جی ہاں انیس ، میں بھی اسی طرف اشارہ کرنے والا تھا کہ میڈیا اب خبر فراہم کرنے والے ذریعے سے ہٹ کر بھی بہت کچھ ہو گیا ہے۔ ترقی یافتہ قومیں اسے ایک مؤثر جنگی ہتھیار کے طور پر استعمال کر رہی ہیں۔ ہمیں بھی اپنے میڈیا کو درست ڈگر پر رکھنے میں اپنے قومی مفادات اور معاملاتی شعور کا بھرپور ادراک کرنا ہو گا ۔جب بھی مغربی میڈیا کسی معاملے پر ملال کرتا ہے۔ تب ہمارا میڈیا اس پر ڈبل ملال کرتا ہے اور ہماری قوم ٹرپل ملال کرتی ہے۔۔
ملالہ کا ملال اور قوم کی دھمال
- صاحب لڑی عاطف بٹ
- تاریخ ابتداء
- کیفیت
انتہا
محفلین
تو آج آپ آ جائیے محمد بن قاسم بن کر، یہ تو ہم سب کی ذمہ داری ہے، ہم سب کی بیٹی ہے یہ۔
نہیں تو کم از کم حجاج کی مثال بن کر اپنے کسی بیٹے کو ہی محمد بن قاسم بنا کر بھیج دیجیے۔
کیوں کہ نہ آپ بزدل ہیں نہ ہی غلام، ہمیں خدارا اس غلامی سے نکالیے، ہم آپ کو اپنا امام بناتے ہیں۔
قلم چھوڑ کر میدان کے سپاہی تو بنیے۔
محمود احمد غزنوی
محفلین
change لانے کیلئے کسی محمد بن قاسم یا ھجاج کا انتظار کرنے کی بجائے یہ زیادہ بہتر ہوگا کہ پہلے ہم اپنی سوچ کا قبلہ درست کریں، خدا نے آج تک اس قوم کی حالت نہیں بدلی ۔۔۔نہ ہو جسکو خیال آپ اپنی حالت کے بدلنے کا۔۔جب آپ کی سوچ ٹھیک ہوجائے گی تو سب کچھ ٹھیک ہوجائے گا۔
انتہا
محفلین
جب ہر ایک خود کو صحیح رخ اور صحیح سوچ پر سمجھے تو اس کا قبلہ کیسے درست ہو سکتا ہے؟
ہر ایک کے معیار جدا ہيں اور وہ ان سے ہٹنے کو تیار نہیں، پھر کیسے کوئی اپنا قبلہ درست کرے۔
میری چاہت ہے کہ ہر ایک مجھے صحیح سمجھے، میرے دلائل سے متفق ہو، میری سوچ کو تسلیم کرے۔
ہمیں بس کچھ نیا چاہیے مزے لینے کے لیے، سو لیتے رہیں۔
وہ کیا کہتے ہیں، لگے رہو منا بھائی، ہیں؟ شاید یہی۔
محمود احمد غزنوی
محفلین
اللہ نے ہمیں سوچ کی درستگی کیلئے ایک ریفرنس اور قطب نما دیا ہے اور وہ ہے قرآن۔۔۔اسکی راہنمائی میں ہم دیکھ سکتے ہیں کہ کہاں پر کجی واقع ہوئی ہے۔
انتہا
محفلین
اس موضوع پر بہت بحث کر چکے، ایسے ہوش ربا نتائج وفوائد حاصل ہوئے کہ بس اب تو دور ہی رہنے کی جی چاہتا ہے۔
صرف ایک جملہ یاددہانی کے طور پر دوبارہ عرض کر دیتا ہوں
ہر آیت کی ہر مسلک کے پاس اپنی مرضی کی اپنی ہی تفسیر ہے۔
اور جو مسلک کے جھگڑے کے پاس ہیں ان تفاسیر کی تو گنتی ہی دشوار ہے۔
محمود احمد غزنوی
محفلین
تو پھر کیا کرنا چاہئیے
عاطف بٹ
محفلین
غزنوی صاحب، اگر آپ دین کی تباہی کے غم میں اتنا ہی گھلے جارہے ہیں تو خود آگے بڑھ کر کوئی عملی کردار کیوں ادا نہیں کرتے اس سلسلے میں؟ گھر میں بیٹھ کر باتیں کرنا بہت آسان ہوتا ہے، اٹھئے جا کر کوئی منبر اور مسجد سنبھالئے تاکہ پتہ چلے کہ واقعی آپ کے دل میں کتنا جذبہ اور تڑپ ہے دین اور ملک کی بہتری کے لئے۔ تین، چار ہزار تنخواہ لینے والا مولوی ہو یا مذہب کے نام پر سیاست کرنے والا مولانا فضل الرحمٰن، وہ لوگ دین کے ٹھیکیدار اس لئے بنے بیٹھے ہیں کہ ہم آپ جیسے لوگ دین کا کام کرنے سے کتراتے ہیں۔
محمود احمد غزنوی
محفلین
میرے بس میں جو ہے وہ میں کر ہی رہا ہوں۔۔۔جس طرح آپ نے اپنا نقطہ نظر بیان کیا اس فورم پر، اس سے یہ بات تو آپ نے بھی عملاّ تسلیم کی کہ کچھ کرنے کیلئے صرف مسجد و منبر ہی پلیٹ فارم نہیں ہوتے، تو یہی کام اگر کوئی دوسرا کرے تو آپ اسے مسجد و منبر سنبھالنے کا قیمتی مشورہ دے رہے ہیں۔۔پہلے اپنی سوچ کے اس تعارض کو دور کیجئے کیونکہ اصولاّ پھر آپکو بھی اس فورم پر کچھ پوسٹ کرنے کی بجائے کسی مسجد یا منبر پر براجمان ہوجانا چاہئیے تھا
عاطف بٹ
محفلین
الحمدللہ، ثم الحمدللہ، ہم صرف فورم پر آ کر بحث مباحثہ ہی نہیں کرتے بلکہ مسجد و منبر کی ذمہ داری بھی سنبھالتے ہیں بوقتِ ضرورت۔ یقین نہ آئے تو اگلا خطبہ جس جگہ ہوگا وہاں آپ کو بھی دعوت دے لیں گے۔میرے بس میں جو ہے وہ میں کر ہی رہا ہوں۔۔۔ جس طرح آپ نے اپنا نقطہ نظر بیان کیا اس فورم پر، اس سے یہ بات تو آپ نے بھی عملاّ تسلیم کی کہ کچھ کرنے کیلئے صرف مسجد و منبر ہی پلیٹ فارم نہیں ہوتے، تو یہی کام اگر کوئی دوسرا کرے تو آپ اسے مسجد و منبر سنبھالنے کا قیمتی مشورہ دے رہے ہیں۔۔پہلے اپنی سوچ کے اس تعارض کو دور کیجئے کیونکہ اصولاّ پھر آپکو بھی اس فورم پر کچھ پوسٹ کرنے کی بجائے کسی مسجد یا منبر پر براجمان ہوجانا چاہئیے تھا
آپ کو یہ مشورہ اس لئے دیا تھا کیونکہ آپ یوں ظاہر کررہے ہیں جیسے آپ سے بڑا دین و ملک کا غم خوار اس دنیا میں پیدا ہی نہیں ہوا۔ مذہب کا ٹھیکیدار کوئی اپنے آپ نہیں بنتا، آپ ہم جیسے لوگ اپنی بے عملی سے اسے اجازت دیتے ہیں ایسا کرنے کی۔
محمود احمد غزنوی
محفلین
آپکے خطبے میں جس قسم کے حکمت کے موتی ہونگے انکا اندازہ تو آپکی تحریر سے ہورہا ہے۔۔۔۔
عاطف بٹ
محفلین
خان صاحب، الزام لگانا بہت آسان ہے اور ثابت کرنا بہت مشکل۔ آج بھی مسجدوں اور مدرسوں میں، دینی تعلیم کے حوالے سے بننے والے جدید سکولوں میں اور مذہبی فکر کی ترویج کے لئے بنائے جانے والے مراکز میں عورتوں اور بچیوں کی بڑی تعداد میں موجود اس بات پر دال ہے کہ مذہب سے وابستہ لوگ عورتوں کی تعلیم کے خلاف نہیں ہیں مگر یہ سب آپ کو تب نظر آئے گا جب آپ اپنی آنکھوں سے تعصب کی پٹی اتاریں گے۔
اگر آپ کو واقعی تعمیری اور مثبت بحث کرنے کا شوق ہے تو پہلے پورے منظرنامے پر نظر ڈالیے پھر آ کر بحث کریں۔
عاطف بٹ
محفلین
وہ جو بھی ہوں گے کم از کم میں کچھ کر تو رہا ہوں ناں، آپ کی طرح یہاں بیٹھ کر اور ہر چیز کو ایک مخصوص نمبر کی عینک لگا کر دیکھتے ہوئے محض باتیں تو نہیں بنارہا۔آپکے خطبے میں جس قسم کے حکمت کے موتی ہونگے انکا اندازہ تو آپکی تحریر سے ہورہا ہے۔۔۔ ۔
شمشاد
لائبریرین
یہ تو آپ نے قبل از وقت ہی اندازہ لگا لیا۔ پہلے پرکھنا تو چاہیے تھا۔آپکے خطبے میں جس قسم کے حکمت کے موتی ہونگے انکا اندازہ تو آپکی تحریر سے ہورہا ہے۔۔۔ ۔
محمود احمد غزنوی
محفلین
آپ سوائے اسکے کچھ نہیں کر رہے کہ اپنی بات کو دہراتے چلے جائیں اور دوسرے کو قائل کرنے کی بجائے اس پر ذاتی اٹیک کرنا شروع کردیں ۔۔۔آپ باتیں ہی بنا رہے ہیں حضور کیونکہ خطبہ دینا بھی باتیں بنانا ہی ہے ۔۔۔ اگر آپ کو ایسا لگا ہے کہ میرے مراسلے میں موجود لفظ " دین کے ٹھیکیدار" آپکے لئے ہے تو پھر یونہی سمجھ لیجئے، اگرچہ میرا روئے سخن آپکی طرف تو نہیں تھا لیکن اب آپ ایسا سمجھ ہی بیٹھے ہیں تو میں آپکو منع نہیں کروں گا۔
محمود احمد غزنوی
محفلین
دیگ کا ایک دانہ بھی کافی ہوتا ہے ضروری نہیں کہ پورے زردے کی دیگ کو ہی تناول فرمالیا جائے
سید ذیشان
محفلین
ماشاء اللہ، یہ تو بڑی خوشی کی بات ہے۔ یہ انکشاف آپ اپنی تحریر میں ہی کر دیتے تو شائد بات وہی پر رک جاتی۔ کیونکہ خطاب حضرات سے تو اب کوئی نہیں بحث سکتا نا۔
عاطف بٹ
محفلین
میں نے تو آپ کی ذات کو سامنے رکھ کر اس لئے بات کی ہے کیونکہ آپ یہ تاثر دینے کی کوشش کررہے ہیں کہ دین و ملک کے لئے آپ سے زیادہ درد اور کسی کے سینے میں ہے ہی نہیں اور مذہب سے جڑے ہوئے سب لوگوں نے دین و ملک کا بیڑہ غرق کر کے رکھ دیا ہے۔ میں نے اسی لئے آپ کو مشورہ بھی دیا تھا کہ آپ خود آگے بڑھ کر باگ ڈور سنبھالئے تاکہ پتہ چل سکے کہ آپ واقعی سنجیدہ ہیں اس سلسلے میں۔
عاطف بٹ
محفلین
بحث سے روکا بھی کسی نے نہیں ہے آپ کو۔ آپ لوگوں نے یہاں ہر قسم کے اعتراضات کئے ہیں، کسی نے اس کے جواب میں کچھ برا بھلا تو نہیں کہا ناں آپ کو۔
- کیفیت