غزل: زندگی تو ہے۔

[علی امان]

میں مسافر ہوں رہبری تو ہے
دشتِ تیرہ میں روشنی تو ہے​

جانِ ساغر ہے مے کشی تو ہے
جس کے دم سے ہے بے خودی تو ہے​

تو تغزل ہے میری غزلوں کا
میرے نغموں کی نغمگی تو ہے​

گذریں کتنی نگہ سے تصویریں
اک جو دل میں اتر گئی تو ہے​

بے خبر ہوں میں ساری دنیا سے
ہے فقط جس سے آگہی تو ہے​

گر ضرورت ہے تو فقط تیری
اور کسی کی ہے گر کمی تو ہے​

تیرا مسکن ہے میری یادوں میں
میرے دل کی گلی گلی تو ہے​

میرا جینا محال ہے تجھ بن
کیا کروں میری زندگی تو ہے

علی امان​

 

[الف عین]

اچھی غزل ہے۔

 

[علی امان]

اچھی غزل ہے۔

آپ جیسے حضرات کی توجہات کو میں اپنے لئے خوش نصیبی سمجھتاہوں۔ بہت شکریہ۔