محبت کے موضوع پر اشعار!

[تیشہ]

بہت آسان تھا اسکی محبت کو دعا کرنا
بہت مشکل ہے بندے کو مگر اپنا خداُ کرنا

کہاں تک کھینچنا دیوار پر سادہ لکیروں کو
تمھاری یاد میں کب تک انہیں بیٹھے گنا کرنا

محبت کرنے والوں کی کہانی بس یہی تو ہے
کبھی نیناں میں بھرجانا کبھی دل میں رچا کرنا

 

[خوشی]

ہر اک تدبیر اپنی رائیگاں ٹھہری محبت میں
کسی بھی خواب کو تعبیر کا رستہ نہیں ملتا

 

[راجہ صاحب]

محبت ایک سمندر ہے وہ بھی اتنا بسیط
کہ اس میں کوئی تصور نہیں کنارے کا

 

[شمشاد]

عشق میں دنیا گنوائی ہے نہ جاں دی ہے فراز
پھر بھی ہم اہل محبت کی مثالوں میں رہے
(احمد فراز)

 

[شاہ حسین]

محبت میں نہیں فرق جینے اور مرنے کا ۔
اُسی کو دیکھ کر جیتے ہیں جس کافر پر دم نکلے

غالب

 

[شمشاد]

تجارت کے اصولوں پر محبت کی نہیں جاتی
محبت میں کبھی جذبات کا سودا نہیں کرتے

 

[انیس فاروقی]

گدازِ داغِ دلِ شمعِ بساطِ خانہ ویرانی
تپش گاہِ محبت میں فروغ جاودانی ہے

 

[شاہ حسین]

خاموش محبّت ہو کہ میدان کی للکار
محرامی گفتار زباں سب کے لئے ہے

مصطفیٰ زیدی

 

[قمراحمد]

موت کی آہٹ سنائی دے رہی دل میں کیوں
کیا محبت سے بہت خالی یہ گھر ہونے کو ہے

 

[راجہ صاحب]

شہرِ محبت، ہجر کا موسم، عہدِ وفا اور میں
تو تو اس بستی سے خوش خوش چلا گیا، اور میں؟

 

[عمر سیف]

محبت ایک سمندر ہے وہ بھی اتنا بسیط
کہ اس میں کوئی تصور نہیں کنارے کا ۔۔

 

[dxbgraphics]

محبت محبت محبت۔ جہاں سنوں محبت کی پکار ہے
خود اس میں کود کے دیکھا توپایا کہ بےچینی کا بازار ہے

بے تکا شاعر

 

[مغزل]

میں محبت کے سوا کچھ بھی نہیں کرسکتا
اس تگ و دو میں مرا ہاتھ بٹایا جائے
نسیم عباسی ( ہری پور)

 

[راجہ صاحب]

اک لفظ محبت ہے اسے کر کے دیکھوں تم
برباد نا ہو جاؤ تو میرا نام بدل دینا


نامعلوم

 

[مغزل]

بس ایک لفظ محبت ہے اور کچھ بھی نہیں
کشید ہوکے جو سچائیوں سے نکلا ہے

عزیز مرزا

 

[راجہ صاحب]

زمیں اک منہدم بستی کا ملبہ
اور اس ملبے میں بستا گھر محبت

مٹا دیتی ہے سارے خوف دل سے
بسا کر روح میں اک ڈر محبت

 

[اشتیاق علی]

محبت مجھے ان جوانوں سے ہے
جو کھاتے پیتے گھرانوں سے ہیں

 

[محمود احمد غزنوی]

محبّت اب نہیں ہوگی
یہ کچھ دن بعد میں ہوگی
گذر جائیں گے جب یہ دن
پھر انکی یاد میں ہوگی

 

[راجہ صاحب]

اک شہنشاہ نے دولت کا سہارا لے کر
ہم غریبوں کی محبت کا اڑایا ہے مزاق


ساحر

 

[محمود احمد غزنوی]

اک شہنشاہ نے بنوا کے حسیں تاج محل
ساری دنیا کو محبّت کی نشانی دے دی

ساحر