1. اردو محفل سالگرہ دواز دہم

    اردو محفل کی یوم تاسیس کی بارہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

مِرے پاس کوئی دیا بھی نہیں ( فعولن فعولن فعولن فعل)

نوید ناظم نے 'اِصلاحِ سخن' کی ذیل میں اس موضوع کا آغاز کیا، ‏جولائی 17, 2017 8:14 شام

  1. نوید ناظم

    نوید ناظم محفلین

    مراسلے:
    768
    مِرے پاس کوئی دیا بھی نہیں
    مگر رات سے کچھ گلہ بھی نہیں

    مجھے چھوڑ کر وہ گیا خوش نہ ہو
    مِرا جو نہ تھا وہ تِرا بھی نہیں

    وہ مجھ کو کہاں ڈھونڈتا ہو گا اب
    اُسے دشت کا کچھ پتہ بھی نہیں

    چراغوں کو آخر یہ کیا ہو گیا
    یہ کیوں بجھ گئے ہیں، ہوا بھی نہیں

    نجانے مجھے چھوڑ کر کیوں گیا
    وہ اب تک کسی کا ہُوا بھی نہیں

    عجب دل ہے یہ اُس سے وابستہ ہے
    جو مدت سے اس کو مِلا بھی نہیں

    بتا قاصدا اُس نے پیغام کو
    سنا تو ہو گا یا سنا بھی نہیں؟

    یہ مانا کہ اچھا نہیں ہے نوید
    حضور اب یہ اتنا بُرا بھی نہیں
     
    • پسندیدہ پسندیدہ × 2
    • زبردست زبردست × 1
  2. نوید ناظم

    نوید ناظم محفلین

    مراسلے:
    768
    محترم سر الف عین
    دیگر اساتذہء کرام
     
  3. محمد خلیل الرحمٰن

    محمد خلیل الرحمٰن مدیر

    مراسلے:
    5,092
    جھنڈا:
    Pakistan
    موڈ:
    Happy
    ہماری صلاح

    دوسرے مصرع کو

    سُنا ہوگا ناں؟ یا سُنا بھی نہیں

    سُنا ہوگا؟ یا پھر سُنا بھی نہیں

    کرسکتے ہیں۔
     
    • پسندیدہ پسندیدہ × 1
    • دوستانہ دوستانہ × 1
  4. نوید ناظم

    نوید ناظم محفلین

    مراسلے:
    768
    بہت شکریہ، آپ نے رہنمائی فرما دی،
    سر الف عین نے یہ بات بتا تو رکھی ہے کہ 'ہُگا' کا تقطیع ہونا اچھا نہیں ہے۔۔۔ پتہ نہیں، پتہ ہی نہیں چلتا کبھی۔۔۔۔ آپ کا دوسرا تجویز کردہ مصرع لے لیا۔:)
     
    • دوستانہ دوستانہ × 2

اس صفحے کی تشہیر