لوکی کے کوفتے

[عندلیب]

لوکی کے کوفتے​

اجزاء
لوکی: 750 گرام (کدو کش کر لیں)
چنے کا آٹا (بیسن) : 5 بڑے چمچے
نمک : حسبِ ذائقہ
لال مرچ پاوڈر: حسبِ ذائقہ
املی(بیج کے ساتھ) : 12 ٹکڑے
تیل: تلنے کے لیے

ترکیب:
لوکی میں چنے کا آٹا ، نمک ، لال مرچ پاؤڈر ڈال کر اچھی طرح مکس کریں ، پھر اس مکسچر کو 12 حصوں میں بانٹ لیں ، اب ہر حصہ میں ایک املی کا ٹکڑا رکھ کر گول کوفتہ کی شکل دیں پھر گرم گرم تیل میں ڈیپ فرائی کریں۔ اور گرما گرما نوش فرمائیں۔

 

[ابن سعید]

املی نکال کر باقی چیزوں سے بن سکتی ہے تو ٹرائی کرتے ہیں۔

 

[عندلیب]

یہ لیجئے تصویر بھی مل گئی ۔

 

[عندلیب]

املی نکال کر باقی چیزوں سے بن سکتی ہے تو ٹرائی کرتے ہیں۔

کبھی کبھی املی کھانا صحت کے لیے اچھا ہوتا ہے۔

 

[ابن سعید]

کبھی کبھی املی کھانا صحت کے لیے اچھا ہوتا ہے۔

لیکن کوئی پوچھے کہ تین پاؤ لوکی میں 12 ٹکڑے املی کے کہاں کا انصاف ہے بھلا؟

 

[mfdarvesh]

واہ اپیا جی
آپ نے تو سستا کام بتا دیا ہے اب کوئی کوفتے کی فرمائش کرے گا تو ہم لوکی کا ہی مشورہ دیں گے

 

[عائشہ عزیز]

شکریہ اپیا ۔۔۔اچھی ڈش ہے امی جان کو بتاؤں گی اس کے بارے میں ۔۔۔
ایک آدھ تصویر بھی لگا دیتیں تو مزہ آجاتا ۔

 

[عندلیب]

لیکن کوئی پوچھے کہ تین پاؤ لوکی میں 12 ٹکڑے املی کے کہاں کا انصاف ہے بھلا؟

تجربہ کار لوگ ایسے سوال نہیں کیا کرتے۔

 

[عائشہ عزیز]

اوہ اب دیکھی ہے کافی دیر سے اس کو دیکھ رہی تھی تو ری لوڈ کرنے سے پہلے ہی پیغام بھیج دیا ۔۔۔
ویسے میں بھی کبھی املی بہت کھایا کرتی تھی ۔۔۔۔اور ساتھ میں امی جان سے ڈانٹ بھی

 

[عندلیب]

واہ اپیا جی
آپ نے تو سستا کام بتا دیا ہے اب کوئی کوفتے کی فرمائش کرے گا تو ہم لوکی کا ہی مشورہ دیں گے

جی شکریہ !

 

[ابن سعید]

تجربہ کار لوگ ایسے سوال نہیں کیا کرتے۔

ہا ہا ہا ہا ہا ہا۔

 

[شمشاد]

بہت خوب، بہت شکریہ شریک محفل کرنے کا۔

آج معلوم ہوا کہ قیمے کے بغیر بھی کوفتے بن سکتے ہیں۔

 

[طالوت]

کوفتوں سے تو ذہن میں پہلا خیال قیمے کا ہی آتا ہے ، چھٹیوں میں موقع ملا تو کوشش کرتے ہیں لوکی کے کوفتوں کی۔

 

[ساجد]

گویا اب کوفتے بنانے میں کوفت کم اٹھانی پڑے گی۔ بڑی سادہ ترکیب ہے۔