میرے پسندیدہ اشعار

[مظہر ذوالفقار]

آج ہمارے گھر آیا تو کیا ہے یاں جو نثار کریں
اِلّا کھینچ بغل میں تجھ کو دیر تلک ہم پیار کریں

شیوا اپنا بے پروائی نو میدی سے ٹھہرا ہے
کچھ بھی وہ مغرور دبے تو منّت ہم سو بار کریں

میر تقی میر

 

[مظہر ذوالفقار]

نے چاہ وہ اسے ہے نہ مجھ کو ہے وہ دماغ
جانا مرا ادھر کو بشرطِ طلب ہے اب

میر

 

[مظہر ذوالفقار]

دل کو یوں لیتے ہو کھٹکا نہیں ہونے پاتا
تربیت پائی ہے تم نے کسو عیار کے پاس

میر

 

[گُلِ یاسمیں]

کر کر کے منتیں تری عادت بگاڑ دی
دانستہ ہم نے تجھے ستم گر بنا دیا

 

[مظہر ذوالفقار]

ایک کے بھی وہ برے حال میں آیا نہ کبھو
لوگ اچھے تھے بہت یار کے بیماروں میں

میر

 

[سیما علی]

بات جب ترکِ تعلق پہ ہی ٹھہری تھی تو پھر
دل میں احساسِ غمِ یار بھی کیا رکھنا تھا
محسن نقوی

 

[سیما علی]

وصل ہو یا فراق ہو اکبر
جاگنا رات بھر مُصیبت ہے۔
اکبر آلہ آبادی

 

[مظہر ذوالفقار]

خونِ رحمت نہ ہو سکا ہم سے
یعنی ترکِ گناہ کر نہ سکے

خمار بارہ بنکوی

 

[مظہر ذوالفقار]

ملے ہیں احتیاطاً ان سے ہم بیگانہ وار اکثر
ادا کرنا پڑا ہے یہ بھی فرضِ ناگوار اکثر

زمانہ ہو گیا ترکِ محبت کو مگر اب تک
محبت کام اپنا کر ہی جاتی ہے خمارٓ اکثر

خمار بارہ بنکوی

 

[مظہر ذوالفقار]

قیامت خیز ہے ان کی جدائی کا سماں اب تک
نگاہیں ہیں مری من جملۂ آہ و فغاں اب تک

خمار بارہ بنکوی

 

[مظہر ذوالفقار]

بہ ایں تسلّطِ غم ہنس رہا ہوں اس ڈر سے
زمانہ یہ نہ سمجھ لے مرا خدا ہی نہیں

خمار بارہ بنکوی

 

[مظہر ذوالفقار]

زندگی ساقی بہت محفوظ میخانے میں ہے
کچھ تری آنکھوں میں ہے کچھ میرے پیمانے میں ہے

خمار بارہ بنکوی

 

[مظہر ذوالفقار]

تم کہاں رہتے ہو اے ہم سے بچھڑنے والو
ہم تمھیں ڈھونڈنے جائیں تو ملو گے کہ نہیں

صطفیٰ زیدی

 

[مظہر ذوالفقار]

آندھیاں تو یہ سنا ہے کہ ادھر بھی آئیں
کونپلیں کیسی ہیں، شیشیوں کے مکاں کیسے ہیں

مصطفیٰ زیدی

 

[مظہر ذوالفقار]

ساری محفل لطفِ بیاں پر جھوم رہی ہے
دل میں ہے جو شہرِ خموشاں کس سے کہیے

ساعتِ گل کے دیکھنے والے آئے ہوئے ہیں
شبنم! تیرا گریۂ پنہاں کس سے کہیے

شام سے ویرانوں میں دل کے زخم کِھلے ہیں
اپنا یہ اندازِ چراغاں کس سے کہیے

اوجِ فضا پر تیز ہوا کا دم گُھٹتا ہے
دستِ وسعت تنگیٔ زنداں کس سے کہیے

مصطفیٰ زیدی

 

[شمشاد]

یہی ملنے کا سمے بھی ہے بچھڑنے کا بھی
مجھ کو لگتا ہے بہت اپنے سے ڈر شام کے بعد
کرشن بہاری نور

 

[مظہر ذوالفقار]

‏یاں اپنے جسم زار پہ تلوار سی لگی
ان نے جو بے دماغی سے ابرو کو خم کیا

میر تقی میر

 

[مظہر ذوالفقار]

ضعف سے اٹھتے نہیں دستِ دعا
اب ہماری شرم اُس کے ہاتھ ہے

داغ دہلوی

 

[مظہر ذوالفقار]

تھی زلیخا ایک اتنی تو بھی ہمت کر دِلا
مثلِ یوسف اس کو گھر سے جانبِ بازار کھینچ

امام بخش ناسخ

 

[سیما علی]

کسے بتائوں مرے دل پہ کیا گزرتی ہے
جہاں میں پُرسشِ احوال کا ہے کیوں دستور