مطغوط

[خرد اعوان]

مطغوط

اشیاء

چاول - ایک کلو
مرغی - ١٠٠٠ یا ١١٠٠ گرام کی (چار ٹکڑے کی ہوئی )
ادرک ، لہسن ۔۔ پسا ہوا ( دو چمچے کھانے کے )
دہی ۔۔ کھانے کی تین چمچے
لونگیں ۔۔ چار سے چھ
کالی مرچ ۔۔ آٹھ سے دس
دارچینی ۔۔ ایک یا دو ٹکڑے
سبز الائچی ۔۔ چھ عدد
گرم مسالہ ۔۔ آدھا چائے کا چمچہ
ٹماٹو پیوری ۔۔ ١٢٥ گرام کے پیکٹ کا تین چوتھائی
چکن کیوبس ۔۔ ایک پیک میں جو دو ہوتی ہیں وہ دونوں ڈالنی ہے
پیاز ۔۔ دو درمیانے سائز کی (باریک کٹی ہوئی )
آئل ۔ پکانے کے لیے
نمک ۔۔ حسبِ ذائقہ
پسی مرچ ۔۔ ایک کھانے کا چمچہ
ہری مرچ ۔۔ دو تین


پکانے کی ترکیب

ایک پین میں آئل گرم کرکے باریک کٹی ہوئی پیاز ڈال کر گولڈن براؤن کرلیں ۔ اب اس میں لونگیں ، کالی مرچ ، دارچینی ، سبز الائچی ڈال کر اوپر سے چکن ، ادرک لہسن پیسٹ اور دہی ڈال کر ہلکی آنچ پر بھونیں اور پھر سرخ مرچ اور نمک بھی شامل کردیں ۔ دہی کا پانی خشک ہو جائے تو اس میں ایک سے دو گلاس پانی ، ٹماٹو پیوری اور چکن کیوبز ڈال کر مرغی گلا لیں ۔ مرغی گل جانے کے بعد اس کا پانی پھر سے خشک ہو جاتا ہے ۔ اب اس میں سے مرغی نکال لیں اور آدھے چاول ڈالیں اور پھر مرغی،ہری مرچ اور پھر چاول ڈال کر ، چاولوں کے حساب کا پانی ڈالیں اور پکنے رکھ دیں ۔ ہلکی آنچ پر دم دیں ۔


ساتھ میں کھانے کے لیے ٹماٹر کی چٹنی

تازہ ٹماٹر ۔۔ دو عدد
ہری مرچ ۔۔ ایک عدد
نمک ۔۔۔ حسب ذائقہ

ترکیب ۔۔۔

ٹماٹر کے چھلکے اتار لیں اور گرائنڈر میں ہری مرچ ، ٹماٹر ، نمک اور پانی کے ساتھ پیس لیں ۔ مطغوط کے ساتھ کھانے کے لیے ٹماٹر کی چٹنی تیار ہے ۔

 

[ماوراء]

مجھے بھوک لگ گئی۔۔ مزے کی ترکیب لگ رہی ہے۔
خرد، پاکستانی ڈش ہے یا کوئی عربی؟

 

[ماوراء]

اچھا۔۔ٹیگ میں لکھا ہوا ہے۔۔ عربی ڈش۔ ابھی دیکھا۔

 

[خرد اعوان]

اچھا۔۔ٹیگ میں لکھا ہوا ہے۔۔ عربی ڈش۔ ابھی دیکھا۔

جی عربی ڈش ہے یا واللہ عالم لیکن ملتی عربستان میں‌ہی ہے ۔ کل چکن نہیں‌تھی گھر میں‌تو میں‌نے صرف چاولوں‌کے ساتھ باقی اجزاء ملا کر پکا لیے تھے ۔ ساتھ میں‌ دہی سیون اپ کا رائتہ ( اس رائتہ میں‌پانی کی بجائے دہی میں‌تھوڑا سیون اپ ، نمک اور کالی مرچ ڈالتے ہیں ) اور ٹماٹر ، پیاز اور کھیرے کی سلاد کے ساتھ ٹاپ کا ٹیسٹ لگ رہا تھا ۔

کچھ اور بھی ڈشز ایسی ہیں‌جو ابھی شیئر کرنا باقی ہیں‌۔ ان شاءاللہ جلد لکھوں‌گی ان کی تراکیب بھی یہاں ۔


یہ ترکیب میں‌نے خاص طور سے محفل کے لیے لکھی ہے ۔ یہ انٹرنیٹ یا کسی کتابچہ میں‌دستیاب نہیں‌ہے فی الوقت ۔ لہٰذا اس کے جملہ حقوق تو محفل کے کچن کارنر کو سونپ دیئے میں‌نے ۔

 

[ماوراء]

واہ۔۔۔دہی اور سیون اپ کا رائتہ۔ میں بھی ٹرائی کروں گی۔ :d
باقی ترکیب واقعی مزے کی لگ رہی ہے۔۔جب بھی کچن میں کام کرنے کا موڈ ہوا۔۔۔سب سے پہلے اسی ترکیب کی باری ہو گی۔

 

[خرد اعوان]

واہ۔۔۔دہی اور سیون اپ کا رائتہ۔ میں بھی ٹرائی کروں گی۔ :d
باقی ترکیب واقعی مزے کی لگ رہی ہے۔۔جب بھی کچن میں کام کرنے کا موڈ ہوا۔۔۔سب سے پہلے اسی ترکیب کی باری ہو گی۔

سیون اپ کم ڈالیے گا ورنہ رائتہ میٹھا ہو جائے گا۔ کتنی خوش نصیب ہیں‌آپ کہ موڈ ہو تو کچن میں‌کام کرتی ہیں‌۔ میں‌تو اپنے آپ کو کہتی ہی کچن کی رانی ہوں‌کیونکہ میں‌زیادہ تر وہیں‌پائی جاتی ہوں‌۔

 

[شمشاد]

کہیں آپ کا فون باورچی خانے میں ہی تو نہیں لگا ہوا؟

 

[خرد اعوان]

کہیں آپ کا فون باورچی خانے میں ہی تو نہیں لگا ہوا؟

لا مافی فون ۔

زبردست کا ٹھینگا سر پر ۔

مطلب کوکنگ کا کوئی شوق نہیں تھا لیکن والدہ کا چمٹا اور بیلن دونوں بہت مضبوط ہیں اس لیے سیکھی اور

































اب تو عادت سی ہے مجھ کو ایسے جینے کی ۔

 

[شمشاد]

اللہ برکت دینے والا ہے۔ ایسے ہی جیتی رہیں، اگر رب نے چُک نہ لیا ہو تو۔