مبارکباد محمد احمد کے محفل پہ سترہ سال

[محمد خلیل الرحمٰن]

بہت بہت مبارک ہو محمداحمد بھائی

 

[شکیل احمد خان23]

محمد احمد بھائی کے تو محفل میں سترہ سال ہوئے ، ماشاء اللہ مگر خلیل بھائی کو یوں اچانک یہاں دیکھ کر جو حیرت ملی خوشی اور حسرت ملی حیرت ناظرین کو ہوئی اُس کی پُراسرار لڑی کہاں بنائی جائے ، کب بنائی جائے ؟؟

 

[نیرنگ خیال]

اردو محفل فورم کے ہر دلعزیز محفلین ، بہترین شاعر، بہترین نثر نگار، درد مند دل کے مالک محمد احمد ایسے الفاظ تراشتے ہیں کہ جن میں جذبات بہتے ہیں۔
احمد آپ کو ہمہ وقت کتاب پڑھتے نظر آئیں گے۔
ان کا اپنا اعتراف ہے۔
اُٹھا رکھوں سبھی کارِ جہاں، کتاب پڑھوں
تیاگ دوں یہ جہاں، ناگہاں! کتاب پڑھوں
دل کی بستی میں چاہے لوگ تھوڑے ہوں، وہ انھیں جوڑے رکھتے ہیں۔
سچ کے اجلے راستے پہ چلنے والے محمد احمد کی اردو محفل پہ آج سترھویں سالگرہ ہے۔
تمام محفلین کی طرف سے بہت بہت مبارک ہو۔
اللہ پاک سے دعا ہے کہ انھیں اور ان کے سب پیاروں کو دونوں جہانوں کی تمام خوشیاں، آسانیاں، کامیابیاں ، برکتیں، رحمتیں، کرم، فضل اور اپنی رضا عطا فرمائے۔ ہر دکھ، آزمائش، برے وقت، بری بیماری، برے حادثے، بری تقدیر، نظرِبد، اور حاسدین کے حسد سے پناہ دے۔ اپنے حفظ و امان میں رکھے۔
آمین!
ثم آمین!
یا رب العالمین!!

واہ واہ ۔۔۔۔ سچ کہا آپ نے احمد بھائی کے بارے میں۔۔۔۔۔ ویسے میں تو ان کی سستی کا بھی قائل ہوں۔۔۔۔ بقول احمد بھائی
اسے آنکھوں ہی آنکھوں میں، جہاں تک چھوڑ سکتا تھا وہاں تک چھوڑ آیا ہوں۔۔۔۔
بلاشبہ احمد بھائی محفل کے ان ہر دل عزیز لوگوں میں سے ایک ہیں۔۔۔۔ جن سے مجھے ایک انسیت ہے۔۔۔ جگ جگ جئیں احمد بھائی۔۔۔۔۔ محفل کے ٹین ایج نوجوان کی حثیت سے ہم محفلی بچوں کی رہنمائی فرماتے رہیں۔۔۔

 

[نیرنگ خیال]

یوں تو ہم نے سترہ سال میں محفل کی خاک بھی ٹھیک طرح سے نہیں چھانی

حضور خا ک چھاننے کو ہم جو ہیں۔۔۔۔ آپ کیوں کر زحمت کریں گے۔

 

[جاسمن]

بہت بہت مبارک ہو محمداحمد بھائی

السلام علیکم ورحمتہ اللہ وبرکاتہ۔
اللہ اکبر! کدھر غائب ہیں آپ!
اگر کوئی معقول وجہ نہ بتائی تو جرمانہ ہو گا۔

 

[جاسمن]

حضور خا ک چھاننے کو ہم جو ہیں۔۔۔۔ آپ کیوں کر زحمت کریں گے۔

آپ کی ہر آمد آپ کے بارے میں ایک نیا انکشاف لاتی ہے۔
لیکن ایک ہزار ڈالرز کا سوال یہ ہے کہ اتنا سست الوجود بندہ خاک چھاننے جیسا محنت طلب کام کیسے کر سکتا ہے؟

 

[نیرنگ خیال]

آپ کی ہر آمد آپ کے بارے میں ایک نیا انکشاف لاتی ہے۔
لیکن ایک ہزار ڈالرز کا سوال یہ ہے کہ اتنا سست الوجود بندہ خاک چھاننے جیسا محنت طلب کام کیسے کر سکتا ہے؟

اسے چھاننے کی جلدی تھی سو باتوں ہی باتوں میں
جہاں تک چھان سکتا تھا وہاں تک چھان آیا ہوں

 

[علی وقار]

محفل کے ٹین ایج نوجوان کی حثیت سے ہم محفلی بچوں کی رہنمائی فرماتے رہیں۔۔۔

رہنمائے طفلانِ مجلس منجانب ٹین ایج محفلین!

 

[جاسمن]

رہنمائے طفلانِ مجلس منجانب ٹین ایج محفلین!

یہاں تو بزرگ ہی ابھی اٹھارہ اٹھارہ کے ہوئے ہیں تو ٹین ایج اور طفلان کی عمریں!!! الامان الحفیظ!!

 

[علی وقار]

یہاں تو بزرگ ہی ابھی اٹھارہ اٹھارہ کے ہوئے ہیں

جی ہاں! اٹھارہ سالہ لاٹھی بردار بزرگ!

 

[الف نظامی]

ماشاء اللہ
بہت بہت مبارک ہو محمداحمد

 

[فہیم]

بہت مبارک احمد بھائی۔
ان سترہ سالوں میں کوئی سترہ ہزار نئے اشعار تو ضرور کہے ہونگے آپ نے