غیر متوقع اردو ویب ڈاؤن ٹائم

اردو ویب سمیت ڈریم ہوسٹ پر موجود بے شمار ویب سائٹس آج کافی دیر تک ڈاؤن رہیں۔ خود اردو ویب کم و بیش اٹھارہ گھنٹے نا قابل رسائی رہا۔ اس کا افسوسناک پہلو یہ تھا کہ کسی کو کوئی بھی اندازہ نہیں تھا کہ سرور کب تک بحال ہو سکے گا۔ اس کا اندازہ ڈریم ہوسٹ کے اسٹیٹس پیج پر جھنجھلائے ہوئے کلائنٹس کے تبصروں سے سے بخوبی لگایا جا سکتا ہے۔

اس دوران ہم سے کئی احباب نے رابطہ کیا اور سبب جاننے کی کوشش کی۔ ہم بذات خود کسی عادی نشہ باز کی طرح بار بار صفحہ لوڈ کرنے کی کوشش کرتے رہے۔

بہر کیف، اب ہم نے تہیہ کر لیا ہے کہ ڈریم ہوسٹ پر اردو ویب کا سفر جلدی ہی اپنے انجام کو پہونچ جانا چاہئے۔ ہم نے پچھلے ہفتوں میں بعض دیگر خدمات کا جائزہ لیا ہے اور کچھ فیصلے لیے ہیں۔ ان شاء اللہ اردو ویب کا پورا نظام کہیں اور منتقل کرنے کے لئے بہت جلدی ٹھوس اقدامات اٹھائے جائیں گے۔ امید ہے کہ ڈریم ہوسٹ چھوڑنے کے بعد میموری سے متعلق مستقل مسائل سے نجات مل سکے گی اور سنجیدگے سے بعض پروجیکٹس پر توجہ دے پانا ممکن ہو سکے گا۔

سروس بحال ہو جانے کے بعد ڈریم ہوسٹ کی جانب سے آخری اپڈیٹ۔

ہم تو نہ جانے کن کن اندیشوں کا شکار ہو گئے تھے۔ پہلے تو ایک ڈیڑھ گھنٹہ ڈاؤن ٹائم تھا اب کی بار گویا پاکستان ریلوے سے مقابلہ پڑ گیا تھا۔

ایک عدد ری رائٹ رول کام نہیں کر رہا تھا کیوں کہ ہم نے اپاچے کے بجائے سروس کو انجن ایکس پر منتقل کر دیا ہے۔ بہر کیف ہم نے اب سیارہ کو فکس کر دیا ہے۔

ہم ڈریم ہوسٹ کو خیر باد کہنے پر کام کر رہے ہیں۔

جس قدر مسائل کا ہمیں سامنا رہا ہے اس کے چلتے تو ہم بالکل مشورہ نہیں دیں گے کہ ڈریم ہوسٹ کی طرف آئیں۔

آپ نے جو ربط فراہم کیا اس کا اس دھاگے سے کیا تعلق؟

"ناطقہ سر بہ گریباں ہے اسے کیا کہیے"

ایسی ویب سائٹوں کو متعارف کرانے کے لئے محفل میں "ویب سائٹس پر تبصرے" کے عنوان سے ایک عدد زمرہ موجود ہے۔ اگر آپ کو اتنی بھی سمجھ نہیں کہ یہاں کیا بات چل رہی ہے تو آپ کو اس دھاگے تک آنے کی ضرورت کیا تھی؟ اور آ ہی گئے تھے تو جواب دینا کیا ضروری تھا؟