استعارے (metaphor) کے طور پر استعمال کیا گیا ہے۔ باقی اس نظم کو سمجھنے میں اور کوئی مشکل بات نہیں ہونی چاہیے۔

 

[Haya khan]

کسی کو اگر اس پوری نظم کی تشریح سمجھ میں ارہی ہیں پلیز میری ساتھ شیر کریں بہت مہربانی ہوگی امتحان کیلے یاد کرنی ہے،