مرا یار مرا ہم نشینِ محفل قریب سے گزر گیا چپ کر کے

[جہانزیب کنجاہی]

مرا یار مرا ہم نشینِ محفل
قریب سے گزر گیا چپ کر کے

نہ شور شرابہ نہ تماشہ کیا
ٹوٹ کر بکھر گیا چپ کر کے

دنیا میں تو کہیں سکوں نہیں
آخر وہ کدھر گیا چپ کر کے

حکمِ یار میں مرنے کا حکم تھا
اور میں مر گیا چپ کر کے

قاتل موجود تھا گواہ بھی تھے
مقتول کیوں مکر گیا چپ کر کے

باب سبھی بند تھے دل کے جہاں
وہ کہاں سے اتر گیا چپ کر کے

 

[ابن رضا]

کیا خوب ہو جو آپ جہاںؔ صاحب
بحروں کی سوجھ بوجھ لیں چپ کر کے

(ازراہِ تفنن۔)

 

[آوازِ دوست]

کیا خوب ہو جو آپ جہانؔ صاحب
بحروں کی سوجھ بوجھ لیں چپ کر کے

حضور پہلے آپ بہزاد لکھنوی کی تو خبر لیں پھر ہم جیسوں کا بھی حساب کر لیجئے گا

 

[آوازِ دوست]

باب سبھی بند تھے دل کے جہاں
وہ کہاں سے اتر گیا چپ کر کے

واہ!
یوں بھی تو خوب ہے!
باب سبھی بند تھے دل کے جہاں
وہ کہاں سے گزر گیا چپکے سے

 

[ابن رضا]

حضور پہلے آپ بہزاد لکھنوی کی تو خبر لیں پھر ہم جیسوں کا بھی حساب کر لیجئے گا

اس کے لیے شیخ صاحب سے رابطہ کیجیے

 

[آوازِ دوست]

اس کے لیے شیخ صاحب سے رابطہ کیجیے

ہم نے تو سب در کھٹکھٹائے ہیں سو ایک یہ کیوں نہیں! تو جنابِ شیخ اپنے قیمتی خیالات سے آگاہ فرمائیے گا

 

[ابن رضا]

ہم نے تو سب در کھٹکھٹائے ہیں سو ایک یہ کیوں نہیں! تو جنابِ شیخ اپنے قیمتی خیالات سے آگاہ فرمائیے گا

خاطر جمع رکھیں

 

[جہانزیب کنجاہی]

احباب میں کوئی شاعر نہیں ہوں مگر کوشش کرتا رہتا ہوں لکھنے کی سو آپ احباب رہنمائی فرماتے رہیں گے تو ضرور کسی منزل سے آگہی ہو گی

 

[ابن رضا]

احباب میں کوئی شاعر نہیں ہوں مگر کوشش کرتا رہتا ہوں لکھنے کی سو آپ احباب رہنمائی فرماتے رہیں گے تو ضرور کسی منزل سے آگہی ہو گی

اس کے لیے اپنی شاعری کو اصلاحِ سخن کے زمرے میں شائع کیا کریں تا کہ اساتذہ رائے دے سکیں

 

[جہانزیب کنجاہی]

اس کے لیے اپنی شاعری کو اصلاحِ سخن کے زمرے میں شائع کیا کریں تا کہ اساتذہ رائے دے سکیں

حضور اگر آپ کو کہیں کمی پیشی نظر آئی ہو تو ضرور آگاہ فرما دیں

 

[نورالحسن جوئیہ]

میرے خیال میں بحر مانوس نہیں ہے
صرف ایک مصرع بحر میں ہے
مقتول کیوں مکر گیا چپ کر کے
اچھے شعرا کو پڑھتے رہیں اور یہ کام بھی جاری رکھیں۔ بحر پر عبور آجاتا ہے۔ خیالات کا دامن کبھی نہ چھوڑیئے

 

[الف عین]

بحر و اوزان سے قطع نظر، مجھے تو ’چپ کر کے‘ ہی سمجھ میں نہیں آ سکا۔ یہ کیا محاورہ ہے؟

 

[محمد تابش صدیقی]

آپ کی غزل سے ابو کی ایک نصیحت یاد آ گئی۔

شاعری تیرے بس کا روگ نہیں ہے تابش
تو فقط دوسروں کو پڑھ چپ کر کے

یہ تو از راہِ تفنن یونہی کہہ دیا۔
بہرحال محفل سیکھنے کے لیے بہترین جگہ ہے۔ اساتذہ موجود ہیں، شوق زندہ رکھیں اور رہنمائی لے کر اپنے خیالات کو بہتر انداز سے پیش کریں۔

شعر صرف اپنے لیے ہے، آپ اپنا حوصلہ بلند رکھیں۔

 

[محمد اطھر طاھر]

حکمِ یار میں مرنے کا حکم تھا
اور میں مر گیا چپ کر کے

اچھا ہی کیا جناب ورنہ
عشق کے علاقے میں حکم یار چلتا ہے
ضابطے نہیں چلتے
حسن کی عدالت میں عاجزی تو چلتی ہے
مرتبے نہیں چلتے۔۔۔۔۔۔۔۔۔۔۔۔۔۔