منزل برائے اصلاح

[ارشد چوہدری]

بحر ۔۔ رمل مثمن مشکول مسکّن ( مفعول فاعلاتن مفعول فاعلاتن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو چاہتے ہو منزل چلنا ہے کام تیرا
ایسے نہیں چلے گا دنیا میں کام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رب نے بتا دیا ہے دنیا میں کام تجھ کو
محشر میں منحصر ہے جس پر مقام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا تو عارضی ہے رہنا نہیں ہمیشہ
دنیا میں مختصر ہے بندے قیام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رستہ بتا دیا ہے تجھ کو خدا نے تیرے
ہونا تو چاہئے قرآں ہی امام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خود سے نہیں کہا میرے نبی نے کچھ بھی
ہم کو وہ دے گئے ہیں یا رب پیام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبوب ہے خدا کا میرا نبی پیارا
جس کی زبان پر تھا یا رب کلام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد کو تُو عطا کر جو راستہ ہے سیدھا
وہ چاہتا ہے بننا یا رب غلام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

مطلع میں شتر گربہ ہے
دو اشعار میں لفظ ٹوٹ رہا ہے. قر..... آں. اور مے..... رے
باقی اشعار بھی الفاظ بدلنے سے بہتر ہو سکتے ہیں جیسے
وہ چاہتا ہے بننا یا رب غلام تیرا
کو
بننا وہ چاہتا ہے یا رب غلام تیرا
یہ تبدیلیاں کر لیں تو پھر پوری غزل لیتا ہوں

 

[ارشد چوہدری]

تبدیلیوں کے بعد دوبارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو چاہتے ہو منزل چلنا ہے کام تیرا
منزل کو پا کے ہو گا مقصد تمام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رب نے بتا دیا دنیا میں کام تجھ کو
محشر میں منحصر ہے جس پر مقام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا تو عارضی ہے رہنا نہیں ہمیشہ
دنیا میں مختصر ہے بندے قیام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رستہ بتا دیا تجھ کو خدا نے تیرے
سمجھو کلامِ رب کو ہے وہ امام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خود سے نہیں کہا تھا میرے نبی نے کچھ بھی
ہم کو وہ دے گئے ہیں یا رب پیام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔
محبوب ہے بنایا تُو نے نبی کو میرے
یا رب زباں پہ جس کی تھا ہی کلام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد کو وہ عطا کر جو راستہ ہے سیدھا
بننا وہ چاہتا ہے یا رب غلام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

جو چاہتے ہو منزل چلنا ہے کام تیرا
منزل کو پا کے ہو گا مقصد تمام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اس میں کوئی تبدیلی نہیں! شتر گربہ ویسا ہی ہے 'چاہتے ہو' اور 'تیرا'
گر چاہتا ہے منزل.....

رب نے بتا دیا دنیا میں کام تجھ کو
محشر میں منحصر ہے جس پر مقام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلے مصرع میں 'ہے' شاید چھوٹ گیا ہے درست ہے 'ہے' کے ساتھ

دنیا تو عارضی ہے رہنا نہیں ہمیشہ
دنیا میں مختصر ہے بندے قیام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلے مصرع میں دنیا کا لفظ بدل دو، دونوں مصرعوں میں اچھا نہیں

رستہ بتا دیا تجھ کو خدا نے تیرے
سمجھو کلامِ رب کو ہے وہ امام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سمجھو اور تیرا؟ شتر گربہ ہے الفاظ بدل دو جیسے
گویا کلام رب ہے بہتر امام تیرا

خود سے نہیں کہا تھا میرے نبی نے کچھ بھی
ہم کو وہ دے گئے ہیں یا رب پیام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔ درست۔ پہلے مصرع کے دوسرے نصف کو شروع میں لا کر دیکھیں کہ کیا بہتر ہے؟

محبوب ہے بنایا تُو نے نبی کو میرے
یا رب زباں پہ جس کی تھا ہی کلام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ روانی چاہتا ہے جیسے
محبوب اس نبی کو تو نے بنا لیا ہے
جس کی زبان پر تھا یا رب کلام تیرا

ارشد کو وہ عطا کر جو راستہ ہے سیدھا
بننا وہ چاہتا ہے یا رب غلام تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ راستہ عطا نہیں کیا جاتا
ارشد کو وہ دکھا دے... بلکہ اس کو بھی دوسرا نصف بنا دو

 

[ارشد چوہدری]

شکریہ محترم تبدیلیاں نوٹ کر لی ہیں