پولیو کے ہونے اور اس کے بچاؤ کے مکمل مکینزم، اس سے گزشتہ صدیوں میں ہونے والی اموات، اور اس کو ختم نہ کرنے سے پیدا ہونے والے خطرات، ان سب کے متعلق یہیں پر ایک مفصل قسط وار مضمون موجود ہے۔
میرے مراسلے میں یہ نکتہ کب سے وارد ہوا کہ اس بہانے دوسرے امراض کا علاج نہ کیا جائے؟
پولیو سے اموات کا آپ کے فراہم کردہ لڑی میں کوئی ذکر نہیں۔ یہ ضرور ہے کہ لوگوں کو خوف زدہ کیا گیا ہے کہ نہ پلانے سے اتنے اموات ہوسکتے ہیں جتنے ہسپتالوں، نشہ خانوں، اور انسانی مذبح خانوں میں بھی نہیں ہوسکتے۔ لہذا سارا زور بھی پولیو پر ہی دینا چاہیے۔
اس کا مطلب جانتی ہیں؟ اس کا مطلب یہ ہے کہ اگر یہ دو ممالک اس وائرس پر قابو پانے میں ناکام ہوتے ہیں تو اگر آپ ان ممالک سے بیرون ملک سفر کریں گے تو ممکنہ طور پر آپ کو کئی پابندیوں کا سامنا کرنا پڑ سکتا ہے؛ جیسا کہ؛
حضرت، جب وبائی امراض کے لیے فنڈنگ کی جاتی ہے تو اس میں انسانی ہمدردی سے زیادہ اس بات کا خیال فنڈنگ کرنے والے ممالک کے پیش نظر ہوتا ہے کہ کہیں متاثرہ ممالک سے یہ بیماری ان تک نہ پہنچ جائے۔ اب اگر آپ صرف اس وجہ سے ایک مہلک مرض کو گلے لگانے کو تیار ہیں کہ اس سے بچاؤ کے لیے بیرون ملک سے فنڈنگ ہو رہی ہے، تو ایسی ذہانت پر ماتم ہی کیا جا سکتا ہے۔ جب معاملہ زندگی موت کا ہو تو اس بات پر بحث نہیں کی جا سکتی کہ زندگیاں بچانے کے لیے وسائل کہاں سے آ رہے ہیں۔ جو مسئلہ کسی اور کے وسائل سے حل ہو جائے، اسے کرنا چاہیے تاکہ اپنے وسائل ہم دیگر مسائل کے حل پر خرچ کر سکیں۔
اگرچہ میں کسی حد تک اس بات کو سمجھ چکا ہوں کہ آپ کو مسلمانوں سے زیادہ کفار کے ساتھ اتنی ہمدردی کیوں ہے۔ لیکن پھر بھی ذرا اس بات کی وضاحت کردیں کہ جو ممالک میرے بچوں کا قتلِ عام کرکے خوشی محسوس کرتے ہو، جو میرے بچوں کو بہانے بہانے اپاہج، مفلوج اور معذور کررہے ہو، میں کیوں ایسے خون خوار اور شاطرممالک کی خاطر ایک مبہم مہم کا حصہ بن کر ان کی خدمت گزاری کروں؟
اتنی رات گئے یہ مذاق کیسے سوجھ گیا؟
میں اس مبارک دن کا منتظر رہوں گا جب آپ خود سے اختلاف کرنے والوں پر اس طرح کی بہتان تراشی کی روش چھوڑ دیں گے۔
کیونکہ آپ کا سوال ہی ایک غلط دعوے سے شروع ہوتا ہے۔ یہ مہم مبہم نہیں ہے۔ پولیو کے وائرس اور اس کے توڑ کا مکینزم مبہم نہیں ہے۔ ویکسین کو بنانے کا طریقہ مبہم نہیں ہے۔ ویکسین میں کیا ہوتا ہے وہ مبہم نہیں ہے۔ آپ کی اس غلط فہمی کا جواب پہلے ہی پولیو ویکسین والی لڑی میں دیا جا چکا ہے۔ اگر اس کے باوجود آپ ایک گھسا پٹا دعویٰ دہراتے رہیں گے تو محض argument by repetition سے کوئی جھوٹ سچ نہیں ہو جاتا۔ نیز آپ کا یہ خیال بھی غلط ہے کہ کسی کے وسائل کو اپنے فائدے کے لیے استعمال کر لینا اس کی خدمت گزاری ہے۔ اگر آپ اتنے شدید پیرانویا کا شکار رہیں گے تو آپ کے اعتراضات کو سنجیدہ لینا مشکل ہو جائے گا۔
یہ کافی نہیں۔ بیماری کی مکمل تشخیص کے ساتھ ساتھ ایک عدد نسخہ بھی عنایت کریں، ڈاکٹر صاحب!
